༤. པ་ཉྩ་ཧ་ཏྠི་ཡ་ཏྠེ་ར་ཨ་པ་དཱ་ནཾ
༡༨. ‘‘ཏི་སྶོ ནཱ་མཱ་སི བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
པུ་ར་ཀྑ་ཏོ སཱ་ཝ་ཀེ་ཧི, ར་ཐི་ཡཾ པ་ཊི་པ་ཛྫ་ཐ.
༡༩. ‘‘པ་ཉྩ ཨུ་པྤ་ལ་ཧ་ཏྠཱ ཙ, ཙཱ་ཏུ་རཱ ཋ་པི་ཏཱ མ་ཡཱ;
ཨཱ་ཧུ་ཏིཾ དཱ་ཏུ་ཀཱ་མོ་ཧཾ, པ་གྒ་ཎྷིཾ ཝ་ཏ་སི་དྡྷི་ཡཱ [པུ་ཏྟོ་མྷི ཧི་ཏ་སི་དྡྷི་ཡཱ (སྱཱ.)].
༢༠. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ག་ཙྪ་ནྟཾ ཨ་ནྟ་རཱ་པ་ཎེ;
བུ་དྡྷ་རཾ་སཱི་ཧི ཕུ་ཊྛོ་སྨི [བུ་དྡྷ་རཾ་སྱཱ་བྷི་ཕུ་ཊྛོ་མྷི (སཱི.), བུ་དྡྷ་རཾ་སཱ་བྷི་གྷུ་ཊྛོ་སྨི (ཀ.)], པཱུ་ཛེ་སིཾ དྭི་པ་དུ་ཏྟ་མཾ.
༢༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༢. ‘‘ཨི་ཏོ ཏེ་ར་ས་ཀ་པྤ་མྷི, པ་ཉྩ སུ་ས་བྷ་ས་མྨ་ཏཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཉྩ་ཧ་ཏྠི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ཉྩ་ཧ་ཏྠི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.