༢༢. ཧ་ཏྠི་ཝ་གྒོ
༡. ཧ་ཏྠི་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘སི་དྡྷ་ཏྠ་སྶ བྷ་ག་ཝ་ཏོ, དྭི་པ་དི་ནྡ་སྶ ཏཱ་དི་ནོ;
ནཱ་ག་སེ་ཊྛོ མ་ཡཱ དི་ནྣོ, ཨཱི་སཱ་ད་ནྟོ ཨུ་རཱུ་ལ༹ྷ་ཝཱ.
༢. ‘‘ཨུ་ཏྟ་མ་ཏྠཾ ཨ་ནུ་བྷོ་མི, ས་ནྟི་པ་ད་མ་ནུ་ཏྟ་རཾ;
ནཱ་ག་དཱ་ནཾ [ཨ་གྒ་དཱ་ནཾ (སཱི. ཀ.)] མ་ཡཱ དི་ནྣཾ, ས་བྦ་ལོ་ཀ་ཧི་ཏེ་སི་ནོ.
༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ནཱ་ག [དཱ་ན (སཱི. ཀ.)] མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ནཱ་ག་དཱ་ན་སྶི་དཾ ཕ་ལཾ.
༤. ‘‘ཨ་ཊྛ་ས་ཏྟ་ཏི་ཀ་པྤ་མྷི, སོ་ལ༹་སཱ་སིཾ་སུ ཁ་ཏྟི་ཡཱ;
ས་མ་ནྟ་པཱ་སཱ་དི་ཀཱ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལཱ.
༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཧ་ཏྠི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཧ་ཏྠི་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. པཱ་ན་དྷི་དཱ་ཡ་ཀ་ཏྠེ་ར་ཨ་པ་དཱ་ནཾ
༦. ‘‘ཨཱ་ར་ཉྙི་ཀ་སྶ ཨི་སི་ནོ, ཙི་ར་ར་ཏྟ་ཏ་པ་སྶི་ནོ [ཛྷཱ་ཡི་ནོ, མེ་ཏྟ་ཙི་ཏྟ་ཏ་པ་སྶི་ནོ (སྱཱ.)];
བུ་དྡྷ་སྶ [དྷ་མྨ་སྶ (སྱཱ. ཀ.)] བྷཱ་ཝི་ཏ་ཏྟ་སྶ, ཨ་དཱ་སིཾ པཱ་ན་དྷིཾ ཨ་ཧཾ.
༧. ‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
དི་བྦ་ཡཱ་ནཾ [ས་བྦཾ ཡཱ་ནཾ (སཱི.)] ཨ་ནུ་བྷོ་མི, པུ་བྦ་ཀ་མྨ་སྶི་དཾ ཕ་ལཾ.
༨. ‘‘ཙ་ཏུ་ནྣ་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པཱ་ན་དྷི་སྶ ཨི་དཾ ཕ་ལཾ.
༩. ‘‘ས་ཏྟ་ས་ཏྟ་ཏི་ཏོ ཀ་པྤེ, ཨ་ཊྛ ཨཱ་སིཾ་སུ ཁ་ཏྟི་ཡཱ;
སུ་ཡཱ་ནཱ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལཱ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ན་དྷི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་ན་དྷི་དཱ་ཡ་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ས་ཙྩ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༡. ‘‘ཝེ་སྶ་བྷཱུ ཏ་མྷི ས་མ་ཡེ, བྷི་ཀྑུ་ས་ངྒྷ་པུ་ར་ཀྑ་ཏོ;
དེ་སེ་ཏི ཨ་རི་ཡ་ས་ཙྩཱ་ནི, ནི་བྦཱ་པེ་ནྟོ མ་ཧཱ་ཛ་ནཾ.
༡༢. ‘‘པ་ར་མ་ཀཱ་རུ་ཉྙ་པ་ཏྟོ་མྷི, ས་མི་ཏིཾ ཨ་ག་མཱ་ས་ཧཾ;
སོ་ཧཾ ནི་སི་ནྣ་ཀོ ས་ནྟོ, དྷ་མྨ་མ་སྶོ་སི ས་ཏྠུ་ནོ.
