༡༣. སེ་རེ་ཡྻ་ཝ་གྒོ
༡. སེ་རེ་ཡྻ་ཀ་ཏྠེ་ར་ཨ་པ་དཱ་ནཾ
༡. ‘‘ཨ་ཛ྄ཛྷཱ་ཡ་ཀོ མ་ནྟ་དྷ་རོ, ཏི་ཎྞཾ ཝེ་དཱ་ན པཱ་ར་གཱུ;
ཨ་བྦྷོ་ཀཱ་སེ ཋི་ཏོ ས་ནྟོ, ཨ་དྡ་སཾ ལོ་ཀ་ནཱ་ཡ་ཀཾ.
༢. ‘‘སཱི་ཧཾ ཡ་ཐཱ ཝ་ན་ཙ་རཾ, བྱ་གྒྷ་རཱ་ཛཾ་ཝ ནི་ཏྟ་སཾ;
ཏི་དྷཱ་པ་བྷི་ནྣ་མཱ་ཏ་ངྒཾ, ཀུ་ཉྫ་རཾ་ཝ མ་ཧེ་སི་ནཾ.
༣. ‘‘སེ་རེ་ཡྻ་ཀཾ ག་ཧེ་ཏྭཱ་ན, ཨཱ་ཀཱ་སེ ཨུ་ཀྑི་པིཾ [ནི་ཀྑི་པིཾ (ཀ.)] ཨ་ཧཾ;
བུ་དྡྷ་སྶ ཨཱ་ནུ་བྷཱ་ཝེ་ན, པ་རི་ཝཱ་རེ་ནྟི ས་བྦ་སོ [ས་བྦ་ཏོ (སཱི.)].
༤. ‘‘ཨ་དྷི་ཊྛ་ཧི མ་ཧཱ་ཝཱི་རོ, ས་བྦ་ཉྙཱུ ལོ་ཀ་ནཱ་ཡ་ཀོ;
ས་མ་ནྟཱ པུ་པྥ་ཙྪ་ད་ནཱ, ཨོ་ཀི་རིཾ་སུ ན་རཱ་ས་བྷཾ.
༥. ‘‘ཏ་ཏོ སཱ པུ་པྥ་ཀ་ཉྩུ་ཀཱ, ཨ་ནྟོ་ཝ་ཎྚཱ བ་ཧི་མུ་ཁཱ;
ས་ཏྟཱ་ཧཾ ཚ་ད་ནཾ ཀ་ཏྭཱ, ཏ་ཏོ ཨ་ནྟ་ར་དྷཱ་ཡ་ཐ.
༦. ‘‘ཏ་ཉྩ ཨ་ཙྪ་རི་ཡཾ དི་སྭཱ, ཨ་བྦྷུ་ཏཾ ལོ་མ་ཧཾ་ས་ནཾ;
བུ་དྡྷེ ཙི་ཏྟཾ པ་སཱ་དེ་སིཾ, སུ་ག་ཏེ ལོ་ཀ་ནཱ་ཡ་ཀེ.
༧. ‘‘ཏེ་ན ཙི་ཏྟ་པྤ་སཱ་དེ་ན, སུ་ཀྐ་མཱུ་ལེ་ན ཙོ་དི་ཏོ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༨. ‘‘པ་ནྣ་ར་ས་ས་ཧ་སྶ་མྷི, ཀ་པྤཱ་ནཾ པ་ཉྩ་ཝཱི་ས་ཏི;
ཝཱི་ཏ་མ་ལཱ [ཙི་ཏྟ་མཱ་ལཱ (སཱི.), ཝི་ལཱ་མཱ་ལཱ (སྱཱ.)] ས་མཱ་ནཱ ཙ, ཙ་ཀྐ་ཝ་ཏྟཱི མ་ཧ་བྦ་ལཱ.
