༧. མ་གྒ་དཱ་ཡ་ཀ་ཏྠེ་ར་ཨ་པ་དཱ་ནཾ
༣༢. ‘‘ཨུ་ཏྟ་རི་ཏྭཱ་ན ན་དི་ཀཾ, ཝ་ནཾ ག་ཙྪ་ཏི ཙ་ཀྑུ་མཱ;
ཏ་མ་དྡ་སཱ་སིཾ ས་མྦུ་དྡྷཾ, སི་དྡྷ་ཏྠཾ ཝ་ར་ལ་ཀྑ་ཎཾ.
༣༣. ‘‘ཀུ་དཱ་ལ [ཀུ་དྡཱ་ལ (སཱི. སྱཱ.)] པི་ཊ་ཀ་མཱ་དཱ་ཡ, ས་མཾ ཀ་ཏྭཱ་ན ཏཾ པ་ཐཾ;
ས་ཏྠཱ་རཾ ཨ་བྷི་ཝཱ་དེ་ཏྭཱ, ས་ཀཾ ཙི་ཏྟཾ པ་སཱ་ད་ཡིཾ.
༣༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་གྒ་དཱ་ན་སྶི་དཾ ཕ་ལཾ.
༣༥. ‘‘ས་ཏྟ་པ་ཉྙཱ་ས་ཀ་པྤ་མྷི, ཨེ་ཀོ ཨཱ་སིཾ ཛ་ནཱ་དྷི་པོ;
ནཱ་མེ་ན སུ་པྤ་བུ་དྡྷོ་ཏི, ནཱ་ཡ་ཀོ སོ ན་རི་སྶ་རོ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་གྒ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་གྒ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.