༡༧. སུ་པཱ་རི་ཙ་རི་ཡ་ཝ་གྒོ
༡. སུ་པཱ་རི་ཙ་རི་ཡ་ཏྠེ་ར་ཨ་པ་དཱ་ནཾ
༡. ‘‘པ་དུ་མོ ནཱ་མ ནཱ་མེ་ན, དྭི་པ་དི་ནྡོ ན་རཱ་ས་བྷོ;
པ་ཝ་ནཱ ཨ་བྷི་ནི་ཀྑ་མྨ, དྷ་མྨཾ དེ་སེ་ཏི ཙ་ཀྑུ་མཱ.
༢. ‘‘ཡ་ཀྑཱ་ནཾ ས་མ་ཡོ ཨཱ་སི, ཨ་ཝི་དཱུ་རེ མ་ཧེ་སི་ནོ;
ཡེ་ན ཀི་ཙྩེ་ན ས་མྤ་ཏྟཱ, ཨ་ཛ྄ཛྷཱ་པེ་ཀྑིཾ་སུ ཏཱ་ཝ་དེ.
༣. ‘‘བུ་དྡྷ་སྶ གི་ར་མ་ཉྙཱ་ཡ, ཨ་མ་ཏ་སྶ ཙ དེ་ས་ནཾ;
པ་ས་ནྣ་ཙི་ཏྟོ སུ་མ་ནོ, ཨ་པྥོ་ཊེ་ཏྭཱ ཨུ་པ་ཊྛ་ཧིཾ.
༤. ‘‘སུ་ཙི་ཎྞ་སྶ ཕ་ལཾ པ་སྶ, ཨུ་པ་ཊྛཱ་ན་སྶ ས་ཏྠུ་ནོ;
ཏིཾ་ས་ཀ་པྤ་ས་ཧ་སྶེ་སུ, དུ་གྒ་ཏིཾ ནུ་པ་པ་ཛྫ་ཧཾ.
༥. ‘‘ཨཱུ་ན་ཏིཾ་སེ ཀ་པྤ་ས་ཏེ, ས་མ་ལ་ངྐ་ཏ་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་པཱ་རི་ཙ་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་པཱ་རི་ཙ་རི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཀ་ཎ་ཝེ་ར་པུ་པྥི་ཡ་ཏྠེ་ར་ཨ་པ་དཱ་ནཾ
༧. ‘‘སི་དྡྷ་ཏྠོ ནཱ་མ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
པུ་ར་ཀྑ་ཏོ སཱ་ཝ་ཀེ་ཧི, ན་ག་རཾ པ་ཊི་པ་ཛྫ་ཐ.
༨. ‘‘ར་ཉྙོ ཨ་ནྟེ་པུ་རེ ཨཱ་སིཾ, གོ་པ་ཀོ ཨ་བྷི་ས་མྨ་ཏོ;
པཱ་སཱ་དེ ཨུ་པ་ཝི་ཊྛོ་ཧཾ, ཨ་དྡ་སཾ ལོ་ཀ་ནཱ་ཡ་ཀཾ.
༩. ‘‘ཀ་ཎ་ཝེ་རཾ [ཀ་ར་ཝཱི་རཾ (ས་ཀྐ་ཏཱ་ནུ་ལོ་མཾ), ཀ་ཎ་ཝཱི་རཾ (པཱ་ཀ་ཏ)] ག་ཧེ་ཏྭཱ་ན, བྷི་ཀྑུ་ས་ངྒྷེ ས་མོ་ཀི་རིཾ;
བུ་དྡྷ་སྶ ཝི་སུཾ ཀ་ཏྭཱ་ན, ཏ་ཏོ བྷི་ཡྻོ ས་མོ་ཀི་རིཾ.
༡༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ [རོ་པ་ཡིཾ (སྱཱ.)];
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༡༡. ‘‘ས་ཏྟཱ་སཱི་ཏི་མྷི་ཏོ ཀ་པྤེ, ཙ་ཏུ་རཱ་སུཾ མ་ཧི་དྡྷི་ཀཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ཎ་ཝེ་ར་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ཎ་ཝེ་ར་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཁ་ཛྫ་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ
༡༣. ‘‘ཏི་སྶ་སྶ ཁོ བྷ་ག་ཝ་ཏོ, པུ་བྦེ ཕ་ལ་མ་དཱ་ས་ཧཾ;
ནཱ་ལི༹་ཀེ་ར་ཉྩ པཱ་དཱ་སིཾ, ཁ་ཛྫ་ཀཾ ཨ་བྷི་ས་མྨ་ཏཾ.