༡༣. ‘‘ཏ་སྶཱ་ཧཾ དྷ་མྨཾ སུ་ཏྭཱ་ན, དེ་ཝ་ལོ་ཀཾ ཨ་ག་ཙྪ་ཧཾ;
ཏིཾ་ས་ཀ་པྤཱ་ནི དེ་ཝེ་སུ, ཨ་ཝ་སིཾ ཏ་ཏྠ་ཧཾ པུ་རེ.
༡༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ཙྩ་ས་ཉྙཱ་ཡི་དཾ ཕ་ལཾ.
༡༥. ‘‘ཚ་བྦཱི་ས་མྷི ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
ཨེ་ཀ་ཕུ་སི་ཏ་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༡༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ཙྩ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ཙྩ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཨེ་ཀ་ས་ཉྙ་ཀ་ཏྠེ་ར་ཨ་པ་དཱ་ནཾ
༡༧. ‘‘དུ་མ་གྒེ པཾ་སུ་ཀཱུ་ལི་ཀཾ [པཾ་སུ་ཀཱུ་ལ་ཀཾ (?)], ལ་གྒཾ དི་སྭཱ་ན ས་ཏྠུ་ནོ;
ཨ་ཉྫ་ལིཾ པ་གྒ་ཧེ་ཏྭཱ་ན, པཾ་སུ་ཀཱུ་ལཾ ཨ་ཝ་ནྡ་ཧཾ.
༡༨. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༩. ‘‘པ་ཉྩ་ཝཱི་སེ ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
ཨ་མི་ཏཱ་བྷོ་ཏི ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༢༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. རཾ་སི་ས་ཉྙ་ཀ་ཏྠེ་ར་ཨ་པ་དཱ་ནཾ
༢༡. ‘‘ཨུ་དེ་ནྟཾ ས་ཏ་རཾ་སིཾ་ཝ, པཱི་ཏ་རཾ་སིཾ་ཝ [སི་ཏ་རཾ་སིཾ ཝ (སཱི. སྱཱ.)] བྷཱ་ཎུ་མཾ;
བྱ་གྒྷཱུ་ས་བྷཾ་ཝ པ་ཝ་རཾ, སུ་ཛཱ་ཏཾ པ་བྦ་ཏ་ནྟ་རེ.
༢༢. ‘‘བུ་དྡྷ་སྶ ཨཱ་ནུ་བྷཱ་ཝོ སོ, ཛ་ལ་ཏེ པ་བྦ་ཏ་ནྟ་རེ;
རཾ་སེ [རཾ་སྱཱ (?)] ཙི་ཏྟཾ པ་སཱ་དེ་ཏྭཱ, ཀ་པྤཾ ས་གྒ་མྷི མོ་ད་ཧཾ.
༢༣. ‘‘ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཙ་རི་ཏཾ མ་ཡཱ;
ཏེ་ན ཙི་ཏྟ་པྤ་སཱ་དེ་ན, བུ་དྡྷཱ་ནུ་སྶ་ཏི་ཡཱ་པི ཙ.
༢༤. ‘‘ཏིཾ་ས་ཀ་པྤ་ས་ཧ་སྶེ་ཏོ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༢༥. ‘‘ས་ཏྟ་པ་ཉྙཱ་ས་ཀ་པྤ་མྷི, ཨེ་ཀོ ཨཱ་སིཾ ཛ་ནཱ་དྷི་པོ;
སུ་ཛཱ་ཏོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༢༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ རཾ་སི་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
རཾ་སི་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ས་ནྡྷི་ཏ་ཏྠེ་ར་ཨ་པ་དཱ་ནཾ
༢༧. ‘‘ཨ་སྶ་ཏྠེ ཧ་རི་ཏོ་བྷཱ་སེ, སཾ་ཝི་རཱུ་ལ༹ྷ་མྷི པཱ་ད་པེ;
ཨེ་ཀཾ བུ་དྡྷ་ག་ཏཾ ས་ཉྙཾ, ཨ་ལ་བྷིཾ་ཧཾ [ཨ་ལ་བྷི་སྶཾ (སཱི.)] པ་ཏི་སྶ་ཏོ.
