༣. ཀི་ངྐ་ཎི་པུ་པྥི་ཡ་ཏྠེ་ར་ཨ་པ་དཱ་ནཾ
༡༠. ‘‘ཀ་ཉྩ་ན་གྒྷི་ཡ་ས་ངྐཱ་སོ, ས་བྦ་ཉྙཱུ ལོ་ཀ་ནཱ་ཡ་ཀོ;
ཨོ་ད་ཀཾ ད་ཧ་མོ་གྒ་ཡ྄ཧ, སི་ནཱ་ཡི ལོ་ཀ་ནཱ་ཡ་ཀོ.
༡༡. ‘‘པ་གྒ་ཡ྄ཧ ཀི་ངྐ་ཎིཾ [ཀི་ངྐི་ཎིཾ (སཱི.)] པུ་པྥཾ, ཝི་པ་སྶི་སྶཱ་བྷི་རོ་པ་ཡིཾ;
ཨུ་ད་གྒ་ཙི་ཏྟོ སུ་མ་ནོ, དྭི་པ་དི་ནྡ་སྶ ཏཱ་དི་ནོ.
༡༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༣. ‘‘ས་ཏྟ་ཝཱི་ས་ཏི་ཀ་པྤ་མྷི, རཱ་ཛཱ བྷཱི་མ་ར་ཐོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀི་ངྐ་ཎི་པུ་པྥི་ཡོ [ཀི་ངྐི་ཎི་ཀ་པུ་པྥི་ཡོ (སཱི.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀི་ངྐ་ཎི་པུ་པྥི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.