༡༢. མ་ཧཱ་པ་རི་ཝཱ་ར་ཝ་གྒོ
༡. མ་ཧཱ་པ་རི་ཝཱ་ར་ཀ་ཏྠེ་ར་ཨ་པ་དཱ་ནཾ
༡. ‘‘ཝི་པ་སྶཱི ནཱ་མ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
ཨ་ཊྛ་ས་ཊྛི་ས་ཧ་སྶེ་ཧི, པཱ་ཝི་སི བ་ནྡྷུ་མཾ ཏ་དཱ.
༢. ‘‘ན་ག་རཱ ཨ་བྷི་ནི་ཀྑ་མྨ, ཨ་ག་མཾ དཱི་པ་ཙེ་ཏི་ཡཾ;
ཨ་དྡ་སཾ ཝི་ར་ཛཾ བུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ.
༣. ‘‘ཙུ་ལླཱ་སཱི་ཏི་ས་ཧ་སྶཱ་ནི, ཡ་ཀྑཱ མ་ཡ྄ཧཾ ཨུ་པ་ནྟི་ཀེ;
ཨུ་པ་ཊྛ་ཧ་ནྟི ས་ཀྐ་ཙྩཾ [མཾ ནི་ཙྩཾ (ཀ.)], ཨི་ནྡཾ་ཝ ཏི་ད་སཱ ག་ཎཱ.
༤. ‘‘བྷ་ཝ་ནཱ ཨ་བྷི་ནི་ཀྑ་མྨ, དུ་སྶཾ པ་གྒ་ཡ྄ཧ་ཧཾ ཏ་དཱ;
སི་ར་སཱ ཨ་བྷི་ཝཱ་དེ་སིཾ, ཏ་ཉྩཱ་དཱ་སིཾ མ་ཧེ་སི་ནོ.
༥. ‘‘ཨ་ཧོ བུ་དྡྷོ ཨ་ཧོ དྷ་མྨོ, ཨ་ཧོ ནོ ས་ཏྠུ ས་མྤ་དཱ;
བུ་དྡྷ་སྶ ཨཱ་ནུ་བྷཱ་ཝེ་ན, ཝ་སུ་དྷཱ་ཡཾ པ་ཀ་མྤ་ཐ.
༦. ‘‘ཏ་ཉྩ ཨ་ཙྪ་རི་ཡཾ དི་སྭཱ, ཨ་བྦྷུ་ཏཾ ལོ་མ་ཧཾ་ས་ནཾ;
བུ་དྡྷེ ཙི་ཏྟཾ པ་སཱ་དེ་མི, དྭི་པ་དི་ནྡ་མྷི ཏཱ་དི་ནེ.
༧. ‘‘སོ་ཧཾ ཙི་ཏྟཾ པ་སཱ་དེ་ཏྭཱ, དུ་སྶཾ ད་ཏྭཱ་ན ས་ཏྠུ་ནོ;
ས་ར་ཎ་ཉྩ ཨུ་པཱ་ག་ཙྪིཾ, སཱ་མ་ཙྩོ ས་པ་རི་ཛྫ་ནོ.
༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༩. ‘‘ཨི་ཏོ པ་ནྣ་ར་སེ ཀ་པྤེ, སོ་ལ༹་སཱ་སུཾ སུ་ཝཱ་ཧ་ནཱ [སོ་ལ༹་སཱ་སིཾ་སུ ཝཱ་ཧ་ནོ (སྱཱ.)];
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༠. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་ཧཱ་པ་རི་ཝཱ་ར་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་ཧཱ་པ་རི་ཝཱ་ར་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. སུ་མ་ངྒ་ལ་ཏྠེ་ར་ཨ་པ་དཱ་ནཾ
༡༡. ‘‘ཨ་ཏྠ་ད་སྶཱི ཛི་ན་ཝ་རོ, ལོ་ཀ་ཛེ་ཊྛོ ན་རཱ་ས་བྷོ;
ཝི་ཧཱ་རཱ ཨ་བྷི་ནི་ཀྑ་མྨ, ཏ་ལཱ༹་ཀཾ ཨུ་པ་ས་ངྐ་མི.
༡༢. ‘‘ནྷ་ཏྭཱ པི་ཏྭཱ ཙ ས་མྦུ་དྡྷོ, ཨུ་ཏྟ་རི་ཏྭེ་ཀ་ཙཱི་ཝ་རོ;
ཨ་ཊྛཱ་སི བྷ་ག་ཝཱ ཏ་ཏྠ, ཝི་ལོ་ཀེ་ནྟོ དི་སོ་དི་སཾ.