༩. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སེ་རེ་ཡྻ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སེ་རེ་ཡྻ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. པུ་པྥ་ཐཱུ་པི་ཡ་ཏྠེ་ར་ཨ་པ་དཱ་ནཾ
༡༠. ‘‘ཧི་མ་ཝ་ནྟ་སྶཱ་ཝི་དཱུ་རེ, ཀུ་ཀྐུ་རོ ནཱ་མ [ཀུ་ཀྐུ་ཊོ ནཱ་མ (སཱི.)] པ་བྦ་ཏོ;
ཝེ་མ་ཛ྄ཛྷེ ཏ་སྶ ཝ་ས་ཏི, བྲཱ་ཧྨ་ཎོ མ་ནྟ་པཱ་ར་གཱུ.
༡༡. ‘‘པ་ཉྩ སི་སྶ་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ;
པུ་བྦུ་ཊྛཱ་ཡཱི ཙ ཏེ ཨཱ་སུཾ, མ་ནྟེ་སུ ཙ ཝི་སཱ་ར་དཱ.
༡༢. ‘‘བུ་དྡྷོ ལོ་ཀེ ས་མུ་པྤ་ནྣོ, ཏཾ ཝི་ཛཱ་ནཱ་ཐ ནོ བྷ་ཝཾ;
ཨ་སཱི་ཏི་བྱ་ཉྫ་ནཱ་ན་སྶ, བཱ་ཏྟིཾ་ས་ཝ་ར་ལ་ཀྑ་ཎཱ.
༡༣. ‘‘བྱཱ་མ་པྤ་བྷོ ཛི་ན་ཝ་རོ, ཨཱ་དི་ཙྩོ་ཝ ཝི་རོ་ཙ་ཏི;
སི་སྶཱ་ནཾ ཝ་ཙ་ནཾ སུ་ཏྭཱ, བྲཱ་ཧྨ་ཎོ མ་ནྟ་པཱ་ར་གཱུ.
༡༤. ‘‘ཨ་སྶ་མཱ ཨ་བྷི་ནི་ཀྑ་མྨ, དི་སཾ པུ་ཙྪ་ཏི སི་སྶ་ཀེ [བྲཱ་ཧྨ་ཎོ (སྱཱ.)];
ཡ་མྷི དེ་སེ མ་ཧཱ་ཝཱི་རོ, ཝ་ས་ཏི ལོ་ཀ་ནཱ་ཡ་ཀོ.
༡༥. ‘‘ཏཱ་ཧཾ དི་སཾ ན་མ་སྶི་སྶཾ, ཛི་ནཾ ཨ་པྤ་ཊི་པུ་གྒ་ལཾ;
ཨུ་ད་གྒ་ཙི་ཏྟོ སུ་མ་ནོ, པཱུ་ཛེ་སིཾ ཏཾ ཏ་ཐཱ་ག་ཏཾ.
༡༦. ‘‘ཨེ་ཐ སི་སྶཱ ག་མི་སྶཱ་མ, ད་ཀྑི་སྶཱ་མ ཏ་ཐཱ་ག་ཏཾ;
ཝ་ནྡི་ཏྭཱ ས་ཏྠུ་ནོ པཱ་དེ, སོ་སྶཱ་མ ཛི་ན་སཱ་ས་ནཾ.
༡༧. ‘‘ཨེ་ཀཱ་ཧཾ ཨ་བྷི་ནི་ཀྑ་མྨ, བྱཱ་དྷིཾ པ་ཊི་ལ་བྷིཾ ཨ་ཧཾ;
བྱཱ་དྷི་ནཱ པཱི་ལི༹་ཏོ ས་ནྟོ, སཱ་ལཾ ཝཱ་ས་ཡི་ཏུཾ ག་མིཾ.
༡༨. ‘‘ས་བྦེ སི་སྶེ ས་མཱ་ནེ་ཏྭཱ, ཨ་པུ་ཙྪིཾ ཏེ ཏ་ཐཱ་ག་ཏཾ;
ཀཱི་དི་སཾ ལོ་ཀ་ནཱ་ཐ་སྶ, གུ་ཎཾ པ་ར་མ་བུ་དྡྷི་ནོ.
