༤. ཨེ་ཀཱ་ས་ནི་ཡ་ཏྠེ་ར་ཨ་པ་དཱ་ནཾ

༣༡. ‘‘ཝ་རུ་ཎོ ནཱ་མ ནཱ་མེ་ན, དེ་ཝ་རཱ་ཛཱ ཨ་ཧཾ ཏ་དཱ;

ཨུ་པ་ཊྛ་ཧེ་སིཾ ས་མྦུ་དྡྷཾ, ས་ཡོ་གྒ་བ་ལ་ཝཱ་ཧ་ནོ.

༣༢. ‘‘ནི་བྦུ་ཏེ ལོ་ཀ་ནཱ་ཐ་མྷི, ཨ་ཏྠ་ད་སྶཱི་ན་རུ་ཏྟ་མེ;

ཏཱུ་རི་ཡཾ ས་བྦ་མཱ་དཱ་ཡ, ཨ་ག་མཾ བོ་དྷི་མུ་ཏྟ་མཾ.

༣༣. ‘‘ཝཱ་དི་ཏེ་ན ཙ ན་ཙྩེ་ན, ས་མྨ་ཏཱ་ལ༹་ས་མཱ་ཧི་ཏོ;

ས་མྨུ་ཁཱ ཝི་ཡ ས་མྦུ་དྡྷཾ, ཨུ་པ་ཊྛིཾ བོ་དྷི་མུ་ཏྟ་མཾ.

༣༤. ‘‘ཨུ་པ་ཊྛ་ཧི་ཏྭཱ ཏཾ བོ་དྷིཾ, དྷ་ར་ཎཱི་རུ་ཧ་པཱ་ད་པཾ;

པ་ལླ་ངྐཾ ཨཱ་བྷུ་ཛི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.

༣༥. ‘‘ས་ཀ་ཀ་མྨཱ་བྷི་ར་དྡྷོ་ཧཾ, པ་ས་ནྣོ བོ་དྷི་མུ་ཏྟ་མེ;

ཏེ་ན ཙི་ཏྟ་པྤ་སཱ་དེ་ན, ནི་མྨཱ་ནཾ ཨུ་པ་པ་ཛྫ་ཧཾ.

༣༦. ‘‘ས་ཊྛི་ཏཱུ་རི་ཡ་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ;

མ་ནུ་སྶེ་སུ ཙ དེ་ཝེ་སུ, ཝ་ཏྟ་མཱ་ནཾ བྷ་ཝཱ་བྷ་ཝེ.

༣༧. ‘‘ཏི་ཝི་དྷ་གྒཱི ནི་བྦུ་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;

དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ [ཨ་ཡ་ཉྩ གཱ་ཐཱ པ་ཊི་ས་མྦྷི་དཱ ཙ་ཏ་སྶེ་ཏི་གཱ་ཐཱ་ཡ ཨེ་ཀ་ས་མྦ་ནྡྷཱ བྷ་ཝི་ཏཾ ཡུ་ཏྟཱ].

༣༨. ‘‘སུ་བཱ་ཧཱུ ནཱ་མ ནཱ་མེ་ན, ཙ་ཏུ་ཏྟིཾ་སཱ་སུ ཁ་ཏྟི་ཡཱ;

ས་ཏྟ་ར་ཏ་ན་ས་མྤ་ནྣཱ, པ་ཉྩ་ཀ་པྤ་ས་ཏེ ཨི་ཏོ.

༣༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ཨེ་ཀཱ་ས་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ཨེ་ཀཱ་ས་ནི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.