༥. ར་ཧོ་ས་ཉྙ་ཀ་ཏྠེ་ར་ཨ་པ་དཱ་ནཾ
༣༤. ‘‘ཧི་མ་ཝ་ནྟ་སྶཱ་ཝི་དཱུ་རེ, ཝ་ས་བྷོ ནཱ་མ པ་བྦ་ཏོ;
ཏ་སྨིཾ པ་བྦ་ཏ་པཱ་ད་མྷི, ཨ་སྶ་མོ ཨཱ་སི མཱ་པི་ཏོ.
༣༥. ‘‘ཏཱི་ཎི སི་སྶ་ས་ཧ་སྶཱ་ནི, ཝཱ་ཙེ་སིཾ བྲཱ་ཧྨ་ཎོ [བྲཱ་ཧྨ་ཎེ (སཱི.)] ཏ་དཱ;
སཾ་ཧ་རི་ཏྭཱ་ན [སཾ་སཱ་ཝི་ཏྭཱ་ན (སྱཱ.)] ཏེ སི་སྶེ, ཨེ་ཀ་མ་ནྟཾ ཨུ་པཱ་ཝི་སིཾ.
༣༦. ‘‘ཨེ་ཀ་མ་ནྟཾ ནི་སཱི་དི་ཏྭཱ, བྲཱ་ཧྨ་ཎོ མ་ནྟ་པཱ་ར་གཱུ;
བུ་དྡྷ་ཝེ་དཾ ག་ཝེ་ས་ནྟོ [པ་ཝེ་ས་ནྟོ (ཀ.)], ཉཱ་ཎེ ཙི་ཏྟཾ པ་སཱ་ད་ཡིཾ.
༣༧. ‘‘ཏ་ཏྠ ཙི་ཏྟཾ པ་སཱ་དེ་ཏྭཱ, ནི་སཱི་དིཾ པ་ཎྞ་ས་ནྠ་རེ;
པ་ལླ་ངྐཾ ཨཱ་བྷུ་ཛི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༣༨. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཉཱ་ཎ་ས་ཉྙཱ་ཡི་དཾ ཕ་ལཾ.
༣༩. ‘‘ས་ཏྟ་ཝཱི་ས་ཏི་ཀ་པྤ་མྷི, རཱ་ཛཱ སི་རི་དྷ་རོ ཨ་ཧུ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ར་ཧོ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ར་ཧོ་ས་ཉྙ་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.