༡༣. ‘‘བྷ་ཝ་ནེ ཨུ་པ་ཝི་ཊྛོ་ཧཾ, ཨ་དྡ་སཾ ལོ་ཀ་ནཱ་ཡ་ཀཾ;
ཧ་ཊྛོ ཧ་ཊྛེ་ན ཙི་ཏྟེ་ན, ཨ་པྥོ་ཊེ་སིཾ ཨ་ཧཾ ཏ་དཱ.
༡༤. ‘‘ས་ཏ་རཾ་སིཾ་ཝ ཛོ་ཏ་ནྟཾ, པ་བྷཱ་ས་ནྟཾ་ཝ ཀ་ཉྩ་ནཾ [ཨི་མི་ནཱ པཱ་ད་དྭ་ཡེ་ན པུ་རི་མ་པཱ་ད་དྭ་ཡ་སྶ པུ་ར་ཏོ བྷ་ཝི་ཏ་བྦཾ];
ན་ཙྩ་གཱི་ཏེ པ་ཡུ་ཏྟོ་ཧཾ, པ་ཉྩ་ངྒ་ཏཱུ་རི་ཡ་མྷི ཙ.
༡༥. ‘‘ཡཾ ཡཾ ཡོ་ནུ་པ་པ་ཛྫཱ་མི, དེ་ཝ་ཏྟཾ ཨ་ཐ མཱ་ནུ་སཾ;
ས་བྦེ ས་ཏྟེ ཨ་བྷི་བྷོ་མི, ཝི་པུ་ལོ ཧོ་ཏི མེ ཡ་སོ [ཨ་ཡ་ཉྩ གཱ་ཐཱ པ་རི་གྒ་ཧེ་ཏི་གཱ་ཐཱ་ཡ ཨ་ན་ནྟ་ར་མེ་ཝ ཋཱ་ཏུཾ ཡུ་ཏྟཱ].
༡༦. ‘‘ན་མོ ཏེ པུ་རི་སཱ་ཛ་ཉྙ, ན་མོ ཏེ པུ་རི་སུ་ཏྟ་མ;
ཨ་ཏྟཱ་ནཾ ཏོ་ས་ཡི་ཏྭཱ་ན, པ་རེ ཏོ་སེ་སི ཏྭཾ མུ་ནི.
༡༧. ‘‘པ་རི་གྒ་ཧེ [པ་རི་གྒ་ཡ྄ཧ (སཱི.), པ་རི་གྒ་ཧི་ཏྭཱ (སྱཱ.), པ་རི་གྒ་ཧེ་ན (ཀ.)] ནི་སཱི་དི་ཏྭཱ, ཧཱ་སཾ ཀ་ཏྭཱ་ན སུ་བྦ་ཏེ;
ཨུ་པ་ཊྛ་ཧི་ཏྭཱ ས་མྦུ་དྡྷཾ, ཏུ་སི་ཏཾ ཨུ་པ་པ་ཛྫ་ཧཾ.
༡༨. ‘‘སོ་ལ༹་སེ་ཏོ ཀ་པྤ་ས་ཏེ, དྭི་ན་ཝ་ཨེ་ཀ་ཙི་ནྟི་ཏཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་མ་ངྒ་ལོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་མ་ངྒ་ལ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ས་ར་ཎ་ག་མ་ནི་ཡ་ཏྠེ་ར་ཨ་པ་དཱ་ནཾ
༢༠. ‘‘ཨུ་བྷི་ནྣཾ དེ་ཝ་རཱ་ཛཱུ་ནཾ, ས་ངྒཱ་མོ ས་མུ་པ་ཊྛི་ཏོ;
ཨ་ཧོ་སི ས་མུ་པ་བྱཱུ་ལ༹ྷོ [ས་མུ་པ་བྦཱུ་ལ༹ྷོ (སཱི.)], མ་ཧཱ་གྷོ་སོ ཨ་ཝ་ཏྟ་ཐ [པ་ཝ་ཏྟ་ཐ (སཱི.)].
༢༡. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
ཨ་ནྟ་ལི་ཀྑེ ཋི་ཏོ ས་ཏྠཱ, སཾ་ཝེ་ཛེ་སི མ་ཧཱ་ཛ་ནཾ.
