༢. ཏ་མྦ་པུ་པྥི་ཡ་ཏྠེ་ར་ཨ་པ་དཱ་ནཾ
༧. ‘‘པ་ར་ཀ་མྨཱ་ཡ་ནེ ཡུ་ཏྟོ, ཨ་པ་རཱ་དྷཾ ཨ་ཀཱ་ས་ཧཾ;
ཝ་ན་ནྟཾ ཨ་བྷི་དྷཱ་ཝི་སྶཾ, བྷ་ཡ་ཝེ་ར་ས་མ་པྤི་ཏོ.
༨. ‘‘པུ་པྥི་ཏཾ པཱ་ད་པཾ དི་སྭཱ, པི་ཎྜི་བ་ནྡྷཾ སུ་ནི་མྨི་ཏཾ;
ཏ་མྦ་པུ་པྥཾ ག་ཧེ་ཏྭཱ་ན, བོ་དྷི་ཡཾ ཨོ་ཀི་རིཾ ཨ་ཧཾ.
༩. ‘‘ས་མྨ་ཛྫི་ཏྭཱ་ན ཏཾ བོ་དྷིཾ, པཱ་ཊ་ལིཾ པཱ་ད་པུ་ཏྟ་མཾ;
པ་ལླ་ངྐཾ ཨཱ་བྷུ་ཛི་ཏྭཱ་ན, བོ་དྷི་མཱུ་ལེ ཨུ་པཱ་ཝི་སིཾ.
༡༠. ‘‘ག་ཏ་མ་གྒཾ ག་ཝེ་ས་ནྟཱ, ཨཱ་ག་ཙྪུཾ མ་མ ས་ནྟི་ཀཾ;
ཏེ ཙ དི་སྭཱ་ན་ཧཾ ཏ་ཏྠ, ཨཱ་ཝ་ཛྫིཾ བོ་དྷི་མུ་ཏྟ་མཾ.
༡༡. ‘‘ཝ་ནྡི་ཏྭཱ་ན ཨ་ཧཾ བོ་དྷིཾ, ཝི་པྤ་ས་ནྣེ་ན ཙེ་ཏ་སཱ;
ཨ་ནེ་ཀ་ཏཱ་ལེ པ་པ་ཏིཾ, གི་རི་དུ་གྒེ བྷ་ཡཱ་ན་ཀེ.
༡༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བོ་དྷི་པཱུ་ཛཱ་ཡི་དཾ ཕ་ལཾ.
༡༣. ‘‘ཨི་ཏོ ཙ ཏ་ཏི་ཡེ ཀ་པྤེ, རཱ་ཛཱ སུ་ས་ཉྙ་ཏོ ཨ་ཧཾ [སཾ་ཐུ་སི་ཏོ ཨ་ཧུཾ (སཱི.)];
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༡༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏ་མྦ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏ་མྦ་པུ་པྥི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.