༡༩. ‘‘ཏེ མེ པུ་ཊྛཱ ཝི་ཡཱ་ཀཾ་སུ, ཡ་ཐཱ ད་སྶཱ་ཝི་ནོ ཏ་ཐཱ;
ས་ཀྐ་ཙྩཾ བུ་དྡྷ་སེ་ཊྛཾ ཏཾ, དེ་སེ་སུཾ [ད་སྶེ་སུཾ (སཱི. སྱཱ.)] མ་མ ས་མྨུ་ཁཱ.
༢༠. ‘‘ཏེ་སཱ་ཧཾ ཝ་ཙ་ནཾ སུ་ཏྭཱ, ས་ཀཾ ཙི་ཏྟཾ པ་སཱ་ད་ཡིཾ;
པུ་པྥེ་ཧི ཐཱུ་པཾ ཀ་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༢༡. ‘‘ཏེ མེ ས་རཱི་རཾ ཛྷཱ་པེ་ཏྭཱ, ཨ་ག་མུཾ བུ་དྡྷ་ས་ནྟི་ཀཾ;
ཨ་ཉྫ་ལིཾ པ་གྒ་ཧེ་ཏྭཱ་ན, ས་ཏྠཱ་ར་མ་བྷི་ཝཱ་ད་ཡུཾ.
༢༢. ‘‘པུ་པྥེ་ཧི ཐཱུ་པཾ ཀ་ཏྭཱ་ན, སུ་ག་ཏ་སྶ མ་ཧེ་སི་ནོ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༢༣. ‘‘ཙ་ཏྟཱ་ལཱི་ས་ས་ཧ་སྶ་མྷི, ཀ་པྤེ སོ་ལ༹་ས ཁ་ཏྟི་ཡཱ;
ནཱ་མེ་ན་གྒི་ས་མཱ ནཱ་མ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༤. ‘‘ཝཱི་ས་ཀ་པྤ་ས་ཧ་སྶ་མྷི, རཱ་ཛཱ་ནོ ཙ་ཀྐ་ཝ་ཏྟི་ནོ;
གྷ་ཏཱ་ས་ན་ས་ནཱ་མཱ་ཝ, ཨ་ཊྛ་ཏྟིཾ་ས མ་ཧཱི་པ་ཏཱི.
༢༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པུ་པྥ་ཐཱུ་པི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པུ་པྥ་ཐཱུ་པི་ཡ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. པཱ་ཡ་ས་དཱ་ཡ་ཀ་ཏྠེ་ར་ཨ་པ་དཱ་ནཾ
༢༦. ‘‘སུ་ཝ་ཎྞ་ཝ་ཎྞོ ས་མྦུ་དྡྷོ, བཱ་ཏྟིཾ་ས་ཝ་ར་ལ་ཀྑ་ཎོ;
པ་ཝ་ནཱ [པ་དྷཱ་ནོ (ཀ.)] ཨ་བྷི་ནི་ཀྑ་ནྟོ, བྷི་ཀྑུ་ས་ངྒྷ་པུ་ར་ཀྑ་ཏོ [སུ་ཝ་ཎྞ་ཝ་ཎྞཾ …པེ… པུ་ར་ཀྑ་ཏཾ-ཨེ་ཝཾ དུ་ཏི་ཡ་ནྟ་ཝ་སེ་ན སཱི. སྱཱ. པོ་ཏྠ་ཀེ་སུ དི་སྶ་ཏི].
༢༧. ‘‘མ་ཧ་ཙྩཱ [ས་ཧ་ཏྠཱ (སྱཱ. ཀ.)] ཀཾ་ས་པཱ་ཏི་ཡཱ, ཝ་ཌྜྷེ་ཏྭཱ པཱ་ཡ་སཾ [པཱ་ཡཱ་སཾ (སྱཱ. ཀ.)] ཨ་ཧཾ;
ཨཱ་ཧུ་ཏིཾ ཡི་ཊྛུ་ཀཱ་མོ སོ, ཨུ་པ་ནེ་སིཾ བ་ལིཾ ཨ་ཧཾ.
