༢. ཀ་ཎ་ཝེ་ར་པུ་པྥི་ཡ་ཏྠེ་ར་ཨ་པ་དཱ་ནཾ

༧. ‘‘སི་དྡྷ་ཏྠོ ནཱ་མ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;

པུ་ར་ཀྑ་ཏོ སཱ་ཝ་ཀེ་ཧི, ན་ག་རཾ པ་ཊི་པ་ཛྫ་ཐ.

༨. ‘‘ར་ཉྙོ ཨ་ནྟེ་པུ་རེ ཨཱ་སིཾ, གོ་པ་ཀོ ཨ་བྷི་ས་མྨ་ཏོ;

པཱ་སཱ་དེ ཨུ་པ་ཝི་ཊྛོ་ཧཾ, ཨ་དྡ་སཾ ལོ་ཀ་ནཱ་ཡ་ཀཾ.

༩. ‘‘ཀ་ཎ་ཝེ་རཾ [ཀ་ར་ཝཱི་རཾ (ས་ཀྐ་ཏཱ་ནུ་ལོ་མཾ), ཀ་ཎ་ཝཱི་རཾ (པཱ་ཀ་ཏ)] ག་ཧེ་ཏྭཱ་ན, བྷི་ཀྑུ་ས་ངྒྷེ ས་མོ་ཀི་རིཾ;

བུ་དྡྷ་སྶ ཝི་སུཾ ཀ་ཏྭཱ་ན, ཏ་ཏོ བྷི་ཡྻོ ས་མོ་ཀི་རིཾ.

༡༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་པཱུ་ཛ་ཡིཾ [རོ་པ་ཡིཾ (སྱཱ.)];

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༡༡. ‘‘ས་ཏྟཱ་སཱི་ཏི་མྷི་ཏོ ཀ་པྤེ, ཙ་ཏུ་རཱ་སུཾ མ་ཧི་དྡྷི་ཀཱ;

ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.

༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཀ་ཎ་ཝེ་ར་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཀ་ཎ་ཝེ་ར་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.