༢༡. ཀ་ཎི་ཀཱ་ར་པུ་པྥི་ཡ་ཝ་གྒོ
༡. ཀ་ཎི་ཀཱ་ར་པུ་པྥི་ཡ་ཏྠེ་ར་ཨ་པ་དཱ་ནཾ
༡. ‘‘ཀ་ཎི་ཀཱ་རཾ པུ་པྥི་ཏཾ དི་སྭཱ, ཨོ་ཙི་ནི་ཏྭཱ་ན་ཧཾ ཏ་དཱ;
ཏི་སྶ་སྶ ཨ་བྷི་རོ་པེ་སིཾ, ཨོ་གྷ་ཏི་ཎྞ་སྶ ཏཱ་དི་ནོ.
༢. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣. ‘‘པ་ཉྩ་ཏྟིཾ་སེ ཨི་ཏོ ཀ་པྤེ, ཨ་རུ་ཎ་པཱ་ཎཱི་ཏི ཝི་སྶུ་ཏོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ཎི་ཀཱ་ར་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ཎི་ཀཱ་ར་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. མི་ནེ་ལ་པུ་པྥི་ཡ་ཏྠེ་ར་ཨ་པ་དཱ་ནཾ
༥. ‘‘སུ་ཝ་ཎྞ་ཝ་ཎྞོ བྷ་ག་ཝཱ, ས་ཏ་རཾ་སཱི པ་ཏཱ་པ་ཝཱ;
ཙ་ངྐ་མ་ནཾ ས་མཱ་རཱུ་ལ༹ྷོ, མེ་ཏྟ་ཙི་ཏྟོ སི་ཁཱི་ས་བྷོ.
༦. ‘‘པ་ས་ནྣ་ཙི་ཏྟོ སུ་མ་ནོ, ཝ་ནྡི་ཏྭཱ [ཐོ་མེ་ཏྭཱ (སྱཱ.)] ཉཱ་ཎ་མུ་ཏྟ་མཾ;
མི་ནེ་ལ་པུ་པྥཾ པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ.
༧. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༨. ‘‘ཨེ་ཀཱུ་ན་ཏིཾ་ས་ཀ་པྤ་མྷི, སུ་མེ་གྷ་གྷ་ན་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མི་ནེ་ལ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མི་ནེ་ལ་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཀི་ངྐ་ཎི་པུ་པྥི་ཡ་ཏྠེ་ར་ཨ་པ་དཱ་ནཾ
༡༠. ‘‘ཀ་ཉྩ་ན་གྒྷི་ཡ་ས་ངྐཱ་སོ, ས་བྦ་ཉྙཱུ ལོ་ཀ་ནཱ་ཡ་ཀོ;
ཨོ་ད་ཀཾ ད་ཧ་མོ་གྒ་ཡ྄ཧ, སི་ནཱ་ཡི ལོ་ཀ་ནཱ་ཡ་ཀོ.
༡༡. ‘‘པ་གྒ་ཡ྄ཧ ཀི་ངྐ་ཎིཾ [ཀི་ངྐི་ཎིཾ (སཱི.)] པུ་པྥཾ, ཝི་པ་སྶི་སྶཱ་བྷི་རོ་པ་ཡིཾ;
ཨུ་ད་གྒ་ཙི་ཏྟོ སུ་མ་ནོ, དྭི་པ་དི་ནྡ་སྶ ཏཱ་དི་ནོ.
༡༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༣. ‘‘ས་ཏྟ་ཝཱི་ས་ཏི་ཀ་པྤ་མྷི, རཱ་ཛཱ བྷཱི་མ་ར་ཐོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀི་ངྐ་ཎི་པུ་པྥི་ཡོ [ཀི་ངྐི་ཎི་ཀ་པུ་པྥི་ཡོ (སཱི.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀི་ངྐ་ཎི་པུ་པྥི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཏ་ར་ཎི་ཡ་ཏྠེ་ར་ཨ་པ་དཱ་ནཾ
༡༥. ‘‘ཨ་ཏྠ་ད་སྶཱི ཏུ བྷ་ག་ཝཱ, དྭི་པ་དི་ནྡོ ན་རཱ་ས་བྷོ;
པུ་ར་ཀྑ་ཏོ སཱ་ཝ་ཀེ་ཧི, ག་ངྒཱ་ཏཱི་ར་མུ་པཱ་ག་མི.
༡༦. ‘‘ས་མ་ཏི་ཏྟི ཀཱ་ཀ་པེ་ཡྻཱ, ག་ངྒཱ ཨཱ་སི དུ་རུ་ཏྟ་རཱ;
ཨུ་ཏྟཱ་ར་ཡིཾ བྷི་ཀྑུ་ས་ངྒྷཾ, བུ་དྡྷ་ཉྩ དྭི་པ་དུ་ཏྟ་མཾ.
