༡. སུ་པཱ་རི་ཙ་རི་ཡ་ཏྠེ་ར་ཨ་པ་དཱ་ནཾ

༡. ‘‘པ་དུ་མོ ནཱ་མ ནཱ་མེ་ན, དྭི་པ་དི་ནྡོ ན་རཱ་ས་བྷོ;

པ་ཝ་ནཱ ཨ་བྷི་ནི་ཀྑ་མྨ, དྷ་མྨཾ དེ་སེ་ཏི ཙ་ཀྑུ་མཱ.

༢. ‘‘ཡ་ཀྑཱ་ནཾ ས་མ་ཡོ ཨཱ་སི, ཨ་ཝི་དཱུ་རེ མ་ཧེ་སི་ནོ;

ཡེ་ན ཀི་ཙྩེ་ན ས་མྤ་ཏྟཱ, ཨ་ཛ྄ཛྷཱ་པེ་ཀྑིཾ་སུ ཏཱ་ཝ་དེ.

༣. ‘‘བུ་དྡྷ་སྶ གི་ར་མ་ཉྙཱ་ཡ, ཨ་མ་ཏ་སྶ ཙ དེ་ས་ནཾ;

པ་ས་ནྣ་ཙི་ཏྟོ སུ་མ་ནོ, ཨ་པྥོ་ཊེ་ཏྭཱ ཨུ་པ་ཊྛ་ཧིཾ.

༤. ‘‘སུ་ཙི་ཎྞ་སྶ ཕ་ལཾ པ་སྶ, ཨུ་པ་ཊྛཱ་ན་སྶ ས་ཏྠུ་ནོ;

ཏིཾ་ས་ཀ་པྤ་ས་ཧ་སྶེ་སུ, དུ་གྒ་ཏིཾ ནུ་པ་པ་ཛྫ་ཧཾ.

༥. ‘‘ཨཱུ་ན་ཏིཾ་སེ ཀ་པྤ་ས་ཏེ, ས་མ་ལ་ངྐ་ཏ་ནཱ་མ་ཀོ;

ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.

༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;

ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ སུ་པཱ་རི་ཙ་རི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

སུ་པཱ་རི་ཙ་རི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.