༩. ས་མཱ་ད་པ་ཀ་ཏྠེ་ར་ཨ་པ་དཱ་ནཾ

༤༤. ‘‘ན་ག་རེ བ་ནྡྷུ་མ་ཏི་ཡཱ, མ་ཧཱ་པཱུ་ག་ག་ཎོ ཨ་ཧུ;

ཏེ་སཱ་ཧཾ པ་ཝ་རོ ཨཱ་སིཾ, མ་མ བ་དྡྷ་ཙ་རཱ [པ་ཊྛ་ཙ་རཱ (སྱཱ.)] ཙ ཏེ.

༤༥. ‘‘ས་བྦེ ཏེ ས་ནྣི་པཱ་ཏེ་ཏྭཱ, པུ་ཉྙ་ཀ་མྨེ ས་མཱ་ད་ཡིཾ;

མཱ་ལ༹ཾ ཀ་སྶཱ་མ ས་ངྒྷ་སྶ, པུ་ཉྙ་ཀྑེ་ཏྟཾ ཨ་ནུ་ཏྟ་རཾ.

༤༦. ‘‘སཱ་དྷཱུ་ཏི ཏེ པ་ཊི་སྶུ་ཏྭཱ, མ་མ ཚ་ནྡ་ཝ་སཱ་ནུ་གཱ;

ནི་ཊྛཱ་པེ་ཏྭཱ ཙ ཏཾ མཱ་ལ༹ཾ, ཝི་པ་སྶི་སྶ ཨ་ད་མྷ་སེ.

༤༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ མཱ་ལ༹་མ་ད་དིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, མཱ་ལ༹་དཱ་ན་སྶི་དཾ ཕ་ལཾ.

༤༨. ‘‘ཨེ་ཀཱུ་ན་ས་ཏྟ་ཏི་ཀ་པྤེ [ཨེ་ཀཱུ་ན་ས་ཊྛི་ཀ་པྤ་མྷི (སཱི. སྱཱ.)],

ཨེ་ཀོ ཨཱ་སི ཛ་ནཱ་དྷི་པོ.

ཨཱ་དེ་ཡྻོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.

༤༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ས་མཱ་ད་པ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ས་མཱ་ད་པ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.