༦. ཨུ་ད་ཀ་པཱུ་ཛ་ཀ་ཏྠེ་ར་ཨ་པ་དཱ་ནཾ
༢༩. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ག་ཙྪ་ནྟཾ ཨ་ནི་ལ་ཉྫ་སེ;
གྷ་ཏཱ་ས་ནཾ་ཝ ཛ་ལི་ཏཾ, ཨཱ་དི་ཏྟཾ་ཝ ཧུ་ཏཱ་ས་ནཾ.
༣༠. ‘‘པཱ་ཎི་ནཱ ཨུ་ད་ཀཾ ག་ཡ྄ཧ, ཨཱ་ཀཱ་སེ ཨུ་ཀྑི་པིཾ ཨ་ཧཾ;
ས་མྤ་ཊི་ཙྪི མ་ཧཱ་ཝཱི་རོ, བུ་དྡྷོ ཀཱ་རུ་ཎི་ཀོ ཨི་སི [མ་ཡི (སྱཱ.)].
༣༡. ‘‘ཨ་ནྟ་ལི་ཀྑེ ཋི་ཏོ ས་ཏྠཱ, པ་དུ་མུ་ཏྟ་ར་ནཱ་མ་ཀོ;
མ་མ ས་ངྐ་པྤ་མ་ཉྙཱ་ཡ, ཨི་མཾ གཱ་ཐཾ ཨ་བྷཱ་ས་ཐ.
༣༢. ‘‘‘ཨི་མི་ནཱ ད་ཀ་དཱ་ནེ་ན, པཱི་ཏི་ཨུ་པྤཱ་ད་ནེ་ན ཙ;
ཀ་པྤ་ས་ཏ་ས་ཧ་སྶ་མྤི, དུ་གྒ་ཏིཾ ནུ་པ་པ་ཛྫ་ཏི’ [ནུ་པ་པ་ཛྫ་སི (ཀ.)].
༣༣. ‘‘ཏེ་ན ཀ་མྨེ་ན དྭི་པ་དི་ནྡ, ལོ་ཀ་ཛེ་ཊྛ ན་རཱ་ས་བྷ;
པ་ཏྟོ་མྷི ཨ་ཙ་ལཾ ཋཱ་ནཾ, ཧི་ཏྭཱ ཛ་ཡ་པ་རཱ་ཛ་ཡཾ.
༣༤. ‘‘ས་ཧ་སྶ་རཱ་ཛ་ནཱ་མེ་ན, ཏ་ཡོ ཏེ ཙ་ཀྐ་ཝ་ཏྟི་ནོ;
པ་ཉྩ་ས་ཊྛི་ཀ་པྤ་ས་ཏེ, ཙཱ་ཏུ་ར་ནྟཱ ཛ་ནཱ་དྷི་པཱ.
༣༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨུ་ད་ཀ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨུ་ད་ཀ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ཚ་ཊྛཾ.