༡༤. ‘‘བུ་དྡྷ་སྶ ཏ་མ་ཧཾ ད་ཏྭཱ, ཏི་སྶ་སྶ ཏུ མ་ཧེ་སི་ནོ;
མོ་དཱ་མ་ཧཾ ཀཱ་མ་ཀཱ་མཱི, ཨུ་པ་པ་ཛྫིཾ [ཀཱ་མ་ཀཱ་རཱི, ཨུ་པ་པ་ཛྫཾ (སཱི.)] ཡ་མི་ཙྪ་ཀཾ [ས་བྦ་ཏྠ་པི ཨེ་ཝ་མེ་ཝ དི་སྶ་ཏི].
༡༥. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.
༡༦. ‘‘ཨི་ཏོ ཏེ་ར་ས་ཀ་པྤ་མྷི, རཱ་ཛཱ ཨི་ནྡ་ས་མོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཁ་ཛྫ་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཁ་ཛྫ་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. དེ་ས་པཱུ་ཛ་ཀ་ཏྠེ་ར་ཨ་པ་དཱ་ནཾ
༡༨. ‘‘ཨ་ཏྠ་ད་སྶཱི ཏུ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
ཨ་བྦྷུ་གྒ་ནྟྭཱ་ན ཝེ་ཧཱ་སཾ, ག་ཙྪ་ཏེ ཨ་ནི་ལ་ཉྫ་སེ.
༡༩. ‘‘ཡ་མྷི དེ་སེ ཋི་ཏོ ས་ཏྠཱ, ཨ་བྦྷུ་གྒ་ཙྪི མ་ཧཱ་མུ་ནི;
ཏཱ་ཧཾ དེ་སཾ ཨ་པཱུ་ཛེ་སིཾ, པ་ས་ནྣོ སེ་ཧི པཱ་ཎི་བྷི.
༢༠. ‘‘ཨ་ཊྛཱ་ར་སེ ཀ་པྤ་ས་ཏེ, ཨ་དྡ་སཾ ཡཾ མ་ཧཱ་མུ་ནིཾ;
དུ་གྒ་ཏིཾ ནཱ་བྷི་ཛཱ་ནཱ་མི, དེ་ས་པཱུ་ཛཱ་ཡི་དཾ ཕ་ལཾ.
༢༡. ‘‘ཨེ་ཀཱ་ད་སེ ཀ་པྤ་ས་ཏེ, གོ་སུ་ཛཱ་ཏ་ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༢༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དེ་ས་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དེ་ས་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ཀ་ཎི་ཀཱ་ར་ཚ་ཏྟི་ཡ་ཏྠེ་ར་ཨ་པ་དཱ་ནཾ
༢༣. ‘‘ཝེ་སྶ་བྷཱུ ནཱ་མ ས་མྦུ་དྡྷོ, ལོ་ཀ་ཛེ་ཊྛོ ན་རཱ་ས་བྷོ;
དི་ཝཱ་ཝི་ཧཱ་རཱ་ཡ མུ་ནི, ཨོ་གཱ་ཧ་ཡི མ་ཧཱ་ཝ་ནཾ.
༢༤. ‘‘ཀ་ཎི་ཀཱ་རཾ ཨོ་ཙི་ནི་ཏྭཱ, ཚ་ཏྟཾ ཀ་ཏྭཱ་ན་ཧཾ ཏ་དཱ;
པུ་པྥ་ཙྪ་ད་ནཾ ཀ་ཏྭཱ་ན, བུ་དྡྷ་སྶ ཨ་བྷི་རོ་པ་ཡིཾ.
