༩. ག་ཎྛི་པུ་པྥི་ཡ་ཏྠེ་ར་ཨ་པ་དཱ་ནཾ
༩༡. ‘‘སུ་ཝ་ཎྞ་ཝ་ཎྞོ ས་མྦུ་དྡྷོ, ཝི་པ་སྶཱི ད་ཀྑི་ཎཱ་ར་ཧོ;
པུ་ར་ཀྑ་ཏོ སཱ་ཝ་ཀེ་ཧི, ཨཱ་རཱ་མཱ ཨ་བྷི་ནི་ཀྑ་མི.
༩༢. ‘‘དི་སྭཱ་ན་ཧཾ བུ་དྡྷ་སེ་ཊྛཾ, ས་བྦ་ཉྙུཾ ཏ་མ་ནཱ་ས་ཀཾ;
པ་ས་ནྣ་ཙི་ཏྟོ སུ་མ་ནོ, ག་ཎྛི་པུ་པྥཾ [ག་ཏ་མ་གྒཾ (སྱཱ. ཀ.)] ཨ་པཱུ་ཛ་ཡིཾ.
༩༣. ‘‘ཏེ་ན ཙི་ཏྟ་པྤ་སཱ་དེ་ན, དྭི་པ་དི་ནྡ་སྶ ཏཱ་དི་ནོ;
ཧ་ཊྛོ ཧ་ཊྛེ་ན ཙི་ཏྟེ་ན, པུ་ན ཝ་ནྡིཾ ཏ་ཐཱ་ག་ཏཾ.
༩༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༩༥. ‘‘ཨེ་ཀ་ཏཱ་ལཱི་སི་ཏོ ཀ་པྤེ, ཙ་ར་ཎོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༩༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ག་ཎྛི་པུ་པྥི་ཡོ [ག་ནྡྷ་པུ་པྥི་ཡོ (སྱཱ. ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ག་ཎྛི་པུ་པྥི་ཡ་ཏྠེ་ར་སྶཱ་པ་དཱ་ནཾ ན་ཝ་མཾ.