༨. ཕ་ལ་ཀ་དཱ་ཡ་ཀ་ཏྠེ་ར་ཨ་པ་དཱ་ནཾ

༣༧. ‘‘ཡཱ་ན་ཀཱ་རོ པུ་རེ ཨཱ་སིཾ, དཱ་རུ་ཀ་མྨེ སུ་སི་ཀྑི་ཏོ;

ཙ་ནྡ་ནཾ ཕ་ལ་ཀཾ ཀ་ཏྭཱ, ཨ་དཱ་སིཾ ལོ་ཀ་བ་ནྡྷུ་ནོ.

༣༨. ‘‘པ་བྷཱ་ས་ཏི ཨི་དཾ བྱ་མྷཾ, སུ་ཝ་ཎྞ་སྶ སུ་ནི་མྨི་ཏཾ;

ཧ་ཏྠི་ཡཱ་ནཾ ཨ་སྶ་ཡཱ་ནཾ, དི་བྦ་ཡཱ་ནཾ ཨུ་པ་ཊྛི་ཏཾ.

༣༩. ‘‘པཱ་སཱ་དཱ སི་ཝི་ཀཱ ཙེ་ཝ, ནི་བྦ་ཏྟ་ནྟི ཡ་དི་ཙྪ་ཀཾ;

ཨ་ཀྑུ་བྦྷཾ [ཨ་ཀྑོ་བྷཾ (སཱི.)] ར་ཏ་ནཾ མ་ཡ྄ཧཾ, ཕ་ལ་ཀ་སྶ ཨི་དཾ ཕ་ལཾ.

༤༠. ‘‘ཨེ་ཀ་ན་ཝུ་ཏི་ཏོ ཀ་པྤེ, ཕ་ལ་ཀཾ ཡ་མ་ཧཾ ད་དིཾ;

དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་ཀ་སྶ ཨི་དཾ ཕ་ལཾ.

༤༡. ‘‘ས་ཏྟ་པ་ཉྙཱ་ས་ཀ་པྤ་མྷི, ཙ་ཏུ་རོ ནི་མྨི་ཏཱ་ཝ྄ཧ་ཡཱ;

ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.

༤༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཕ་ལ་ཀ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཕ་ལ་ཀ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.