༢༨. ‘‘བྷ་ག་ཝཱ ཏ་མྷི ས་མ་ཡེ, ལོ་ཀ་ཛེ་ཊྛོ ན་རཱ་ས་བྷོ;
ཙ་ངྐ་མཾ སུ་ས་མཱ་རཱུ་ལ༹ྷོ, ཨ་མྦ་རེ ཨ་ནི་ལཱ་ཡ་ནེ.
༢༩. ‘‘ཏ་ཉྩ ཨ་ཙྪ་རི་ཡཾ དི་སྭཱ, ཨ་བྦྷུ་ཏཾ ལོ་མ་ཧཾ་ས་ནཾ;
ཋ་པ་ཡི་ཏྭཱ ཀཾ་ས་པཱ་ཏིཾ, ཝི་པ་སྶིཾ ཨ་བྷི་ཝཱ་ད་ཡིཾ.
༣༠. ‘‘ཏུ་ཝཾ དེ་ཝོ་སི [བུ་དྡྷོ་སི (སྱཱ.)] ས་བྦ་ཉྙཱུ, ས་དེ་ཝེ ས་ཧ་མཱ་ནུ་སེ;
ཨ་ནུ་ཀ་མྤཾ ཨུ་པཱ་དཱ་ཡ, པ་ཊི་ག་ཎྷ མ་ཧཱ་མུ་ནི.
༣༡. ‘‘པ་ཊི་གྒ་ཧེ་སི བྷ་ག་ཝཱ, ས་བྦ་ཉྙཱུ ལོ་ཀ་ནཱ་ཡ་ཀོ;
མ་མ ས་ངྐ་པྤ་མ་ཉྙཱ་ཡ, ས་ཏྠཱ ལོ་ཀེ མ་ཧཱ་མུ་ནི [ཨ་ནུ་ཏྟ་རོ (སྱཱ.)].
༣༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པཱ་ཡ་ས་སྶ [པཱ་ཡཱ་ས་སྶ (སྱཱ. ཀ.)] ཨི་དཾ ཕ་ལཾ.
༣༣. ‘‘ཨེ་ཀ་ཏཱ་ལཱི་སི་ཏོ ཀ་པྤེ, བུ་དྡྷོ ནཱ་མཱ་སི ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༣༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པཱ་ཡ་ས་དཱ་ཡ་ཀོ [པཱ་ཡཱ་ས་དཱ་ཡ་ཀོ (སྱཱ. ཀ.)] ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པཱ་ཡ་ས་དཱ་ཡ་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ག་ནྡྷོ་ད་ཀི་ཡ་ཏྠེ་ར་ཨ་པ་དཱ་ནཾ
༣༥. ‘‘ནི་ས་ཛྫ པཱ་སཱ་ད་ཝ་རེ, ཝི་པ་སྶིཾ ཨ་དྡ་སཾ ཛི་ནཾ;
ཀ་ཀུ་དྷཾ ཝི་ལ་ས་ནྟཾ་ཝ, ས་བྦ་ཉྙུཾ ཏ་མ་ནཱ་ས་ཀཾ [ས་བྦ་ཉྙུ་ཏྟ་མ་ནཱ་ཡ་ཀཾ (སྱཱ.), ས་བྦ་ཉྙུ་ཏ་མ་ནཱ་ས་ཝཾ (ཀ.)].
༣༦. ‘‘པཱ་སཱ་ད་སྶཱ་ཝི་དཱུ་རེ ཙ, ག་ཙྪ་ཏི ལོ་ཀ་ནཱ་ཡ་ཀོ;
པ་བྷཱ ནི་དྡྷཱ་ཝ་ཏེ ཏ་སྶ, ཡ་ཐཱ ཙ ས་ཏ་རཾ་སི་ནོ.
