༨. ཉཱ་ཎ་ས་ཉྙི་ཀ་ཏྠེ་ར་ཨ་པ་དཱ་ནཾ

༨༤. ‘‘པ་བྦ་ཏེ ཧི་མ་ཝ་ནྟ་མྷི, ཝ་སཱ་མི པ་བྦ་ཏ་ནྟ་རེ;

པུ་ལི་ནཾ སོ་བྷ་ནཾ དི་སྭཱ, བུ་དྡྷ་སེ་ཊྛཾ ཨ་ནུ་སྶ་རིཾ.

༨༥. ‘‘ཉཱ་ཎེ ཨུ་པ་ནི་དྷཱ ན་ཏྠི, ས་ངྑཱ་རཾ [ས་ངྒཱ་མཾ (སཱི. སྱཱ.), ས་ངྑཱ་ཏཾ (ཐེ་ར་གཱ་ཐཱ ཨ་ཊྛ.)] ན་ཏྠི ས་ཏྠུ་ནོ;

ས་བྦ་དྷ་མྨཾ ཨ་བྷི་ཉྙཱ་ཡ, ཉཱ་ཎེ་ན ཨ་དྷི་མུ་ཙྩ་ཏི.

༨༦. ‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;

ཉཱ་ཎེ་ན ཏེ ས་མོ ན་ཏྠི, ཡཱ་ཝ་ཏཱ ཉཱ་ཎ་མུ་ཏྟ་མཾ.

༨༧. ‘‘ཉཱ་ཎེ ཙི་ཏྟཾ པ་སཱ་དེ་ཏྭཱ, ཀ་པྤཾ ས་གྒ་མྷི མོ་ད་ཧཾ;

ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཙ་རི་ཏཾ [ཀ་རི་ཏཾ (སཱི. སྱཱ.), ཀི་རི་ཡཾ (ཀ.)] མ་ཡཱ.

༨༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;

དུ་གྒ་ཏིཾ ནཱ་བྷི་ཛཱ་ནཱ་མི, ཉཱ་ཎ་ས་ཉྙཱ་ཡི་དཾ ཕ་ལཾ.

༨༩. ‘‘ཨི་ཏོ ས་ཏྟ་ཏི་ཀ་པྤ་མྷི [ཏེ་ས་ཏྟ་ཏི་ཀ་པྤེ (སཱི. སྱཱ.)], ཨེ་ཀོ པུ་ལི་ན་པུ་པྥི་ཡོ;

ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.

༩༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཉཱ་ཎ་ས་ཉྙི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཉཱ་ཎ་ས་ཉྙི་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.