༡༠. པ་དུ་མ་པཱུ་ཛ་ཀ་ཏྠེ་ར་ཨ་པ་དཱ་ནཾ

༩༧. ‘‘ཧི་མ་ཝ་ནྟ་སྶཱ་ཝི་དཱུ་རེ, གོ་ཏ་མོ ནཱ་མ པ་བྦ་ཏོ;

ནཱ་ནཱ་རུ་ཀྑེ་ཧི ས་ཉྪ་ནྣོ, མ་ཧཱ་བྷཱུ་ཏ་ག་ཎཱ་ལ་ཡོ.

༩༨. ‘‘ཝེ་མ་ཛ྄ཛྷ་མྷི ཙ ཏ་སྶཱ་སི, ཨ་སྶ་མོ ཨ་བྷི་ནི་མྨི་ཏོ;

པུ་ར་ཀྑ་ཏོ ས་སི་སྶེ་ཧི, ཝ་སཱ་མི ཨ་སྶ་མེ ཨ་ཧཾ.

༩༩. ‘‘ཨཱ་ཡ་ནྟུ མེ སི་སྶ་ག་ཎཱ, པ་དུ་མཾ ཨཱ་ཧ་ར་ནྟུ མེ;

བུ་དྡྷ་པཱུ་ཛཾ ཀ་རི་སྶཱ་མི, དྭི་པ་དི་ནྡ་སྶ ཏཱ་དི་ནོ.

༡༠༠. ‘‘ཨེ་ཝ་ནྟི ཏེ པ་ཊི་སྶུ་ཏྭཱ, པ་དུ་མཾ ཨཱ་ཧ་རིཾ་སུ མེ;

ཏ་ཐཱ ནི་མི་ཏྟཾ ཀ་ཏྭཱ་ཧཾ, བུ་དྡྷ་སྶ ཨ་བྷི་རོ་པ་ཡིཾ.

༡༠༡. ‘‘སི་སྶེ ཏ་དཱ ས་མཱ་ནེ་ཏྭཱ, སཱ་དྷུ་ཀཾ ཨ་ནུ་སཱ་ས་ཧཾ;

མཱ ཁོ ཏུ་མྷེ པ་མ་ཛྫི་ཏྠ, ཨ་པྤ་མཱ་དོ སུ་ཁཱ་ཝ་ཧོ.

༡༠༢. ‘‘ཨེ་ཝཾ ས་མ་ནུ་སཱ་སི་ཏྭཱ, ཏེ སི་སྶེ ཝ་ཙ་ན་ཀྑ་མེ;

ཨ་པྤ་མཱ་ད་གུ་ཎེ ཡུ་ཏྟོ, ཏ་དཱ ཀཱ་ལ་ངྐ་ཏོ ཨ་ཧཾ.

༡༠༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༡༠༤. ‘‘ཨེ་ཀ་པ་ཉྙཱ་ས་ཀ་པྤ་མྷི, རཱ་ཛཱ ཨཱ་སིཾ ཛ་ལུ་ཏྟ་མོ;

ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.

༡༠༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ པ་དུ་མ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི;

པ་དུ་མ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ད་ས་མཾ.

སེ་རེ་ཡྻ་ཝ་གྒོ ཏེ་ར་ས་མོ.