༥. ཨི་སི་མུ་གྒ་དཱ་ཡ་ཀ་ཏྠེ་ར་ཨ་པ་དཱ་ནཾ
༢༤. ‘‘ཨུ་དེ་ནྟཾ ས་ཏ་རཾ་སིཾ་ཝ, པཱི་ཏ་རཾ་སིཾ་ཝ [སི་ཏ་རཾ་སིཾ་ཝ (སཱི.)] བྷཱ་ཎུ་མཾ;
ཀ་ཀུ་དྷཾ ཝི་ལ་ས་ནྟཾ་ཝ, པ་དུ་མུ་ཏྟ་ར་ནཱ་ཡ་ཀཾ.
༢༥. ‘‘ཨི་སི་མུ་གྒཱ་ནི པི་སི་ཏྭཱ [ཨི་སི་སུ་གྒཱ་ནི པིཾ་སེ་ཏྭཱ (སཱི.), ཨི་སི་མུ་གྒཾ ནི་མ་ནྟེ་ཏྭཱ (སྱཱ.)], མ་དྷུ་ཁུ་དྡེ ཨ་ནཱི་ལ༹་ཀེ;
པཱ་སཱ་དེ་ཝ ཋི་ཏོ ས་ནྟོ, ཨ་དཱ་སིཾ ལོ་ཀ་བ་ནྡྷུ་ནོ.
༢༦. ‘‘ཨ་ཊྛ་ས་ཏ་ས་ཧ་སྶཱ་ནི, ཨ་ཧེ་སུཾ བུ་དྡྷ་སཱ་ཝ་ཀཱ;
ས་བྦེ་སཾ པ་ཏྟ་པཱུ་རེ་ནྟཾ [པ་ཏྟ་པཱུ་རཾ ཏཾ (སཱི.)], ཏ་ཏོ ཙཱ་པི བ་ཧུ་ཏྟ་རཾ.
༢༧. ‘‘ཏེ་ན ཙི་ཏྟ་པྤ་སཱ་དེ་ན, སུ་ཀྐ་མཱུ་ལེ་ན ཙོ་དི་ཏོ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༢༨. ‘‘ཙ་ཏྟཱ་ལཱི་ས་མྷི ས་ཧ་སྶེ, ཀ་པྤཱ་ནཾ ཨ་ཊྛ་ཏིཾ་ས ཏེ;
ཨི་སི་མུ་གྒ་ས་ནཱ་མཱ [མ་ཧི་ས་མ་ནྟ་ནཱ་མཱ (སྱཱ.)] ཏེ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨི་སི་མུ་གྒ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨི་སི་མུ་གྒ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.