༣. ས་ཙྩ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༡. ‘‘ཝེ་སྶ་བྷཱུ ཏ་མྷི ས་མ་ཡེ, བྷི་ཀྑུ་ས་ངྒྷ་པུ་ར་ཀྑ་ཏོ;
དེ་སེ་ཏི ཨ་རི་ཡ་ས་ཙྩཱ་ནི, ནི་བྦཱ་པེ་ནྟོ མ་ཧཱ་ཛ་ནཾ.
༡༢. ‘‘པ་ར་མ་ཀཱ་རུ་ཉྙ་པ་ཏྟོ་མྷི, ས་མི་ཏིཾ ཨ་ག་མཱ་ས་ཧཾ;
སོ་ཧཾ ནི་སི་ནྣ་ཀོ ས་ནྟོ, དྷ་མྨ་མ་སྶོ་སི ས་ཏྠུ་ནོ.
༡༣. ‘‘ཏ་སྶཱ་ཧཾ དྷ་མྨཾ སུ་ཏྭཱ་ན, དེ་ཝ་ལོ་ཀཾ ཨ་ག་ཙྪ་ཧཾ;
ཏིཾ་ས་ཀ་པྤཱ་ནི དེ་ཝེ་སུ, ཨ་ཝ་སིཾ ཏ་ཏྠ་ཧཾ པུ་རེ.
༡༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ཙྩ་ས་ཉྙཱ་ཡི་དཾ ཕ་ལཾ.
༡༥. ‘‘ཚ་བྦཱི་ས་མྷི ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
ཨེ་ཀ་ཕུ་སི་ཏ་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཙྩ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཙྩ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.