༡༡. བྷི་ཀྑ་དཱ་ཡི་ཝ་གྒོ
༡. བྷི་ཀྑ་དཱ་ཡ་ཀ་ཏྠེ་ར་ཨ་པ་དཱ་ནཾ
༡. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ཨཱ་ཧུ་ཏཱི་ནཾ པ་ཊི་གྒ་ཧཾ;
པ་ཝ་རཱ [པ་ཝ་ནཱ (སྱཱ.)] ཨ་བྷི་ནི་ཀྑ་ནྟཾ, ཝ་ནཱ ནི་བྦ་ན་མཱ་ག་ཏཾ [ཝཱ་ནཱ ནི་བྦཱ་ན་མཱ་ག་ཏཾ (སྱཱ.)].
༢. ‘‘ཀ་ཊ་ཙྪུ་བྷི་ཀྑཾ པཱ་དཱ་སིཾ, སི་དྡྷ་ཏྠ་སྶ མ་ཧེ་སི་ནོ;
པ་ཉྙཱ་ཡ ཨུ་པ་ས་ནྟ་སྶ, མ་ཧཱ་ཝཱི་ར་སྶ ཏཱ་དི་ནོ.
༣. ‘‘པ་དེ་ནཱ་ནུ་པ་དཱ་ཡ་ནྟཾ [པ་དེ་ནཱ་ནུ་པ་དཱ་ཡ་ནྟོ (སཱི. སྱཱ.)], ནི་བྦཱ་པེ་ནྟེ མ་ཧཱ་ཛ་ནཾ;
ཨུ་ལཱ༹་རཱ ཝི་ཏྟི མེ ཛཱ་ཏཱ, བུ་དྡྷེ ཨཱ་དི་ཙྩ་བ་ནྡྷུ་ནེ [ཝི་ཏྟི མེ པཱ་ཧུ་ནཱ ཏཱ་ཝ, བུ་དྡྷ་སྶཱ་དི་ཙྩ་བ་ནྡྷུ་ནོ (སྱཱ.)].
༤. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, བྷི་ཀྑཱ་དཱ་ན་སྶི་དཾ ཕ་ལཾ.
༥. ‘‘ས་ཏྟཱ་སཱི་ཏི་མྷི་ཏོ ཀ་པྤེ, མ་ཧཱ་རེ་ཎུ ས་ནཱ་མ་ཀཱ;
ས་ཏྟ་ར་ཏ་ན་ས་མྤ་ནྣཱ, ས་ཏྟེ་ཏེ ཙ་ཀྐ་ཝ་ཏྟི་ནོ.
༦. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བྷི་ཀྑ་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བྷི་ཀྑ་དཱ་ཡ་ཀ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. ཉཱ་ཎ་ས་ཉྙི་ཀ་ཏྠེ་ར་ཨ་པ་དཱ་ནཾ
༧. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ནི་ས་བྷཱ་ཛཱ་ནི་ཡཾ ཡ་ཐཱ;
ཏི་དྷཱ་པ་བྷི་ནྣཾ མཱ་ཏ་ངྒཾ, ཀུ་ཉྫ་རཾ་ཝ མ་ཧེ་སི་ནཾ.
༨. ‘‘ཨོ་བྷཱ་སེ་ནྟཾ དི་སཱ ས་བྦཱ, ཨུ་ལུ༹་རཱ་ཛཾ་ཝ པཱུ་རི་ཏཾ;
ར་ཐི་ཡཾ པ་ཊི་པ་ཛྫ་ནྟཾ, ལོ་ཀ་ཛེ་ཊྛཾ ཨ་པ་སྶ་ཧཾ.
༩. ‘‘ཉཱ་ཎེ ཙི་ཏྟཾ པ་སཱ་དེ་ཏྭཱ, པ་གྒ་ཧེ་ཏྭཱ་ན ཨ་ཉྫ་ལིཾ;
པ་ས་ནྣ་ཙི་ཏྟོ སུ་མ་ནོ, སི་དྡྷ་ཏྠ་མ་བྷི་ཝཱ་ད་ཡིཾ.