༡༧. ‘‘ཨ་ཊྛཱ་ར་སེ ཀ་པྤ་ས་ཏེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཏ་ར་ཎཱ་ཡ ཨི་དཾ ཕ་ལཾ.
༡༨. ‘‘ཏེ་ར་སེ་ཏོ ཀ་པྤ་ས་ཏེ, པ་ཉྩ ས་བྦོ་བྷ་ཝཱ [ས་བྦྷོ་ག་ཝཱ (སཱི.)] ཨ་ཧུཾ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཙྪི་མེ ཙ བྷ་ཝེ ཨ་སྨིཾ, ཛཱ་ཏོ་ཧཾ བྲཱ་ཧྨ་ཎེ ཀུ་ལེ;
ས་དྡྷིཾ ཏཱི་ཧི ས་ཧཱ་ཡེ་ཧི, པ་བྦ་ཛིཾ ས་ཏྠུ སཱ་ས་ནེ.
༢༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་ར་ཎི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
ཏ་ར་ཎི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ནི་གྒུ་ཎྜི་པུ་པྥི་ཡ་ཏྠེ་ར་ཨ་པ་དཱ་ནཾ
༢༡. ‘‘ཝི་པ་སྶི་སྶ བྷ་ག་ཝ་ཏོ, ཨཱ་སི་མཱ་རཱ་མི་ཀོ ཨ་ཧཾ;
ནི་གྒུ་ཎྜི་པུ་པྥཾ པ་གྒ་ཡ྄ཧ, བུ་དྡྷ་སྶ ཨ་བྷི་རོ་པ་ཡིཾ.
༢༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༣. ‘‘པ་ཉྩ་ཝཱི་སེ [པ་ཉྩ་ཏིཾ་སེ (སཱི. སྱཱ.)] ཨི་ཏོ ཀ་པྤེ, ཨེ་ཀོ ཨཱ་སིཾ ཛ་ནཱ་དྷི་པོ;
མ་ཧཱ་པ་ཏཱ་པ་ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༢༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ནི་གྒུ་ཎྜི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ནི་གྒུ་ཎྜི་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཨུ་ད་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༥. ‘‘བྷུ་ཉྫ་ནྟཾ ས་མ་ཎཾ དི་སྭཱ, ཝི་པྤ་ས་ནྣ་མ་ནཱ་ཝི་ལཾ;
གྷ་ཊེ་ནོ་ད་ཀ་མཱ་དཱ་ཡ, སི་དྡྷ་ཏྠ་སྶ ཨ་དཱ་ས་ཧཾ.
༢༦. ‘‘ནི་མྨ་ལོ ཧོ་མ་ཧཾ ཨ་ཛྫ, ཝི་མ་ལོ ཁཱི་ཎ་སཾ་ས་ཡོ;
བྷ་ཝེ ནི་བྦ་ཏྟ་མཱ་ན་མྷི, ཕ་ལཾ ནི་བྦ་ཏྟ་ཏེ མ་མ [སུ་བྷཾ (སཱི.)].
༢༧. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཨུ་ད་ཀཾ ཡ་མ་དཱ་ས་ཧཾ [ཡཾ ཏ་དཱ ཨ་དཾ (སཱི.), ཨ་ད་དིཾ ཏ་དཱ (སྱཱ.)];
དུ་གྒ་ཏིཾ ནཱ་བྷི་ཛཱ་ནཱ་མི, ད་ཀ་དཱ་ན་སྶི་དཾ ཕ་ལཾ.
༢༨. ‘‘ཨེ་ཀ་ས་ཊྛི་མྷི་ཏོ ཀ་པྤེ, ཨེ་ཀོ་ཝ ཝི་མ་ལོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་ད་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ད་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ས་ལ་ལ་མཱ་ལི་ཡ་ཏྠེ་ར་ཨ་པ་དཱ་ནཾ
༣༠. ‘‘ཀ་ཎི་ཀཱ་རཾ་ཝ ཛོ་ཏ་ནྟཾ, ནི་སི་ནྣཾ པ་བྦ་ཏ་ནྟ་རེ;
ཨོ་བྷཱ་སེ་ནྟཾ དི་སཱ ས་བྦཱ, སི་དྡྷ་ཏྠཾ ན་ར་སཱ་ར་ཐིཾ.
༣༡. ‘‘དྷ་ནུཾ ཨ་དྭེ་ཛ྄ཛྷཾ ཀ་ཏྭཱ་ན, ཨུ་སུཾ ས་ནྣ་ཡ྄ཧ་ཧཾ ཏ་དཱ;
པུ་པྥཾ ས་ཝ་ཎྚཾ ཚེ་ཏྭཱ་ན, བུ་དྡྷ་སྶ ཨ་བྷི་རོ་པ་ཡིཾ.