༢༥. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༦. ‘‘ཨི་ཏོ ཝཱི་ས་ཏི་ཀ་པྤ་མྷི, སོ་ཎྞཱ་བྷཱ ཨ་ཊྛ ཁ་ཏྟི་ཡཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཀ་ཎི་ཀཱ་ར་ཚ་ཏྟི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཀ་ཎི་ཀཱ་ར་ཚ་ཏྟི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ས་པྤི་དཱ་ཡ་ཀ་ཏྠེ་ར་ཨ་པ་དཱ་ནཾ
༢༨. ‘‘ཕུ་སྶོ ནཱ་མཱ་སི [ནཱ་མཱ་ཐ (སཱི.)] བྷ་ག་ཝཱ, ཨཱ་ཧུ་ཏཱི་ནཾ པ་ཊི་གྒ་ཧོ;
ག་ཙྪ་ཏེ ཝཱི་ཐི་ཡཾ ཝཱི་རོ, ནི་བྦཱ་པེ་ནྟོ མ་ཧཱ་ཛ་ནཾ.
༢༩. ‘‘ཨ་ནུ་པུ་བྦེ་ན བྷ་ག་ཝཱ, ཨཱ་ག་ཙྪི མ་མ ས་ནྟི་ཀཾ;
ཏ་ཏོ ཏཾ [ཏ་ཏོ་ཧཾ (སཱི. སྱཱ.)] པ་ཏྟཾ པ་གྒ་ཡ྄ཧ, ས་པྤི་ཏེ་ལ་མ་དཱ་ས་ཧཾ.
༣༠. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ས་པྤི་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ས་པྤི་དཱ་ན་སྶི་དཾ ཕ་ལཾ.
༣༡. ‘‘ཚ་པྤ་ཉྙཱ་སེ ཨི་ཏོ ཀ་པྤེ, ཨེ་ཀོ ཨཱ་སི ས་མོ་ད་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་པྤི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་པྤི་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ཡཱུ་ཐི་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༣༣. ‘‘ཙ་ནྡ་བྷཱ་གཱ་ན་དཱི་ཏཱི་རེ, ཨ་ནུ་སོ་ཏཾ ཝ་ཛཱ་མ་ཧཾ;
ས་ཡ་མྦྷུཾ ཨ་དྡ་སཾ ཏ་ཏྠ, སཱ་ལ་རཱ་ཛཾ་ཝ ཕུ་ལླི་ཏཾ.
༣༤. ‘‘པུ་པྥཾ ཡཱུ་ཐི་ཀ་མཱ་དཱ་ཡ, ཨུ་པ་ག་ཙྪིཾ མ་ཧཱ་མུ་ནིཾ;
པ་ས་ནྣ་ཙི་ཏྟོ སུ་མ་ནོ, བུ་དྡྷ་སྶ ཨ་བྷི་རོ་པ་ཡིཾ.
༣༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༦. ‘‘ས་ཏྟ་ས་ཊྛི་མྷི་ཏོ ཀ་པྤེ, ཨེ་ཀོ སཱ་མུ་དྡྷ་རོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༧. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཡཱུ་ཐི་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཡཱུ་ཐི་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. དུ་སྶ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༨. ‘‘ཏི་ཝ་རཱ་ཡཾ པུ་རེ ར་མྨེ, རཱ་ཛ་པུ་ཏྟོ་ས་ཧཾ [རཱ་ཛ་པུ་ཏྟོ ཨ་ཧཾ (སཱི. སྱཱ.)] ཏ་དཱ;
པ་ཎྞཱ་ཀཱ་རཾ ལ་བྷི་ཏྭཱ་ན, ཨུ་པ་ས་ནྟ་སྶ་དཱ་ས་ཧཾ.
༣༩. ‘‘ཨ་དྷི་ཝཱ་སེ་སི བྷ་ག་ཝཱ, ཝ་ཏྠཾ [ན་ཝཾ (ཀ.)] ཧ་ཏྠེ་ན ཨཱ་མ་སི;
སི་དྡྷ་ཏྠོ ཨ་དྷི་ཝཱ་སེ་ཏྭཱ, ཝེ་ཧཱ་སཾ ན་བྷ་མུ་གྒ་མི.
༤༠. ‘‘བུ་དྡྷ་སྶ ག་ཙྪ་མཱ་ན་སྶ, དུ་སྶཱ དྷཱ་ཝ་ནྟི པ་ཙྪ་ཏོ;
ཏ་ཏྠ ཙི་ཏྟཾ པ་སཱ་དེ་སིཾ, བུ་དྡྷོ ནོ ཨ་གྒ་པུ་གྒ་ལོ.
༤༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དུ་སྶ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དུ་སྶ་དཱ་ན་སྶི་དཾ ཕ་ལཾ.