༡༠. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, ཉཱ་ཎ་ས་ཉྙཱ་ཡི་དཾ ཕ་ལཾ.
༡༡. ‘‘ཏེ་ས་ཏྟ་ཏི་མྷི་ཏོ ཀ་པྤེ, སོ་ལ༹་སཱ་སུཾ ན་རུ་ཏྟ་མཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༡༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཉཱ་ཎ་ས་ཉྙི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཉཱ་ཎ་ས་ཉྙི་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཨུ་པྤ་ལ་ཧ་ཏྠི་ཡ་ཏྠེ་ར་ཨ་པ་དཱ་ནཾ
༡༣. ‘‘ཏི་ཝ་རཱ་ཡཾ ནི་ཝཱ་སཱི་ཧཾ, ཨ་ཧོ་སིཾ མཱ་ལི་ཀོ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, སི་དྡྷ་ཏྠཾ ལོ་ཀ་པཱུ་ཛི་ཏཾ [ལོ་ཀ་ནཱ་ཡ་ཀཾ (སཱི.)].
༡༤. ‘‘པ་ས་ནྣ་ཙི་ཏྟོ སུ་མ་ནོ, པུ་པྥ་ཧ་ཏྠ་མ་དཱ་ས་ཧཾ;
ཡ་ཏྠ ཡ་ཏྠུ་པ་པ་ཛྫཱ་མི, ཏ་སྶ ཀ་མྨ་སྶ ཝཱ་ཧ་སཱ.
༡༥. ‘‘ཨ་ནུ་བྷོ་མི ཕ་ལཾ ཨི་ཊྛཾ, པུ་བྦེ སུ་ཀ་ཏ་མ་ཏྟ་ནོ;
པ་རི་ཀྑི་ཏྟོ སུ་མ་ལླེ་ཧི, པུ་པྥ་དཱ་ན་སྶི་དཾ ཕ་ལཾ.
༡༦. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ [བུ་དྡྷ་པཱུ་ཛཱ་ཡི་དཾ (སཱི.)] ཕ་ལཾ.
༡༧. ‘‘ཙ་ཏུ་ནྣ་ཝུ་ཏུ་པཱ་དཱ་ཡ, ཋ་པེ་ཏྭཱ ཝ་ཏྟ་མཱ་ན་ཀཾ;
པ་ཉྩ་རཱ་ཛ་ས་ཏཱ ཏ་ཏྠ, ན་ཛྫ་ས་མ་ས་ནཱ་མ་ཀཱ [ན་ཛྫུ་པ་མ་ས་ནཱ་མ་ཀཱ (སཱི. སྱཱ.)].
༡༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་པྤ་ལ་ཧ་ཏྠི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་པྤ་ལ་ཧ་ཏྠི་ཡ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. པ་ད་པཱུ་ཛ་ཀ་ཏྠེ་ར་ཨ་པ་དཱ་ནཾ
༡༩. ‘‘སི་དྡྷ་ཏྠ་སྶ བྷ་ག་ཝ་ཏོ, ཛཱ་ཏི་པུ་པྥ་མ་དཱ་ས་ཧཾ;
པཱ་དེ་སུ ས་ཏྟ པུ་པྥཱ་ནི, ཧཱ་སེ་ནོ་ཀི་རི་ཏཱ་ནི མེ.
༢༠. ‘‘ཏེ་ན ཀ་མྨེ་ན་ཧཾ ཨ་ཛྫ, ཨ་བྷི་བྷོ་མི ན་རཱ་མ་རེ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༢༡. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ པུ་པྥ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, པུ་པྥ་པཱུ་ཛཱ་ཡི་དཾ ཕ་ལཾ.
