༦. ཨ་ནུ་ལེ་པ་དཱ་ཡ་ཀ་ཏྠེ་ར་ཨ་པ་དཱ་ནཾ

༢༦. ‘‘ཨ་ནོ་མ་ད་སྶཱི་མུ་ནི་ནོ, བོ་དྷི་ཝེ་དི་མ་ཀཱ་ས་ཧཾ;

སུ་དྷཱ་ཡ པི་ཎྜཾ ད་ཏྭཱ་ན, པཱ་ཎི་ཀ་མྨཾ ཨ་ཀཱ་ས་ཧཾ.

༢༧. ‘‘དི་སྭཱ ཏཾ སུ་ཀ་ཏཾ ཀ་མྨཾ, ཨ་ནོ་མ་ད་སྶཱི ན་རུ་ཏྟ་མོ;

བྷི་ཀྑུ་ས་ངྒྷེ ཋི་ཏོ ས་ཏྠཱ, ཨི་མཾ གཱ་ཐཾ ཨ་བྷཱ་ས་ཐ.

༢༨. ‘‘‘ཨི་མི་ནཱ སུ་དྷ་ཀ་མྨེ་ན, ཙེ་ཏ་ནཱ་པ་ཎི་དྷཱི་ཧི ཙ;

ས་མྤ་ཏྟིཾ ཨ་ནུ་བྷོ་ཏྭཱ་ན, དུ་ཀྑ་སྶ་ནྟཾ ཀ་རི་སྶ་ཏི’.

༢༩. ‘‘པ་ས་ནྣ་མུ་ཁ་ཝ་ཎྞོ་མྷི, ཨེ་ཀ་གྒོ སུ་ས་མཱ་ཧི་ཏོ;

དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.

༣༠. ‘‘ཨི་ཏོ ཀ་པྤ་ས་ཏེ ཨཱ་སིཾ, པ་རི་པུ་ཎྞེ ཨ་ནཱུ་ན་ཀེ [པ་རི་པུ་ཎྞོ ཨ་ནཱུ་ན་ཀོ (སྱཱ.)];

རཱ་ཛཱ ས་བྦ་གྷ་ནོ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལོ.

༣༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཨ་ནུ་ལེ་པ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨ་ནུ་ལེ་པ་དཱ་ཡ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.