༢༢. ‘‘ས་བྦེ དེ་ཝཱ ཨ་ཏྟ་མ་ནཱ, ནི་ཀྑི་ཏྟ་ཀ་ཝ་ཙཱ་ཝུ་དྷཱ;
ས་མྦུ་དྡྷཾ ཨ་བྷི་ཝཱ་དེ་ཏྭཱ, ཨེ་ཀ་གྒཱ་སིཾ་སུ ཏཱ་ཝ་དེ.
༢༣. ‘‘མ་ཡ྄ཧཾ [ཨ་མྷཾ (སཱི.)] ས་ངྐ་པྤ་མ་ཉྙཱ་ཡ, ཝཱ་ཙཱ་ས་བྷི་མུ་དཱི་ར་ཡི;
ཨ་ནུ་ཀ་མྤ་ཀོ ལོ་ཀ་ཝི་དཱུ, ནི་བྦཱ་པེ་སི མ་ཧཱ་ཛ་ནཾ.
༢༤. ‘‘པ་དུ་ཊྛ་ཙི་ཏྟོ མ་ནུ་ཛོ, ཨེ་ཀ་པཱ་ཎཾ ཝི་ཧེ་ཋ་ཡཾ;
ཏེ་ན ཙི་ཏྟ་པྤ་དོ་སེ་ན, ཨ་པཱ་ཡཾ ཨུ་པ་པ་ཛྫ་ཏི.
༢༥. ‘‘ས་ངྒཱ་མ་སཱི་སེ ནཱ་གོ་ཝ, བ་ཧཱུ པཱ་ཎེ ཝི་ཧེ་ཋ་ཡཾ;
ནི་བྦཱ་པེ་ཐ ས་ཀཾ ཙི་ཏྟཾ, མཱ ཧ་ཉྙི་ཏྠོ པུ་ན་པྤུ་ནཾ.
༢༦. ‘‘དྭི་ནྣ་མྤི ཡ་ཀྑ་རཱ་ཛཱུ་ནཾ, སེ་ནཱ སཱ ཝི་མྷི་ཏཱ ཨ་ཧུ [སེ་ནཱ་ཡོ ཝི་མྷི་ཏཱ ཨ་ཧཱུ (སཱི.), སེ་ནཱ་པི ས་མི་ཏཱ ཨ་ཧུ (སྱཱ.)];
ས་ར་ཎ་ཉྩ ཨུ་པཱ་ག་ཙྪུཾ, ལོ་ཀ་ཛེ་ཊྛཾ སུ་ཏཱ་དི་ནཾ.
༢༧. ‘‘ས་ཉྙཱ་པེ་ཏྭཱ་ན ཛ་ན་ཏཾ, པ་ད་མུ་དྡྷ་རི [ཨུ་དྡྷ་རི པ་ན (སཱི. སྱཱ.)] ཙ་ཀྑུ་མཱ;
པེ་ཀྑ་མཱ་ནོ་ཝ དེ་ཝེ་ཧི, པ་ཀྐཱ་མི ཨུ་ཏྟ་རཱ་མུ་ཁོ.
༢༨. ‘‘པ་ཋ་མཾ ས་ར་ཎཾ ག་ཙྪིཾ, དྭི་པ་དི་ནྡ་སྶ ཏཱ་དི་ནོ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༢༩. ‘‘མ་ཧཱ་དུ་ནྡུ་བྷི་ནཱ་མཱ ཙ, སོ་ལ༹་སཱ་སུཾ ར་ཐེ་ས་བྷཱ;
ཏིཾ་ས་ཀ་པྤ་ས་ཧ་སྶ་མྷི, རཱ་ཛཱ་ནོ ཙ་ཀྐ་ཝ་ཏྟི་ནོ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ས་ར་ཎ་ག་མ་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ས་ར་ཎ་ག་མ་ནི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. ཨེ་ཀཱ་ས་ནི་ཡ་ཏྠེ་ར་ཨ་པ་དཱ་ནཾ
༣༡. ‘‘ཝ་རུ་ཎོ ནཱ་མ ནཱ་མེ་ན, དེ་ཝ་རཱ་ཛཱ ཨ་ཧཾ ཏ་དཱ;
ཨུ་པ་ཊྛ་ཧེ་སིཾ ས་མྦུ་དྡྷཾ, ས་ཡོ་གྒ་བ་ལ་ཝཱ་ཧ་ནོ.
༣༢. ‘‘ནི་བྦུ་ཏེ ལོ་ཀ་ནཱ་ཐ་མྷི, ཨ་ཏྠ་ད་སྶཱི་ན་རུ་ཏྟ་མེ;
ཏཱུ་རི་ཡཾ ས་བྦ་མཱ་དཱ་ཡ, ཨ་ག་མཾ བོ་དྷི་མུ་ཏྟ་མཾ.