༢༢. ‘‘ས་མ་ནྟ་ག་ནྡྷ་ནཱ་མཱ་སུཾ, ཏེ་ར་ས ཙ་ཀྐ་ཝ་ཏྟི་ནོ;
ཨི་ཏོ པ་ཉྩ་མ་ཀེ ཀ་པྤེ, ཙཱ་ཏུ་ར་ནྟཱ ཛ་ནཱ་དྷི་པཱ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ པ་ད་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
པ་ད་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. མུ་ཊྛི་པུ་པྥི་ཡ་ཏྠེ་ར་ཨ་པ་དཱ་ནཾ
༢༤. ‘‘སུ་ད་སྶ་ནོ་ཏི ནཱ་མེ་ན, མཱ་ལཱ་ཀཱ་རོ ཨ་ཧཾ ཏ་དཱ;
ཨ་དྡ་སཾ ཝི་ར་ཛཾ བུ་དྡྷཾ, ལོ་ཀ་ཛེ་ཊྛཾ ན་རཱ་ས་བྷཾ.
༢༥. ‘‘ཛཱ་ཏི་པུ་པྥཾ ག་ཧེ་ཏྭཱ་ན, པཱུ་ཛ་ཡིཾ པ་དུ་མུ་ཏྟ་རཾ;
ཝི་སུ་དྡྷ་ཙ་ཀྑུ སུ་མ་ནོ, དི་བྦ་ཙ་ཀྑུཾ ས་མ་ཛ྄ཛྷ་གཾ.
༢༦. ‘‘ཨེ་ཏི་སྶཱ པུ་པྥ་པཱུ་ཛཱ་ཡ, ཙི་ཏྟ་སྶ པ་ཎི་དྷཱི་ཧི ཙ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་ཧཾ.
༢༧. ‘‘སོ་ལ༹་སཱ་སིཾ་སུ རཱ་ཛཱ་ནོ, དེ་ཝུ་ཏྟ་ར་ས་ནཱ་མ་ཀཱ;
ཚ་ཏྟིཾ་ས་མྷི ཨི་ཏོ ཀ་པྤེ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མུ་ཊྛི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མུ་ཊྛི་པུ་པྥི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཨུ་ད་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༩. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ག་ཙྪ་ནྟཾ ཨ་ནི་ལ་ཉྫ་སེ;
གྷ་ཏཱ་ས་ནཾ་ཝ ཛ་ལི་ཏཾ, ཨཱ་དི་ཏྟཾ་ཝ ཧུ་ཏཱ་ས་ནཾ.
༣༠. ‘‘པཱ་ཎི་ནཱ ཨུ་ད་ཀཾ ག་ཡ྄ཧ, ཨཱ་ཀཱ་སེ ཨུ་ཀྑི་པིཾ ཨ་ཧཾ;
ས་མྤ་ཊི་ཙྪི མ་ཧཱ་ཝཱི་རོ, བུ་དྡྷོ ཀཱ་རུ་ཎི་ཀོ ཨི་སི [མ་ཡི (སྱཱ.)].
༣༡. ‘‘ཨ་ནྟ་ལི་ཀྑེ ཋི་ཏོ ས་ཏྠཱ, པ་དུ་མུ་ཏྟ་ར་ནཱ་མ་ཀོ;
མ་མ ས་ངྐ་པྤ་མ་ཉྙཱ་ཡ, ཨི་མཾ གཱ་ཐཾ ཨ་བྷཱ་ས་ཐ.
༣༢. ‘‘‘ཨི་མི་ནཱ ད་ཀ་དཱ་ནེ་ན, པཱི་ཏི་ཨུ་པྤཱ་ད་ནེ་ན ཙ;
ཀ་པྤ་ས་ཏ་ས་ཧ་སྶ་མྤི, དུ་གྒ་ཏིཾ ནུ་པ་པ་ཛྫ་ཏི’ [ནུ་པ་པ་ཛྫ་སི (ཀ.)].
༣༣. ‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.
