༧. ཕ་ལ་དཱ་ཡ་ཀ་ཏྠེ་ར་ཨ་པ་དཱ་ནཾ

༧༥. ‘‘ཨ་ཛ྄ཛྷཱ་ཡ་ཀོ མ་ནྟ་དྷ་རོ, ཏི་ཎྞཾ ཝེ་དཱ་ན པཱ་ར་གཱུ;

ཧི་མ་ཝ་ནྟ་སྶཱ་ཝི་དཱུ་རེ, ཝ་སཱ་མི ཨ་སྶ་མེ ཨ་ཧཾ.

༧༦. ‘‘ཨ་གྒི་ཧུ་ཏྟ་ཉྩ མེ ཨ་ཏྠི, པུ་ཎྜ་རཱི་ཀ་ཕ་ལཱ་ནི ཙ;

པུ་ཊ་ཀེ ནི་ཀྑི་པི་ཏྭཱ་ན, དུ་མ་གྒེ ལ་གྒི་ཏཾ མ་ཡཱ.

༧༧. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;

མ་མུ་དྡྷ་རི་ཏུ་ཀཱ་མོ སོ, བྷི་ཀྑ་ནྟོ མ་མུ་པཱ་ག་མི.

༧༨. ‘‘པ་ས་ནྣ་ཙི་ཏྟོ སུ་མ་ནོ, ཕ་ལཾ བུ་དྡྷ་སྶ་དཱ་ས་ཧཾ;

ཝི་ཏྟི་ས་ཉྫ་ན་ནོ མ་ཡ྄ཧཾ, དི་ཊྛ་དྷ་མྨ་སུ་ཁཱ་ཝ་ཧོ.

༧༩. ‘‘སུ་ཝ་ཎྞ་ཝ་ཎྞོ ས་མྦུ་དྡྷོ, ཨཱ་ཧུ་ཏཱི་ནཾ པ་ཊི་གྒ་ཧོ;

ཨ་ནྟ་ལི་ཀྑེ ཋི་ཏོ ས་ཏྠཱ, ཨི་མཾ གཱ་ཐཾ ཨ་བྷཱ་ས་ཐ.

༨༠. ‘‘‘ཨི་མི་ནཱ ཕ་ལ་དཱ་ནེ་ན, ཙེ་ཏ་ནཱ་པ་ཎི་དྷཱི་ཧི ཙ;

ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་སི’.

༨༡. ‘‘ཏེ་ནེ་ཝ སུ་ཀྐ་མཱུ་ལེ་ན, ཨ་ནུ་བྷོ་ཏྭཱ་ན ས་མྤ་དཱ;

པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.

༨༢. ‘‘ཨི་ཏོ ས་ཏྟ་ས་ཏེ ཀ་པྤེ, རཱ་ཛཱ ཨཱ་སིཾ སུ་མ་ངྒ་ལོ;

ས་ཏྟ་ར་ཏ་ན་ས་མྤ་ནྣོ ཙ་ཀྐ་ཝ་ཏྟཱི མ་ཧ་བྦ་ལོ.

༨༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཕ་ལ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཕ་ལ་དཱ་ཡ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.