༣༣. ‘‘ཝཱ་དི་ཏེ་ན ཙ ན་ཙྩེ་ན, ས་མྨ་ཏཱ་ལ༹་ས་མཱ་ཧི་ཏོ;
ས་མྨུ་ཁཱ ཝི་ཡ ས་མྦུ་དྡྷཾ, ཨུ་པ་ཊྛིཾ བོ་དྷི་མུ་ཏྟ་མཾ.
༣༤. ‘‘ཨུ་པ་ཊྛ་ཧི་ཏྭཱ ཏཾ བོ་དྷིཾ, དྷ་ར་ཎཱི་རུ་ཧ་པཱ་ད་པཾ;
པ་ལླ་ངྐཾ ཨཱ་བྷུ་ཛི་ཏྭཱ་ན, ཏ་ཏྠ ཀཱ་ལ་ངྐ་ཏོ ཨ་ཧཾ.
༣༥. ‘‘ས་ཀ་ཀ་མྨཱ་བྷི་ར་དྡྷོ་ཧཾ, པ་ས་ནྣོ བོ་དྷི་མུ་ཏྟ་མེ;
ཏེ་ན ཙི་ཏྟ་པྤ་སཱ་དེ་ན, ནི་མྨཱ་ནཾ ཨུ་པ་པ་ཛྫ་ཧཾ.
༣༦. ‘‘ས་ཊྛི་ཏཱུ་རི་ཡ་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ;
མ་ནུ་སྶེ་སུ ཙ དེ་ཝེ་སུ, ཝ་ཏྟ་མཱ་ནཾ བྷ་ཝཱ་བྷ་ཝེ.
༣༧. ‘‘ཏི་ཝི་དྷ་གྒཱི ནི་བྦུ་ཏཱ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ [ཨ་ཡ་ཉྩ གཱ་ཐཱ པ་ཊི་ས་མྦྷི་དཱ ཙ་ཏ་སྶེ་ཏི་གཱ་ཐཱ་ཡ ཨེ་ཀ་ས་མྦ་ནྡྷཱ བྷ་ཝི་ཏཾ ཡུ་ཏྟཱ].
༣༨. ‘‘སུ་བཱ་ཧཱུ ནཱ་མ ནཱ་མེ་ན, ཙ་ཏུ་ཏྟིཾ་སཱ་སུ ཁ་ཏྟི་ཡཱ;
ས་ཏྟ་ར་ཏ་ན་ས་མྤ་ནྣཱ, པ་ཉྩ་ཀ་པྤ་ས་ཏེ ཨི་ཏོ.
༣༩. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨེ་ཀཱ་ས་ནི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨེ་ཀཱ་ས་ནི་ཡ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. སུ་ཝ་ཎྞ་པུ་པྥི་ཡ་ཏྠེ་ར་ཨ་པ་དཱ་ནཾ
༤༠. ‘‘ཝི་པ་སྶཱི ནཱ་མ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;
ནི་སི་ནྣོ ཛ་ན་ཀཱ་ཡ་སྶ, དེ་སེ་སི ཨ་མ་ཏཾ པ་དཾ.
༤༡. ‘‘ཏ་སྶཱ་ཧཾ དྷ་མྨཾ སུ་ཏྭཱ་ན, དྭི་པ་དི་ནྡ་སྶ ཏཱ་དི་ནོ;
སོ་ཎྞ་པུ་པྥཱ་ནི ཙ་ཏྟཱ་རི, བུ་དྡྷ་སྶ ཨ་བྷི་རོ་པ་ཡིཾ.
༤༢. ‘‘སུ་ཝ་ཎྞ་ཙྪ་ད་ནཾ ཨཱ་སི, ཡཱ་ཝ་ཏཱ པ་རི་སཱ ཏ་དཱ;
བུ་དྡྷཱ་བྷཱ ཙ སུ་ཝ་ཎྞཱ་བྷཱ, ཨཱ་ལོ་ཀོ ཝི་པུ་ལོ ཨ་ཧུ.
༤༣. ‘‘ཨུ་ད་གྒ་ཙི་ཏྟོ སུ་མ་ནོ, ཝེ་ད་ཛཱ་ཏོ ཀ་ཏ་ཉྫ་ལཱི;
ཝི་ཏྟི་ས་ཉྫ་ན་ནོ ཏེ་སཾ, དི་ཊྛ་དྷ་མྨ་སུ་ཁཱ་ཝ་ཧོ.