༣༤. ‘‘ས་ཧ་སྶ་རཱ་ཛ་ནཱ་མེ་ན, ཏ་ཡོ ཏེ ཙ་ཀྐ་ཝ་ཏྟི་ནོ;
པ་ཉྩ་ས་ཊྛི་ཀ་པྤ་ས་ཏེ, ཙཱ་ཏུ་ར་ནྟཱ ཛ་ནཱ་དྷི་པཱ.
༣༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་ད་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ད་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. ན་ལ༹་མཱ་ལི་ཡ་ཏྠེ་ར་ཨ་པ་དཱ་ནཾ
༣༦. ‘‘པ་དུ་མུ་ཏྟ་ར་བུ་དྡྷ་སྶ, ལོ་ཀ་ཛེ་ཊྛ་སྶ ཏཱ་དི་ནོ;
ཏི་ཎ་ཏྠ་རེ ནི་སི་ནྣ་སྶ, ཨུ་པ་ས་ནྟ་སྶ ཏཱ་དི་ནོ.
༣༧. ‘‘ན་ལ༹་མཱ་ལཾ ག་ཧེ་ཏྭཱ་ན, བ་ནྡྷི་ཏྭཱ [བཱི་ཛི་ཏྭཱ (ཀ.)] བཱི་ཛ་ནིཾ ཨ་ཧཾ;
བུ་དྡྷ་སྶ ཨུ་པ་ནཱ་མེ་སིཾ, དྭི་པ་དི་ནྡ་སྶ ཏཱ་དི་ནོ.
༣༨. ‘‘པ་ཊི་གྒ་ཧེ་ཏྭཱ ས་བྦ་ཉྙཱུ, བཱི་ཛ་ནིཾ ལོ་ཀ་ནཱ་ཡ་ཀོ;
མ་མ ས་ངྐ་པྤ་མ་ཉྙཱ་ཡ, ཨི་མཾ གཱ་ཐཾ ཨ་བྷཱ་ས་ཐ.
༣༩. ‘‘‘ཡ་ཐཱ མེ ཀཱ་ཡོ ནི་བྦཱ་ཏི, པ་རི་ལཱ༹་ཧོ ན ཝི་ཛྫ་ཏི;
ཏ་ཐེ་ཝ ཏི་ཝི་དྷ་གྒཱི་ཧི, ཙི་ཏྟཾ ཏ་ཝ ཝི་མུ་ཙྩ་ཏུ’.
༤༠. ‘‘ས་བྦེ དེ་ཝཱ ས་མཱ་ག་ཙྪུཾ, ཡེ ཀེ་ཙི ཝ་ན་ནི་སྶི་ཏཱ;
སོ་སྶཱ་མ བུ་དྡྷ་ཝ་ཙ་ནཾ, ཧཱ་ས་ཡ་ནྟ་ཉྩ དཱ་ཡ་ཀཾ.
༤༡. ‘‘ནི་སི་ནྣོ བྷ་ག་ཝཱ ཏ་ཏྠ, དེ་ཝ་ས་ངྒྷ་པུ་ར་ཀྑ་ཏོ;
དཱ་ཡ་ཀཾ ས་མྤ་ཧཾ་སེ་ནྟོ, ཨི་མཱ གཱ་ཐཱ ཨ་བྷཱ་ས་ཐ.
༤༢. ‘‘‘ཨི་མི་ནཱ བཱི་ཛ་ནི་དཱ་ནེ་ན, ཙི་ཏྟ་སྶ པ་ཎི་དྷཱི་ཧི ཙ;
སུ་བྦ་ཏོ ནཱ་མ ནཱ་མེ་ན, ཙ་ཀྐ་ཝ་ཏྟཱི བྷ་ཝི་སྶ་ཏི.
༤༣. ‘‘‘ཏེ་ན ཀ་མྨཱ་ཝ་སེ་སེ་ན, སུ་ཀྐ་མཱུ་ལེ་ན ཙོ་དི་ཏོ;
མཱ་ལུ་ཏོ ནཱ་མ ནཱ་མེ་ན, ཙ་ཀྐ་ཝ་ཏྟཱི བྷ་ཝི་སྶ་ཏི’.
