༦. ཙ་མྤ་ཀ་པུ་པྥི་ཡ་ཏྠེ་ར་ཨ་པ་དཱ་ནཾ
༤༡. ‘‘ཀ་ཎི་ཀཱ་རཾ་ཝ ཛོ་ཏ་ནྟཾ, ནི་སི་ནྣཾ པ་བྦ་ཏ་ནྟ་རེ;
ཨོ་བྷཱ་སེ་ནྟཾ དི་སཱ ས་བྦཱ, ཨོ་ས་དྷིཾ ཝི་ཡ ཏཱ་ར་ཀཾ [ཨོ་ས་དྷཱི ཝི་ཡ ཏཱ་ར་ཀཱ (ཀ.)].
༤༢. ‘‘ཏ་ཡོ མཱ་ཎ་ཝ་ཀཱ ཨཱ་སུཾ, ས་ཀེ སི་པྤེ སུ་སི་ཀྑི་ཏཱ;
ཁཱ་རི་བྷཱ་རཾ ག་ཧེ་ཏྭཱ་ན, ཨ་ནྭེ་ནྟི མ་མ པ་ཙྪ་ཏོ.
༤༣. ‘‘པུ་ཊ་ཀེ ས་ཏྟ པུ་པྥཱ་ནི, ནི་ཀྑི་ཏྟཱ་ནི ཏ་པ་སྶི་ནཱ;
ག་ཧེ་ཏྭཱ ཏཱ་ནི ཉཱ་ཎ་མྷི, ཝེ་སྶ་བྷུ་སྶཱ་བྷི་རོ་པ་ཡིཾ.
༤༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཉཱ་ཎ་པཱུ་ཛཱ་ཡི་དཾ ཕ་ལཾ.
༤༥. ‘‘ཨེ་ཀཱུ་ན་ཏིཾ་ས་ཀ་པྤ་མྷི, ཝི་པུ་ལཱ་བྷ [ཝི་ཧ་ཏཱ་བྷཱ (སྱཱ.)] ས་ནཱ་མ་ཀོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི [རཱ་ཛཱ ཧོ་སི (ཀ.)] མ་ཧ་བྦ་ལོ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙ་མྤ་ཀ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;
ཙ་མྤ་ཀ་པུ་པྥི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.