༤༢. ‘‘ས་ཏྟ་ས་ཊྛི་མྷི་ཏོ ཀ་པྤེ, ཙ་ཀྐ་ཝ་ཏྟཱི ཏ་དཱ ཨ་ཧུ;
པ་རི་སུ་དྡྷོ་ཏི ནཱ་མེ་ན, མ་ནུ་ཛི་ནྡོ མ་ཧ་བྦ་ལོ.
༤༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ དུ་སྶ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
དུ་སྶ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ས་མཱ་ད་པ་ཀ་ཏྠེ་ར་ཨ་པ་དཱ་ནཾ
༤༤. ‘‘ན་ག་རེ བ་ནྡྷུ་མ་ཏི་ཡཱ, མ་ཧཱ་པཱུ་ག་ག་ཎོ ཨ་ཧུ;
ཏེ་སཱ་ཧཾ པ་ཝ་རོ ཨཱ་སིཾ, མ་མ བ་དྡྷ་ཙ་རཱ [པ་ཊྛ་ཙ་རཱ (སྱཱ.)] ཙ ཏེ.
༤༥. ‘‘ས་བྦེ ཏེ ས་ནྣི་པཱ་ཏེ་ཏྭཱ, པུ་ཉྙ་ཀ་མྨེ ས་མཱ་ད་ཡིཾ;
མཱ་ལ༹ཾ ཀ་སྶཱ་མ ས་ངྒྷ་སྶ, པུ་ཉྙ་ཀྑེ་ཏྟཾ ཨ་ནུ་ཏྟ་རཾ.
༤༦. ‘‘སཱ་དྷཱུ་ཏི ཏེ པ་ཊི་སྶུ་ཏྭཱ, མ་མ ཚ་ནྡ་ཝ་སཱ་ནུ་གཱ;
ནི་ཊྛཱ་པེ་ཏྭཱ ཙ ཏཾ མཱ་ལ༹ཾ, ཝི་པ་སྶི་སྶ ཨ་ད་མྷ་སེ.
༤༧. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ མཱ་ལ༹་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མཱ་ལ༹་དཱ་ན་སྶི་དཾ ཕ་ལཾ.
༤༨. ‘‘ཨེ་ཀཱུ་ན་ས་ཏྟ་ཏི་ཀ་པྤེ [ཨེ་ཀཱུ་ན་ས་ཊྛི་ཀ་པྤ་མྷི (སཱི. སྱཱ.)],
ཨེ་ཀོ ཨཱ་སི ཛ་ནཱ་དྷི་པོ.
ཨཱ་དེ་ཡྻོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༤༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་མཱ་ད་པ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་མཱ་ད་པ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. པ་ཉྩ་ངྒུ་ལི་ཡ་ཏྠེ་ར་ཨ་པ་དཱ་ནཾ
༥༠. ‘‘ཏི་སྶོ ནཱ་མཱ་སི བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
པ་ཝི་ས་ཏི ག་ནྡྷ་ཀུ་ཊིཾ, ཝི་ཧཱ་ར་ཀུ་ས་ལོ མུ་ནི.
༥༡. ‘‘སུ་ག་ནྡྷ་མཱ་ལ་མཱ་དཱ་ཡ, ཨ་ག་མཱ་སིཾ ཛི་ན་ནྟི་ཀཾ;
ཨ་པ་ས་དྡོ ཙ ས་མྦུ་དྡྷེ, པ་ཉྩ་ངྒུ་ལི་མ་དཱ་ས་ཧཾ.
༥༢. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ ག་ནྡྷ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཉྩ་ངྒུ་ལི་སྶི་དཾ [པ་ཉྩ་ངྒུ་ལི་ཡི་དཾ (སཱི.)] ཕ་ལཾ.
༥༣. ‘‘དྭེ་ས་ཏྟ་ཏི་མྷི་ཏོ ཀ་པྤེ, རཱ་ཛཱ ཨཱ་སིཾ ས་ཡ་མྤ་བྷོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ཉྩ་ངྒུ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
པ་ཉྩ་ངྒུ་ལི་ཡ་ཏྠེ་ར་སྶཱ་པ་དཱ་ནཾ ད་ས་མཾ.
སུ་པཱ་རི་ཙ་རི་ཡ་ཝ་གྒོ ས་ཏྟ་ར་ས་མོ.