༤༤. ‘‘‘ཨི་མི་ནཱ བཱི་ཛ་ནི་དཱ་ནེ་ན, ས་མྨཱ་ན་ཝི་པུ་ལེ་ན ཙ;
ཀ་པྤ་ས་ཏ་ས་ཧ་སྶ་མྤི, དུ་གྒ་ཏིཾ ནུ་པ་པ་ཛྫ་ཏི.
༤༥. ‘‘ཏིཾ་ས་ཀ་པྤ་ས་ཧ་སྶ་མྷི, སུ་བྦ་ཏཱ ཨ་ཊྛ་ཏིཾ་ས ཏེ;
ཨེ་ཀཱུ་ན་ཏིཾ་ས་ས་ཧ་སྶེ, ཨ་ཊྛ མཱ་ལུ་ཏ་ནཱ་མ་ཀཱ.
༤༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ན་ལ༹་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ན་ལ༹་མཱ་ལི་ཡ་ཏྠེ་ར་སྶཱ་པ་དཱ་ནཾ ས་ཏྟ་མཾ.
ས་ཏྟ་མ་བྷཱ་ཎ་ཝཱ་རཾ.
༨. ཨཱ་ས་ནུ་པ་ཊྛཱ་ཧ་ཀ་ཏྠེ་ར་ཨ་པ་དཱ་ནཾ
༤༧. ‘‘ཀཱ་ན་ནཾ ཝ་ན་མོ་ག་ཡ྄ཧ, ཨ་པྤ་ས་དྡཾ ནི་རཱ་ཀུ་ལཾ;
སཱི་ཧཱ་ས་ནཾ མ་ཡཱ དི་ནྣཾ, ཨ་ཏྠ་ད་སྶི་སྶ ཏཱ་དི་ནོ.
༤༨. ‘‘མཱ་ལཱ་ཧ་ཏྠཾ ག་ཧེ་ཏྭཱ་ན, ཀ་ཏྭཱ ཙ ནཾ པ་ད་ཀྑི་ཎཾ;
ས་ཏྠཱ་རཾ པ་ཡི་རུ་པཱ་སི་ཏྭཱ, པ་ཀྐཱ་མིཾ ཨུ་ཏྟ་རཱ་མུ་ཁོ.
༤༩. ‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
ས་ནྣི་བྦཱ་པེ་མི [ས་ནྡི་ཊྛཱ་པེ་མི (ཀ.)] ཨ་ཏྟཱ་ནཾ, བྷ་ཝཱ ས་བྦེ ས་མཱུ་ཧ་ཏཱ.
༥༠. ‘‘ཨ་ཊྛཱ་ར་ས་ཀ་པྤ་ས་ཏེ, ཡཾ དཱ་ན་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, སཱི་ཧཱ་ས་ན་སྶི་དཾ ཕ་ལཾ.
༥༡. ‘‘ཨི་ཏོ ས་ཏྟ་ཀ་པྤ་ས་ཏེ, ས་ནྣི་བྦཱ་པ་ཀ [ས་ནྣི་ཊྛོ ནཱ་མ (ཀ.)] ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༢. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨཱ་ས་ནུ་པ་ཊྛཱ་ཧ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨཱ་ས་ནུ་པ་ཊྛཱ་ཧ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. བི་ལཱ༹་ལི་དཱ་ཡ་ཀ་ཏྠེ་ར་ཨ་པ་དཱ་ནཾ
༥༣. ‘‘ཧི་མ་ཝ་ནྟ་སྶཱ་ཝི་དཱུ་རེ, ཝ་སཱ་མི པ་ཎྞ་ས་ནྠ་རེ;
གྷཱ་སེ་སུ གེ་དྷ་མཱ་པ་ནྣོ, སེ་ཡྻ་སཱི་ལོ ཙ་ཧཾ [སེ་ཡ་སཱི་ལོ་ཝ་ཧཾ (སྱཱ. ཀ.)] ཏ་དཱ.
