༥. སུ་ཝ་ཎྞ་པུ་པྥི་ཡ་ཏྠེ་ར་ཨ་པ་དཱ་ནཾ

༤༠. ‘‘ཝི་པ་སྶཱི ནཱ་མ བྷ་ག་ཝཱ, ལོ་ཀ་ཛེ་ཊྛོ ན་རཱ་ས་བྷོ;

ནི་སི་ནྣོ ཛ་ན་ཀཱ་ཡ་སྶ, དེ་སེ་སི ཨ་མ་ཏཾ པ་དཾ.

༤༡. ‘‘ཏ་སྶཱ་ཧཾ དྷ་མྨཾ སུ་ཏྭཱ་ན, དྭི་པ་དི་ནྡ་སྶ ཏཱ་དི་ནོ;

སོ་ཎྞ་པུ་པྥཱ་ནི ཙ་ཏྟཱ་རི, བུ་དྡྷ་སྶ ཨ་བྷི་རོ་པ་ཡིཾ.

༤༢. ‘‘སུ་ཝ་ཎྞ་ཙྪ་ད་ནཾ ཨཱ་སི, ཡཱ་ཝ་ཏཱ པ་རི་སཱ ཏ་དཱ;

བུ་དྡྷཱ་བྷཱ ཙ སུ་ཝ་ཎྞཱ་བྷཱ, ཨཱ་ལོ་ཀོ ཝི་པུ་ལོ ཨ་ཧུ.

༤༣. ‘‘ཨུ་ད་གྒ་ཙི་ཏྟོ སུ་མ་ནོ, ཝེ་ད་ཛཱ་ཏོ ཀ་ཏ་ཉྫ་ལཱི;

ཝི་ཏྟི་ས་ཉྫ་ན་ནོ ཏེ་སཾ, དི་ཊྛ་དྷ་མྨ་སུ་ཁཱ་ཝ་ཧོ.

༤༤. ‘‘ཨཱ་ཡཱ་ཙི་ཏྭཱ་ན ས་མྦུ་དྡྷཾ, ཝ་ནྡི་ཏྭཱ་ན ཙ སུ་བྦ་ཏཾ;

པཱ་མོ་ཛྫཾ ཛ་ན་ཡི་ཏྭཱ་ན, ས་ཀཾ བྷ་ཝ་ནུ་པཱ་ག་མིཾ.

༤༥. ‘‘བྷ་ཝ་ནེ ཨུ་པ་ཝི་ཊྛོ་ཧཾ, བུ་དྡྷ་སེ་ཊྛཾ ཨ་ནུ་སྶ་རིཾ;

ཏེ་ན ཙི་ཏྟ་པྤ་སཱ་དེ་ན, ཏུ་སི་ཏཾ ཨུ་པ་པ་ཛྫ་ཧཾ.

༤༦. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༤༧. ‘‘སོ་ལ༹་སཱ་སིཾ་སུ རཱ་ཛཱ་ནོ, ནེ་མི་ས་མྨ་ཏ་ནཱ་མ་ཀཱ;

ཏེ་ཏཱ་ལཱི་སེ ཨི་ཏོ ཀ་པྤེ, ཙ་ཀྐ་ཝ་ཏྟཱི མ་ཧ་བྦ་ལཱ.

༤༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ སུ་ཝ་ཎྞ་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

སུ་ཝ་ཎྞ་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.