༣༧. ‘‘ག་ནྡྷོ་ད་ཀ་ཉྩ པ་གྒ་ཡ྄ཧ, བུ་དྡྷ་སེ་ཊྛཾ ས་མོ་ཀི་རིཾ;
ཏེ་ན ཙི་ཏྟ་པྤ་སཱ་དེ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༣༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ག་ནྡྷོ་ད་ཀ་མཱ་ཀི་རིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༣༩. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, སུ་ག་ནྡྷོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༤༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ག་ནྡྷོ་ད་ཀི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ག་ནྡྷོ་ད་ཀི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ས་མྨུ་ཁཱ་ཐ་ཝི་ཀ་ཏྠེ་ར་ཨ་པ་དཱ་ནཾ
༤༡. ‘‘ཛཱ་ཡ་མཱ་ནེ ཝི་པ་སྶི་མྷི, ནི་མི་ཏྟཾ བྱཱ་ཀ་རིཾ ཨ་ཧཾ;
‘ནི་བྦཱ་པ་ཡི་ཉྩ [ནི་བྦཱ་པ་ཡཾ ཙ (སཱི. སྱཱ.), ནི་བྦཱ་པ་ཡ་ནྟོ (?)] ཛ་ན་ཏཾ, བུ་དྡྷོ ལོ་ཀེ བྷ་ཝི་སྶ་ཏི.
༤༢. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ད་ས་ས་ཧ་སྶི ཀ་མྤ་ཏི;
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༣. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ཨཱ་ལོ་ཀོ ཝི་པུ་ལོ ཨ་ཧུ;
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༤. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ས་རི་ཏཱ་ཡོ ན ས་ནྡ་ཡུཾ [ས་ནྡི་སུཾ (སཱི. སྱཱ.)];
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༥. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ཨ་ཝཱི་ཙ་གྒི ན པ་ཛྫ་ལི;
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༦. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, པ་ཀྑི་ས་ངྒྷོ ན སཾ་ཙ་རི;
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༧. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ཝཱ་ཏ་ཀྑ་ནྡྷོ ན ཝཱ་ཡ་ཏི;
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༨. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ས་བྦ་ར་ཏ་ནཱ་ནི ཛོ་ཏ་ཡུཾ [ཛོ་ཏི་སུཾ (སཱི. སྱཱ.)];
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༤༩. ‘‘‘ཡ་སྨི་ཉྩ ཛཱ་ཡ་མཱ་ན་སྨིཾ, ས་ཏྟཱ་སུཾ པ་ད་ཝི་ཀྐ་མཱ;
སོ དཱ་ནི བྷ་ག་ཝཱ ས་ཏྠཱ, དྷ་མྨཾ དེ་སེ་ཏི ཙ་ཀྑུ་མཱ.
༥༠. ‘‘‘ཛཱ་ཏ་མ་ཏྟོ ཙ ས་མྦུ་དྡྷོ, དི་སཱ ས་བྦཱ ཝི་ལོ་ཀ་ཡི;
ཝཱ་ཙཱ་ས་བྷི་མུ་དཱི་རེ་སི, ཨེ་སཱ བུ་དྡྷཱ་ན དྷ་མྨ་ཏཱ’.
༥༡. ‘‘སཾ་ཝེ་ཛ་ཡི་ཏྭཱ ཛ་ན་ཏཾ, ཐ་ཝི་ཏྭཱ ལོ་ཀ་ནཱ་ཡ་ཀཾ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, པ་ཀྐཱ་མིཾ པཱ་ཙི་ནཱ་མུ་ཁོ.
༥༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ བུ་དྡྷ་མ་བྷི་ཐོ་མ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཐོ་མ་ནཱ་ཡ ཨི་དཾ ཕ་ལཾ.