༥༤. ‘‘ཁ་ཎ་ནྟཱ་ལུ [ཁ་ཎ་མཱ་ལུ (སྱཱ.)] ཀ་ལ་མྦཱ་ནི, བི་ལཱ༹་ལི་ཏ་ཀྐ་ལཱ་ནི ཙ;
ཀོ་ལཾ བྷ་ལླཱ་ཏ་ཀཾ བི་ལླཾ, ཨཱ་ཧ་ཏྭཱ པ་ཊི་ཡཱ་དི་ཏཾ.
༥༥. ‘‘པ་དུ་མུ་ཏྟ་རོ ལོ་ཀ་ཝི་དཱུ, ཨཱ་ཧུ་ཏཱི་ནཾ པ་ཊི་གྒ་ཧོ;
མ་མ ས་ངྐ་པྤ་མ་ཉྙཱ་ཡ, ཨཱ་ག་ཙྪི མ་མ ས་ནྟི་ཀཾ.
༥༦. ‘‘ཨུ་པཱ་ག་ཏཾ མ་ཧཱ་ནཱ་གཾ, དེ་ཝ་དེ་ཝཾ ན་རཱ་ས་བྷཾ;
བི་ལཱ༹་ལིཾ པ་གྒ་ཧེ་ཏྭཱ་ན, པ་ཏྟ་མྷི ཨོ་ཀི་རིཾ ཨ་ཧཾ.
༥༧. ‘‘པ་རི་བྷུ་ཉྫི མ་ཧཱ་ཝཱི་རོ, ཏོ་ས་ཡ་ནྟོ མ་མཾ ཏ་དཱ;
པ་རི་བྷུ་ཉྫི་ཏྭཱ་ན ས་བྦ་ཉྙཱུ, ཨི་མཾ གཱ་ཐཾ ཨ་བྷཱ་ས་ཐ.
༥༨. ‘‘‘ས་ཀཾ ཙི་ཏྟཾ པ་སཱ་དེ་ཏྭཱ, བི་ལཱ༹་ལིཾ མེ ཨ་དཱ ཏུ་ཝཾ;
ཀ་པྤཱ་ནཾ ས་ཏ་ས་ཧ་སྶཾ, དུ་གྒ་ཏིཾ ནུ་པ་པ་ཛྫ་སི’.
༥༩. ‘‘ཙ་རི་མཾ ཝ་ཏྟ་ཏེ མ་ཡ྄ཧཾ, བྷ་ཝཱ ས་བྦེ ས་མཱུ་ཧ་ཏཱ;
དྷཱ་རེ་མི ཨ་ནྟི་མཾ དེ་ཧཾ, ས་མྨཱ་ས་མྦུ་དྡྷ་སཱ་ས་ནེ.
༦༠. ‘‘ཙ་ཏུ་པ་ཉྙཱ་སི་ཏོ ཀ་པྤེ, སུ་མེ་ཁ་ལི་ཡ་ས་ཝ྄ཧ་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༡. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བི་ལཱ༹་ལི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བི་ལཱ༹་ལི་དཱ་ཡ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. རེ་ཎུ་པཱུ་ཛ་ཀ་ཏྠེ་ར་ཨ་པ་དཱ་ནཾ
༦༢. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ས་ཏ་རཾ་སིཾ་ཝ བྷཱ་ཎུ་མཾ;
ཨོ་བྷཱ་སེ་ནྟཾ དི་སཱ ས་བྦཱ, ཨུ་ལུ༹་རཱ་ཛཾ་ཝ པཱུ་རི་ཏཾ.
༦༣. ‘‘པུ་ར་ཀྑ་ཏཾ སཱ་ཝ་ཀེ་ཧི, སཱ་ག་རེ་ཧེ་ཝ མེ་ད་ནིཾ;
ནཱ་གཾ པ་གྒ་ཡ྄ཧ རེ་ཎཱུ་ཧི, ཝི་པ་སྶི་སྶཱ་བྷི་རོ་པ་ཡིཾ.
༦༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ རེ་ཎུ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.