༡. བ་ནྡྷུ་ཛཱི་ཝ་ཀ་ཏྠེ་ར་ཨ་པ་དཱ་ནཾ
༡. ‘‘ཙ་ནྡཾ་ཝ ཝི་མ་ལཾ སུ་དྡྷཾ, ཝི་པྤ་ས་ནྣ་མ་ནཱ་ཝི་ལཾ;
ན་ནྡཱི་བྷ་ཝ་པ་རི་ཀྑཱི་ཎཾ, ཏི་ཎྞཾ ལོ་ཀེ ཝི་ས་ཏྟི་ཀཾ.
༢. ‘‘ནི་བྦཱ་པ་ཡ་ནྟཾ ཛ་ན་ཏཾ, ཏི་ཎྞཾ [དི་སྭཱ (?)] ཏཱ་ར་ཡ་ཏཾ ཝ་རཾ [ཏཱ་ར་ཡ་ཏཾ མུ་ནིཾ (སྱཱ.)];
མུ་ནིཾ ཝ་ན་མྷི ཛྷཱ་ཡ་ནྟཾ [ཝ་ན་སྨིཾ ཛྷཱ་ཡ་མཱ་ནཾ ཏཾ (སཱི. སྱཱ.)], ཨེ་ཀ་གྒཾ སུ་ས་མཱ་ཧི་ཏཾ.
༣. ‘‘བ་ནྡྷུ་ཛཱི་ཝ་ཀ་པུ་པྥཱ་ནི, ལ་གེ་ཏྭཱ སུ་ཏྟ་ཀེ་ན་ཧཾ;
བུ་དྡྷ་སྶ ཨ་བྷི་རོ་པ་ཡིཾ, སི་ཁི་ནོ ལོ་ཀ་བ་ནྡྷུ་ནོ.
༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༥. ‘‘ཨི་ཏོ ས་ཏྟ་མ་ཀེ ཀ་པྤེ, མ་ནུ་ཛི་ནྡོ མ་ཧཱ་ཡ་སོ;
ས་མ་ནྟ་ཙ་ཀྑུ ནཱ་མཱ་སི, ཙ་ཀྐ་ཝ་ཏྟཱི མ་ཧ་བྦ་ལོ.
༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བ་ནྡྷུ་ཛཱི་ཝ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བ་ནྡྷུ་ཛཱི་ཝ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.