༥. མུ་ཊྛི་པུ་པྥི་ཡ་ཏྠེ་ར་ཨ་པ་དཱ་ནཾ
༢༤. ‘‘སུ་ད་སྶ་ནོ་ཏི ནཱ་མེ་ན, མཱ་ལཱ་ཀཱ་རོ ཨ་ཧཾ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ལོ་ཀ་ཛེ་ཊྛཾ ན་རཱ་ས་བྷཾ.
༢༥. ‘‘ཛཱ་ཏི་པུ་པྥཾ ག་ཧེ་ཏྭཱ་ན, པཱུ་ཛ་ཡིཾ པ་དུ་མུ་ཏྟ་རཾ;
ཝི་སུ་དྡྷ་ཙ་ཀྑུ སུ་མ་ནོ, དི་བྦ་ཙ་ཀྑུཾ ས་མ་ཛ྄ཛྷ་གཾ.
༢༦. ‘‘ཨེ་ཏི་སྶཱ པུ་པྥ་པཱུ་ཛཱ་ཡ, ཙི་ཏྟ་སྶ པ་ཎི་དྷཱི་ཧི ཙ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༢༧. ‘‘སོ་ལ༹་སཱ་སིཾ་སུ རཱ་ཛཱ་ནོ, དེ་ཝུ་ཏྟ་ར་ས་ནཱ་མ་ཀཱ;
ཚ་ཏྟིཾ་ས་མྷི ཨི་ཏོ ཀ་པྤེ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མུ་ཊྛི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མུ་ཊྛི་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.