༡༠. པི་ཡཱ་ལ་ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ

༦༦. ‘‘པཱ་རཱ་ཝ་ཏོ [པ་རོ་དྷ་ཀོ (སྱཱ.)] ཏ་དཱ ཨཱ་སིཾ, པ་རཾ ཨ་ནུ་པ་རོ་དྷ་ཀོ;

པ་བྦྷཱ་རེ སེ་ཡྻཾ ཀ་པྤེ་མི, ཨ་ཝི་དཱུ་རེ སི་ཁི་ས་ཏྠུ་ནོ.

༦༧. ‘‘སཱ་ཡཾ པཱ་ཏ་ཉྩ པ་སྶཱ་མི, བུ་དྡྷཾ ལོ་ཀ་གྒ་ནཱ་ཡ་ཀཾ;

དེ་ཡྻ་དྷ་མྨོ ཙ མེ ན་ཏྠི, དྭི་པ་དི་ནྡ་སྶ ཏཱ་དི་ནོ.

༦༨. ‘‘པི་ཡཱ་ལ་ཕ་ལ་མཱ་དཱ་ཡ, ཨ་ག་མཾ བུ་དྡྷ་ས་ནྟི་ཀཾ;

པ་ཊི་གྒ་ཧེ་སི བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ.

༦༩. ‘‘ཏ་ཏོ པ་རཾ ཨུ་པཱ་དཱ་ཡ, པ་རི་ཙཱ་རིཾ ཝི་ནཱ་ཡ་ཀཾ;

ཏེ་ན ཙི་ཏྟ་པྤ་སཱ་དེ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.

༧༠. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ ཕ་ལཾ ཨ་ད་དིཾ ཨ་ཧཾ;

དུ་གྒ་ཏིཾ ནཱ་བྷི་ཛཱ་ནཱ་མི, ཕ་ལ་དཱ་ན་སྶི་དཾ ཕ་ལཾ.

༧༡. ‘‘ཨི་ཏོ པ་ནྣ་ར་སེ ཀ་པྤེ, ཏ་ཡོ ཨཱ་སུཾ པི་ཡཱ་ལི་ནོ;

ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.

༧༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ པི་ཡཱ་ལ་ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

པི་ཡཱ་ལ་ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ད་ས་མཾ.

སོ་བྷི་ཏ་ཝ་གྒོ ཙུ་དྡ་ས་མོ.