༡. ཧ་ཏྠི་དཱ་ཡ་ཀ་ཏྠེ་ར་ཨ་པ་དཱ་ནཾ

༡. ‘‘སི་དྡྷ་ཏྠ་སྶ བྷ་ག་ཝ་ཏོ, དྭི་པ་དི་ནྡ་སྶ ཏཱ་དི་ནོ;

ནཱ་ག་སེ་ཊྛོ མ་ཡཱ དི་ནྣོ, ཨཱི་སཱ་ད་ནྟོ ཨུ་རཱུ་ལ༹ྷ་ཝཱ.

༢. ‘‘ཨུ་ཏྟ་མ་ཏྠཾ ཨ་ནུ་བྷོ་མི, ས་ནྟི་པ་ད་མ་ནུ་ཏྟ་རཾ;

ནཱ་ག་དཱ་ནཾ [ཨ་གྒ་དཱ་ནཾ (སཱི. ཀ.)] མ་ཡཱ དི་ནྣཾ, ས་བྦ་ལོ་ཀ་ཧི་ཏེ་སི་ནོ.

༣. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ནཱ་ག [དཱ་ན (སཱི. ཀ.)] མ་ད་དིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ནཱ་ག་དཱ་ན་སྶི་དཾ ཕ་ལཾ.

༤. ‘‘ཨ་ཊྛ་ས་ཏྟ་ཏི་ཀ་པྤ་མྷི, སོ་ལ༹་སཱ་སིཾ་སུ ཁ་ཏྟི་ཡཱ;

ས་མ་ནྟ་པཱ་སཱ་དི་ཀཱ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལཱ.

༥. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཧ་ཏྠི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཧ་ཏྠི་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.