༡༠. རེ་ཎུ་པཱུ་ཛ་ཀ་ཏྠེ་ར་ཨ་པ་དཱ་ནཾ
༦༢. ‘‘སུ་ཝ་ཎྞ་ཝ་ཎྞཾ ས་མྦུ་དྡྷཾ, ས་ཏ་རཾ་སིཾ་ཝ བྷཱ་ཎུ་མཾ;
ཨོ་བྷཱ་སེ་ནྟཾ དི་སཱ ས་བྦཱ, ཨུ་ལུ༹་རཱ་ཛཾ་ཝ པཱུ་རི་ཏཾ.
༦༣. ‘‘པུ་ར་ཀྑ་ཏཾ སཱ་ཝ་ཀེ་ཧི, སཱ་ག་རེ་ཧེ་ཝ མེ་ད་ནིཾ;
ནཱ་གཾ པ་གྒ་ཡ྄ཧ རེ་ཎཱུ་ཧི, ཝི་པ་སྶི་སྶཱ་བྷི་རོ་པ་ཡིཾ.
༦༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ རེ་ཎུ་མ་བྷི་རོ་པ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༦༥. ‘‘པ་ཎྞ་ཏཱ་ལཱི་སི་ཏོ ཀ་པྤེ, རེ་ཎུ ནཱ་མཱ་སི ཁ་ཏྟི་ཡོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༦༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ རེ་ཎུ་པཱུ་ཛ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
རེ་ཎུ་པཱུ་ཛ་ཀ་ཏྠེ་ར་སྶཱ་པ་དཱ་ནཾ ད་ས་མཾ.
བྷི་ཀྑ་དཱ་ཡི་ཝ་གྒོ ཨེ་ཀཱ་ད་ས་མོ.