༣༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༣. ‘‘ཨེ་ཀ་པ་ཉྙཱ་སི་ཏོ ཀ་པྤེ, ཨེ་ཀོ ཨཱ་སིཾ ཛུ་ཏི་ནྡྷ་རོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ལ་ལ་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ལ་ལ་མཱ་ལི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. ཀོ་ར་ཎྜ་པུ་པྥི་ཡ་ཏྠེ་ར་ཨ་པ་དཱ་ནཾ
༣༥. ‘‘ཨ་ཀྐ་ནྟ་ཉྩ པ་དཾ དི་སྭཱ, ཙ་ཀྐཱ་ལ་ངྐཱ་ར་བྷཱུ་སི་ཏཾ;
པ་དེ་ནཱ་ནུ་པ་དཾ ཡ་ནྟོ, ཝི་པ་སྶི་སྶ མ་ཧེ་སི་ནོ.
༣༦. ‘‘ཀོ་ར་ཎྜཾ པུ་པྥི་ཏཾ དི་སྭཱ, ས་མཱུ་ལཾ པཱུ་ཛི་ཏཾ མ་ཡཱ;
ཧ་ཊྛོ ཧ་ཊྛེ་ན ཙི་ཏྟེ་ན, ཨ་ཝ་ནྡིཾ པ་ད་མུ་ཏྟ་མཾ.
༣༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༨. ‘‘ས་ཏྟ་པ་ཉྙཱ་ས་ཀ་པྤ་མྷི, ཨེ་ཀོ ཝཱི་ཏ་མ་ལོ ཨ་ཧུཾ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀོ་ར་ཎྜ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀོ་ར་ཎྜ་པུ་པྥི་ཡ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཨཱ་དྷཱ་ར་དཱ་ཡ་ཀ་ཏྠེ་ར་ཨ་པ་དཱ་ནཾ
༤༠. ‘‘ཨཱ་དྷཱ་ར་ཀཾ མ་ཡཱ དི་ནྣཾ, སི་ཁི་ནོ ལོ་ཀ་བ་ནྡྷུ་ནོ;
དྷཱ་རེ་མི པ་ཐ་ཝིཾ ས་བྦཾ, ཀེ་ཝ་ལཾ ཝ་སུ་དྷཾ ཨི་མཾ.
༤༡. ‘‘ཀི་ལེ་སཱ ཛྷཱ་པི་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༤༢. ‘‘ས་ཏྟ་ཝཱི་སེ ཨི་ཏོ ཀ་པྤེ, ཨ་ཧེ་སུཾ ཙ་ཏུ་རོ ཛ་ནཱ;
ས་མ་ནྟ་ཝ་ར་ཎཱ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལཱ.
༤༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་དྷཱ་ར་དཱ་ཡ་ཀོ [པ་རི་ཡཱ་དཱ་ནི་ཡོ (ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་དྷཱ་ར་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པཱ་པ་ནི་ཝཱ་རི་ཡ་ཏྠེ་ར་ཨ་པ་དཱ་ནཾ
༤༤. ‘‘ཏི་སྶ་སྶ ཏུ བྷ་ག་ཝ་ཏོ, དེ་ཝ་དེ་ཝ་སྶ ཏཱ་དི་ནོ;
ཨེ་ཀ་ཙྪ་ཏྟཾ མ་ཡཱ དི་ནྣཾ, ཝི་པྤ་ས་ནྣེ་ན ཙེ་ཏ་སཱ.
༤༥. ‘‘ནི་ཝུ་ཏཾ ཧོ་ཏི མེ པཱ་པཾ, ཀུ་ས་ལ་སྶུ་པ་ས་མྤ་དཱ;
ཨཱ་ཀཱ་སེ ཚ་ཏྟཾ དྷཱ་རེ་ནྟི, པུ་བྦ་ཀ་མྨ་སྶི་དཾ ཕ་ལཾ.
༤༦. ‘‘ཙ་རི་མཾ ཝ་ཏྟ་ཏེ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༤༧. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ཚ་ཏྟ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཚ་ཏྟ་དཱ་ན་སྶི་དཾ ཕ་ལཾ.
༤༨. ‘‘དྭེ་ས་ཏྟ་ཏི་མྷི་ཏོ ཀ་པྤེ, ཨ་ཊྛཱ་སིཾ་སུ ཛ་ནཱ་དྷི་པཱ;
མ་ཧཱ་ནི་དཱ་ན་ནཱ་མེ་ན, རཱ་ཛཱ་ནོ ཙ་ཀྐ་ཝ་ཏྟི་ནོ.
༤༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་པ་ནི་ཝཱ་རི་ཡོ [ཝཱ་ཏཱ་ཏ་པ་ནི་ཝཱ་རི་ཡོ (སཱི.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
པཱ་པ་ནི་ཝཱ་རི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
ཀ་ཎི་ཀཱ་ར་པུ་པྥི་ཡ་ཝ་གྒོ ཨེ་ཀ་ཝཱི་ས་ཏི་མོ.