༢༨. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
ཏ་སྶཱ ས་ཉྙཱ་ཡ ཝཱ་ཧ་སཱ, པ་ཏྟོ མེ ཨཱ་ས་ཝ་ཀྑ་ཡོ.
༢༩. ‘‘ཨི་ཏོ ཏེ་ར་ས་ཀ་པྤ་མྷི, དྷ་ནི་ཊྛོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ནྡྷི་ཏོ [ས་ཎྛི་ཏོ (སཱི.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ནྡྷི་ཏ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཏཱ་ལ་ཝ་ཎྚ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༡. ‘‘ཏཱ་ལ་ཝ་ཎྚཾ མ་ཡཱ དི་ནྣཾ, ཏི་སྶ་སྶཱ་དི་ཙྩ་བ་ནྡྷུ་ནོ;
གི་མྷ་ནི་བྦཱ་པ་ན་ཏྠཱ་ཡ, པ་རི་ལཱ༹་ཧོ་པ་ས་ནྟི་ཡཱ.
༣༢. ‘‘ས་ནྣི་བྦཱ་པེ་མི རཱ་ག་གྒིཾ, དོ་ས་གྒི་ཉྩ ཏ་དུ་ཏྟ་རིཾ;
ནི་བྦཱ་པེ་མི ཙ མོ་ཧ་གྒིཾ, ཏཱ་ལ་ཝ་ཎྚ་སྶི་དཾ ཕ་ལཾ.
༣༣. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༣༤. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏཱ་ལ་ཝ་ཎྚ་སྶི་དཾ ཕ་ལཾ.
༣༥. ‘‘ཏེ་ས་ཊྛི་མྷི ཨི་ཏོ ཀ་པྤེ, མ་ཧཱ་ནཱ་མ་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏཱ་ལ་ཝ་ཎྚ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏཱ་ལ་ཝ་ཎྚ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཨ་ཀྐ་ནྟ་ས་ཉྙ་ཀ་ཏྠེ་ར་ཨ་པ་དཱ་ནཾ
༣༧. ‘‘ཀུ་སཱ་ཊ་ཀཾ ག་ཧེ་ཏྭཱ་ན, ཨུ་པ་ཛ྄ཛྷཱ་ཡ་སྶ་ཧཾ པུ་རེ;
མ་ནྟ་ཉྩ ཨ་ནུ་སི་ཀྑཱ་མི, ག་ནྠཱ་དོ་ས་སྶ [ཀ་ཎྜ་བྷེ་ད་སྶ (སཱི.), ག་ཎྜ་བྷེ་ད་སྶ (སྱཱ.)] པ་ཏྟི་ཡཱ.
༣༨. ‘‘ཨ་དྡ་སཾ ཝི་ར་ཛཾ བུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
ཨུ་ས་བྷཾ པ་ཝ་རཾ ཨ་གྒཾ, ཏི་སྶཾ བུ་དྡྷཾ ག་ཎུ་ཏྟ་མཾ [ག་ཛུ་ཏྟ་མཾ (སྱཱ.)].
༣༩. ‘‘ཀུ་སཱ་ཊ་ཀཾ པ་ཏྠ་རི་ཏཾ, ཨ་ཀྐ་མ་ནྟཾ ན་རུ་ཏྟ་མཾ;
ས་མུ་གྒ་ཏཾ མ་ཧཱ་ཝཱི་རཾ, ལོ་ཀ་ཛེ་ཊྛཾ ན་རཱ་ས་བྷཾ.
༤༠. ‘‘དི་སྭཱ ཏཾ ལོ་ཀ་པ་ཛྫོ་ཏཾ, ཝི་མ་ལཾ ཙ་ནྡ་ས་ནྣི་བྷཾ;
ཨ་ཝ་ནྡིཾ ས་ཏྠུ་ནོ པཱ་དེ, ཝི་པྤ་ས་ནྣེ་ན ཙེ་ཏ་སཱ.
༤༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཨ་དཱ་སིཾ ཀུ་སཱ་ཊ་ཀཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཀུ་སཱ་ཊ་ཀ་སྶི་དཾ ཕ་ལཾ.
