༤. ཏ་ར་ཎི་ཡ་ཏྠེ་ར་ཨ་པ་དཱ་ནཾ
༡༥. ‘‘ཨ་ཏྠ་ད་སྶཱི ཏུ བྷ་ག་ཝཱ, དྭི་པ་དི་ནྡོ ན་རཱ་ས་བྷོ;
པུ་ར་ཀྑ་ཏོ སཱ་ཝ་ཀེ་ཧི, ག་ངྒཱ་ཏཱི་ར་མུ་པཱ་ག་མི.
༡༦. ‘‘ས་མ་ཏི་ཏྟི ཀཱ་ཀ་པེ་ཡྻཱ, ག་ངྒཱ ཨཱ་སི དུ་རུ་ཏྟ་རཱ;
ཨུ་ཏྟཱ་ར་ཡིཾ བྷི་ཀྑུ་ས་ངྒྷཾ, བུ་དྡྷ་ཉྩ དྭི་པ་དུ་ཏྟ་མཾ.
༡༧. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏ་ར་ཎཱ་ཡ ཨི་དཾ ཕ་ལཾ.
༡༨. ‘‘ཏེ་ར་སེ་ཏོ ཀ་པྤ་ས་ཏེ, པ་ཉྩ ས་བྦོ་བྷ་ཝཱ [ས་བྦྷོ་ག་ཝཱ (སཱི.)] ཨ་ཧུཾ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཙྪི་མེ ཙ བྷ་ཝེ ཨ་སྨིཾ, ཛཱ་ཏོ་ཧཾ བྲཱ་ཧྨ་ཎེ ཀུ་ལེ;
ས་དྡྷིཾ ཏཱི་ཧི ས་ཧཱ་ཡེ་ཧི, པ་བྦ་ཛིཾ ས་ཏྠུ སཱ་ས་ནེ.
༢༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་ར་ཎི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
ཏ་ར་ཎི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.