༡༠. པ་ཉྩ་ངྒུ་ལི་ཡ་ཏྠེ་ར་ཨ་པ་དཱ་ནཾ

༥༠. ‘‘ཏི་སྶོ ནཱ་མཱ་སི བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;

པ་ཝི་ས་ཏི ག་ནྡྷ་ཀུ་ཊིཾ, ཝི་ཧཱ་ར་ཀུ་ས་ལོ མུ་ནི.

༥༡. ‘‘སུ་ག་ནྡྷ་མཱ་ལ་མཱ་དཱ་ཡ, ཨ་ག་མཱ་སིཾ ཛི་ན་ནྟི་ཀཾ;

ཨ་པ་ས་དྡོ ཙ ས་མྦུ་དྡྷེ, པ་ཉྩ་ངྒུ་ལི་མ་དཱ་ས་ཧཾ.

༥༢. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ག་ནྡྷ་མ་བྷི་རོ་པ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, པ་ཉྩ་ངྒུ་ལི་སྶི་དཾ [པ་ཉྩ་ངྒུ་ལི་ཡི་དཾ (སཱི.)] ཕ་ལཾ.

༥༣. ‘‘དྭེ་ས་ཏྟ་ཏི་མྷི་ཏོ ཀ་པྤེ, རཱ་ཛཱ ཨཱ་སིཾ ས་ཡ་མྤ་བྷོ;

ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.

༥༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ པ་ཉྩ་ངྒུ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;

པ་ཉྩ་ངྒུ་ལི་ཡ་ཏྠེ་ར་སྶཱ་པ་དཱ་ནཾ ད་ས་མཾ.

སུ་པཱ་རི་ཙ་རི་ཡ་ཝ་གྒོ ས་ཏྟ་ར་ས་མོ.