༥༣. ‘‘ཨི་ཏོ ན་ཝུ་ཏི་ཀ་པྤ་མྷི, ས་མྨུ་ཁཱ་ཐ་ཝི་ཀ་ཝ྄ཧ་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༤. ‘‘པ་ཐ་ཝཱི་དུ་ནྡུ་བྷི ནཱ་མ [དུ་དྡ་སི ནཱ་མ (ཀ.)], ཨེ་ཀཱུ་ན་ན་ཝུ་ཏི་མྷི་ཏོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༥. ‘‘ཨ་ཊྛཱ་སཱི་ཏི་མྷི་ཏོ ཀ་པྤེ, ཨོ་བྷཱ་སོ ནཱ་མ ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༦. ‘‘ས་ཏྟཱ་སཱི་ཏི་མྷི་ཏོ ཀ་པྤེ, ས་རི་ཏ་ཙྪེ་ད་ན་ཝ྄ཧ་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༧. ‘‘ཨ་གྒི་ནི་བྦཱ་པ་ནོ ནཱ་མ, ཀ་པྤཱ་ནཾ ཚ་ལ༹་སཱི་ཏི་ཡཱ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༨. ‘‘ག་ཏི་པ་ཙྪེ་ད་ནོ ནཱ་མ, ཀ་པྤཱ་ནཾ པ་ཉྩ་སཱི་ཏི་ཡཱ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༩. ‘‘རཱ་ཛཱ ཝཱ་ཏ་ས་མོ ནཱ་མ, ཀ་པྤཱ་ནཾ ཙུ་ལླ་སཱི་ཏི་ཡཱ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༠. ‘‘ར་ཏ་ན་པ་ཛྫ་ལོ ནཱ་མ, ཀ་པྤཱ་ནཾ ཏེ་ཨ་སཱི་ཏི་ཡཱ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༡. ‘‘པ་ད་ཝི་ཀྐ་མ་ནོ ནཱ་མ, ཀ་པྤཱ་ནཾ དྭེ་ཨ་སཱི་ཏི་ཡཱ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༢. ‘‘རཱ་ཛཱ ཝི་ལོ་ཀ་ནོ ནཱ་མ, ཀ་པྤཱ་ནཾ ཨེ་ཀ་སཱི་ཏི་ཡཱ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༣. ‘‘གི་ར་སཱ་རོ་ཏི ནཱ་མེ་ན, ཀ་པྤེ་སཱི་ཏི་མྷི ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་མྨུ་ཁཱ་ཐ་ཝི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་མྨུ་ཁཱ་ཐ་ཝི་ཀ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཀུ་སུ་མཱ་ས་ནི་ཡ་ཏྠེ་ར་ཨ་པ་དཱ་ནཾ
༦༥. ‘‘ན་ག་རེ དྷ་ཉྙ་ཝ་ཏི་ཡཱ, ཨ་ཧོ་སིཾ བྲཱ་ཧྨ་ཎོ ཏ་དཱ;
ལ་ཀྑ་ཎེ ཨི་ཏི་ཧཱ་སེ ཙ, ས་ནི་གྷ་ཎྜུ་ས་ཀེ་ཊུ་བྷེ.
༦༦. ‘‘པ་ད་ཀོ ཝེ་ཡྻཱ་ཀ་ར་ཎོ, ནི་མི་ཏྟ་ཀོ་ཝི་དོ ཨ་ཧཾ;
མ་ནྟེ ཙ སི་སྶེ ཝཱ་ཙེ་སིཾ, ཏི་ཎྞཾ ཝེ་དཱ་ན པཱ་ར་གཱུ.
༦༧. ‘‘པ་ཉྩ ཨུ་པྤ་ལ་ཧ་ཏྠཱ་ནི, པི་ཊྛི་ཡཾ ཋ་པི་ཏཱ་ནི མེ;
ཨཱ་ཧུ་ཏིཾ ཡི་ཊྛུ་ཀཱ་མོ་ཧཾ, པི་ཏུ་མཱ་ཏུ་ས་མཱ་ག་མེ.
༦༨. ‘‘ཏ་དཱ ཝི་པ་སྶཱི བྷ་ག་ཝཱ, བྷི་ཀྑུ་ས་ངྒྷ་པུ་ར་ཀྑ་ཏོ;
ཨོ་བྷཱ་སེ་ནྟོ དི་སཱ ས་བྦཱ, ཨཱ་ག་ཙྪ་ཏི ན་རཱ་ས་བྷོ.
༦༩. ‘‘ཨཱ་ས་ནཾ པ་ཉྙ་པེ་ཏྭཱ་ན, ནི་མ་ནྟེ་ཏྭཱ མ་ཧཱ་མུ་ནིཾ;