༤༤. ‘‘ཨཱ་ཡཱ་ཙི་ཏྭཱ་ན ས་མྦུ་དྡྷཾ, ཝ་ནྡི་ཏྭཱ་ན ཙ སུ་བྦ་ཏཾ;
པཱ་མོ་ཛྫཾ ཛ་ན་ཡི་ཏྭཱ་ན, ས་ཀཾ བྷ་ཝ་ནུ་པཱ་ག་མིཾ.
༤༥. ‘‘བྷ་ཝ་ནེ ཨུ་པ་ཝི་ཊྛོ་ཧཾ, བུ་དྡྷ་སེ་ཊྛཾ ཨ་ནུ་སྶ་རིཾ;
ཏེ་ན ཙི་ཏྟ་པྤ་སཱ་དེ་ན, ཏུ་སི་ཏཾ ཨུ་པ་པ་ཛྫ་ཧཾ.
༤༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༤༧. ‘‘སོ་ལ༹་སཱ་སིཾ་སུ རཱ་ཛཱ་ནོ, ནེ་མི་ས་མྨ་ཏ་ནཱ་མ་ཀཱ;
ཏེ་ཏཱ་ལཱི་སེ ཨི་ཏོ ཀ་པྤེ, ཙ་ཀྐ་ཝ་ཏྟཱི མ་ཧ་བྦ་ལཱ.
༤༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ཝ་ཎྞ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ཝ་ཎྞ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཙི་ཏ་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༤༩. ‘‘ཝ་སཱ་མི རཱ་ཛཱ་ཡ་ཏ་ནེ, སཱ་མ་ཙྩོ ས་པ་རི་ཛྫ་ནོ;
པ་རི་ནི་བྦུ་ཏེ བྷ་ག་ཝ་ཏི, སི་ཁི་ནོ ལོ་ཀ་བ་ནྡྷུ་ནོ.
༥༠. ‘‘པ་ས་ནྣ་ཙི་ཏྟོ སུ་མ་ནོ, ཙི་ཏ་ཀཾ ཨ་ག་མཱ་ས་ཧཾ;
ཏཱུ་རི་ཡཾ ཏ་ཏྠ ཝཱ་དེ་ཏྭཱ, ག་ནྡྷ་མཱ་ལཾ ས་མོ་ཀི་རིཾ.
༥༡. ‘‘ཙི་ཏ་མྷི པཱུ་ཛཾ ཀ་ཏྭཱ་ན, ཝ་ནྡི་ཏྭཱ ཙི་ཏ་ཀཾ ཨ་ཧཾ;
པ་ས་ནྣ་ཙི་ཏྟོ སུ་མ་ནོ, ས་ཀཾ བྷ་ཝ་ནུ་པཱ་ག་མིཾ.
༥༢. ‘‘བྷ་ཝ་ནེ ཨུ་པ་ཝི་ཊྛོ་ཧཾ, ཙི་ཏ་པཱུ་ཛཾ ཨ་ནུ་སྶ་རིཾ;
ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ.
༥༣. ‘‘ཨ་ནུ་བྷོ་ཏྭཱ་ན ས་མྤ་ཏྟིཾ, དེ་ཝེ་སུ མཱ་ནུ་སེ་སུ ཙ;
པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.
༥༤. ‘‘ཨེ་ཀ་ཏྟིཾ་སེ ཨི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཙི་ཏ་པཱུ་ཛཱ་ཡི་དཾ ཕ་ལཾ.
༥༥. ‘‘ཨེ་ཀཱུ་ན་ཏིཾ་ས་ཀ་པྤ་མྷི, ཨི་ཏོ སོ་ལ༹་ས རཱ་ཛཱ་ནོ;
ཨུ་གྒ་ཏཱ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལཱ.
༥༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཙི་ཏ་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཙི་ཏ་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. བུ་དྡྷ་ས་ཉྙ་ཀ་ཏྠེ་ར་ཨ་པ་དཱ་ནཾ
༥༧. ‘‘ཡ་དཱ ཝི་པ་སྶཱི ལོ་ཀ་གྒོ, ཨཱ་ཡུ་ས་ངྑཱ་ར་མོ་སྶ་ཛི;
པ་ཐ་ཝཱི ས་མྤ་ཀ་མྤི་ཏྠ, མེ་ད་ནཱི ཛ་ལ་མེ་ཁ་ལཱ.
