༢. པཱ་ན་དྷི་དཱ་ཡ་ཀ་ཏྠེ་ར་ཨ་པ་དཱ་ནཾ
༦. ‘‘ཨཱ་ར་ཉྙི་ཀ་སྶ ཨི་སི་ནོ, ཙི་ར་ར་ཏྟ་ཏ་པ་སྶི་ནོ [ཛྷཱ་ཡི་ནོ, མེ་ཏྟ་ཙི་ཏྟ་ཏ་པ་སྶི་ནོ (སྱཱ.)];
བུ་དྡྷ་སྶ [དྷ་མྨ་སྶ (སྱཱ. ཀ.)] བྷཱ་ཝི་ཏ་ཏྟ་སྶ, ཨ་དཱ་སིཾ པཱ་ན་དྷིཾ ཨ་ཧཾ.
༧. ‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
དི་བྦ་ཡཱ་ནཾ [ས་བྦཾ ཡཱ་ནཾ (སཱི.)] ཨ་ནུ་བྷོ་མི, པུ་བྦ་ཀ་མྨ་སྶི་དཾ ཕ་ལཾ.
༨. ‘‘ཙ་ཏུ་ནྣ་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པཱ་ན་དྷི་སྶ ཨི་དཾ ཕ་ལཾ.
༩. ‘‘ས་ཏྟ་ས་ཏྟ་ཏི་ཏོ ཀ་པྤེ, ཨ་ཊྛ ཨཱ་སིཾ་སུ ཁ་ཏྟི་ཡཱ;
སུ་ཡཱ་ནཱ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལཱ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ན་དྷི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་ན་དྷི་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.