༣. ཀོ་ཊུ་མྦ་རི་ཡ་ཏྠེ་ར་ཨ་པ་དཱ་ནཾ

༡༢. ‘‘ཀ་ཎི་ཀཱ་རཾ་ཝ ཛོ་ཏ་ནྟཾ, ནི་སི་ནྣཾ པ་བྦ་ཏ་ནྟ་རེ;

ཨ་པྤ་མེ་ཡྻཾ་ཝ ཨུ་ད་དྷིཾ, ཝི་ཏྠ་ཏཾ དྷ་ར་ཎིཾ ཡ་ཐཱ.

༡༣. ‘‘པཱུ་ཛི་ཏཾ [པ་རེ་ཏཾ (སཱི.)] དེ་ཝ་ས་ངྒྷེ་ན, ནི་ས་བྷཱ་ཛཱ་ནི་ཡཾ ཡ་ཐཱ;

ཧ་ཊྛོ ཧ་ཊྛེ་ན ཙི་ཏྟེ་ན, ཨུ་པཱ་ག་ཙྪིཾ ན་རུ་ཏྟ་མཾ.

༡༤. ‘‘ས་ཏྟ་པུ་པྥཱ་ནི པ་གྒ་ཡ྄ཧ, ཀོ་ཊུ་མྦ་ར་ས་མཱ་ཀུ་ལཾ;

བུ་དྡྷ་སྶ ཨ་བྷི་རོ་པེ་སིཾ, སི་ཁི་ནོ ལོ་ཀ་བ་ནྡྷུ་ནོ.

༡༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༡༦. ‘‘ཨི་ཏོ ཝཱི་ས་ཏི་ཀ་པྤ་མྷི, མ་ཧཱ་ནེ་ལ་ས་ནཱ་མ་ཀོ;

ཨེ་ཀོ ཨཱ་སི མ་ཧཱ་ཏེ་ཛོ, ཙ་ཀྐ་ཝ་ཏྟཱི མ་ཧ་བྦ་ལོ.

༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཀོ་ཊུ་མྦ་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཀོ་ཊུ་མྦ་རི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.