༥༨. ‘‘ཨོ་ཏ་ཏཾ ཝི་ཏྠ་ཏཾ [ཨོ་ཏ་ཏཾ ཝི་ཏ་ཏཾ (སྱཱ.)] མ་ཡ྄ཧཾ, སུ་ཝི་ཙི་ཏྟ་ཝ་ཊཾ་ས་ཀཾ [སུ་ཙི་ཙི་ཏྟཾ པ་པ་ཉྩ་ཀཾ (སྱཱ.)];
བྷ་ཝ་ན་མྤི པ་ཀ་མྤི་ཏྠ, བུ་དྡྷ་སྶ ཨཱ་ཡུ་ས་ངྑ་ཡེ.
༥༩. ‘‘ཏཱ་སོ མ་ཡ྄ཧཾ ས་མུ་པྤ་ནྣོ, བྷ་ཝ་ནེ ས་མྤ་ཀ་མྤི་ཏེ;
ཨུ་པྤཱ་དོ [ཨུ་པྤཱ་ཏོ (?)] ནུ ཀི་མ་ཏྠཱ་ཡ, ཨཱ་ལོ་ཀོ ཝི་པུ་ལོ ཨ་ཧུ.
༦༠. ‘‘ཝེ་སྶ་ཝ་ཎོ ཨི་དྷཱ་ག་མྨ, ནི་བྦཱ་པེ་སི མ་ཧཱ་ཛ་ནཾ;
པཱ་ཎ་བྷཱུ་ཏེ [པཱ་ཎ་བྷུ་ཏཾ (སྱཱ.), པཱ་ཎ་བྷཱུ་ནཾ (སཱི. ཀ.)] བྷ་ཡཾ ན་ཏྠི, ཨེ་ཀ་གྒཱ ཧོ་ཐ སཾ་ཝུ་ཏཱ [ས་གཱ་ར་ཝཱ (སྱཱ.)].
༦༡. ‘‘ཨ་ཧོ བུ་དྡྷོ ཨ་ཧོ དྷ་མྨོ, ཨ་ཧོ ནོ ས་ཏྠུ ས་མྤ་དཱ;
ཡ་སྨིཾ ཨུ་པྤ་ཛྫ་མཱ་ན་མྷི, པ་ཐ་ཝཱི [པ་ཋ་ཝཱི (སཱི. སྱཱ.)] ས་མྤ་ཀ་མྤ་ཏི.
༦༢. ‘‘བུ་དྡྷཱ་ནུ་བྷཱ་ཝཾ ཀི་ཏྟེ་ཏྭཱ, ཀ་པྤཾ ས་གྒ་མྷི མོ་ད་ཧཾ;
ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཙ་རི་ཏཾ [ཀ་རི་ཏཾ (སཱི. སྱཱ.), ཀཱ་རི་ཏཾ (ཀ.)] མ་ཡཱ.
༦༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ ས་ཉྙ་མ་ལ་བྷིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་ས་ཉྙཱ་ཡི་དཾ ཕ་ལཾ.
༦༤. ‘‘ཨི་ཏོ ཙུ་དྡ་ས་ཀ་པྤ་མྷི, རཱ་ཛཱ ཨཱ་སིཾ པ་ཏཱ་པ་ཝཱ;
ས་མི་ཏོ ནཱ་མ ནཱ་མེ་ན, ཙ་ཀྐ་ཝ་ཏྟཱི མ་ཧ་བྦ་ལོ.
༦༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བུ་དྡྷ་ས་ཉྙ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བུ་དྡྷ་ས་ཉྙ་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. མ་གྒ་ས་ཉྙ་ཀ་ཏྠེ་ར་ཨ་པ་དཱ་ནཾ
༦༦. ‘‘པ་དུ་མུ་ཏྟ་ར་བུ་དྡྷ་སྶ, སཱ་ཝ་ཀཱ ཝ་ན་ཙཱ་རི་ནོ;
ཝི་པྤ་ན་ཊྛཱ བྲ་ཧཱ་ར་ཉྙེ, ཨ་ནྡྷཱ་ཝ ཨ་ནུ་སུ་ཡྻ་རེ [ཨ་ནུ་སུ་ཡ་རེ (སཱི.)].
༦༧. ‘‘ཨ་ནུ་སྶ་རི་ཏྭཱ ས་མྦུ་དྡྷཾ, པ་དུ་མུ་ཏྟ་ར་ནཱ་ཡ་ཀཾ;