༤༢. ‘‘ས་ཏྟ་ཏིཾ་སེ ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
སུ་ན་ནྡོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༤༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཀྐ་ནྟ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
ཨ་ཀྐ་ནྟ་ས་ཉྙ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ས་པྤི་དཱ་ཡ་ཀ་ཏྠེ་ར་ཨ་པ་དཱ་ནཾ
༤༤. ‘‘ནི་སི་ནྣོ པཱ་སཱ་ད་ཝ་རེ, ནཱ་རཱི་ག་ཎ་པུ་ར་ཀྑ་ཏོ;
བྱཱ་དྷི་ཏཾ ས་མ་ཎཾ དི་སྭཱ, ཨ་བྷི་ནཱ་མེ་ས་ཧཾ གྷ་རཾ.
༤༥. ‘‘ཨུ་པ་ཝི་ཊྛཾ མ་ཧཱ་ཝཱི་རཾ, དེ་ཝ་དེ་ཝཾ ན་རཱ་ས་བྷཾ;
ས་པྤི་ཏེ་ལཾ མ་ཡཱ དི་ནྣཾ, སི་དྡྷ་ཏྠ་སྶ མ་ཧེ་སི་ནོ.
༤༦. ‘‘པ་སྶ་དྡྷ་ད་ར་ཐཾ དི་སྭཱ, ཝི་པྤ་ས་ནྣ་མུ་ཁི་ནྡྲི་ཡཾ;
ཝ་ནྡི་ཏྭཱ ས་ཏྠུ་ནོ པཱ་དེ, ཨ་ནུ་སཾ་སཱ་ཝ་ཡིཾ པུ་རེ.
༤༧. ‘‘དི་སྭཱ མཾ སུ་པྤ་ས་ནྣ་ཏྟཾ [སུ་པྤ་ས་ནྣ་ནྟཾ (སྱཱ. ཀ.) སུ་པྤ་ས་ནྣ་ཙི་ཏྟ་ནྟི ཨ་ཏྠོ], ཨི་དྡྷི་ཡཱ པཱ་ར་མི་ངྒ་ཏོ;
ན་བྷཾ ཨ་བྦྷུ་གྒ་མཱི དྷཱི་རོ, ཧཾ་ས་རཱ་ཛཱ་ཝ ཨ་མྦ་རེ.
༤༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་པྤི་ཏེ་ལ་སྶི་དཾ ཕ་ལཾ.
༤༩. ‘‘ཨི་ཏོ ས་ཏྟ་ར་སེ ཀ་པྤེ, ཛུ་ཏི་དེ་ཝ [དུ་ཏི་དེ་ཝ (སྱཱ.), ཏུ་ཏི་དེ་ཝ (ཀ.)] ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་པྤི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་པྤི་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པཱ་པ་ནི་ཝཱ་རི་ཡ་ཏྠེ་ར་ཨ་པ་དཱ་ནཾ
༥༡. ‘‘པི་ཡ་ད་སྶི་སྶ བྷ་ག་ཝ་ཏོ, ཙ་ངྐ་མཾ སོ་དྷི་ཏཾ མ་ཡཱ;
ན་ལ༹་ཀེ་ཧི པ་ཊི་ཙྪ་ནྣཾ, ཝཱ་ཏཱ་ཏ་པ་ནི་ཝཱ་ར་ཎཾ.
༥༢. ‘‘པཱ་པཾ ཝི་ཝ་ཛྫ་ན་ཏྠཱ་ཡ, ཀུ་ས་ལ་སྶུ་པ་ས་མྤ་དཱ;
ཀི་ལེ་སཱ་ནཾ པ་ཧཱ་ནཱ་ཡ, པ་ད་ཧིཾ ས་ཏྠུ སཱ་ས་ནེ.
༥༣. ‘‘ཨི་ཏོ ཨེ་ཀཱ་ད་སེ ཀ་པྤེ, ཨ་གྒི་དེ་ཝོ་ཏི ཝི་སྶུ་ཏོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་པ་ནི་ཝཱ་རི་ཡོ [ཝཱ་ཏཱ་ཏ་པ་ནི་ཝཱ་རི་ཡོ (?)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་པ་ནི་ཝཱ་རི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
ཧ་ཏྠི་ཝ་གྒོ བཱ་ཝཱི་ས་ཏི་མོ.