༨. སེ་ནཱ་ས་ན་དཱ་ཡ་ཀ་ཏྠེ་ར་ཨ་པ་དཱ་ནཾ

༤༥. ‘‘སི་དྡྷ་ཏྠ་སྶ བྷ་ག་ཝ་ཏོ, ཨ་དཱ་སིཾ པ་ཎྞ་ས་ནྠ་རཾ;

ས་མ་ནྟཱ ཨུ་པ་ཧཱ་ར་ཉྩ, ཀུ་སུ་མཾ ཨོ་ཀི་རིཾ ཨ་ཧཾ.

༤༦. ‘‘པཱ་སཱ་དེ་ཝཾ གུ་ཎཾ ར་མྨཾ [པཱ་སཱ་དེ ཙ གུ་ཧཾ ར་མྨཾ (སྱཱ.)], ཨ་ནུ་བྷོ་མི མ་ཧཱ་ར་ཧཾ;

མ་ཧ་གྒྷཱ་ནི ཙ པུ་པྥཱ་ནི, ས་ཡ་ནེ་བྷི་ས་ཝ་ནྟི མེ.

༤༧. ‘‘ས་ཡ་ནེ་ཧཾ ཏུ་ཝ་ཊྚཱ་མི, ཝི་ཙི་ཏྟེ པུ་པྥ་ས་ནྠ་ཏེ;

པུ་པྥ་ཝུ་ཊྛི ཙ ས་ཡ་ནེ, ཨ་བྷི་ཝ་སྶ་ཏི ཏཱ་ཝ་དེ.

༤༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཨ་དཱ་སིཾ པ་ཎྞ་ས་ནྠ་རཾ;

དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.

༤༩. ‘‘ཏི་ཎ་ས་ནྠ་ར་ཀཱ ནཱ་མ, ས་ཏྟེ་ཏེ ཙ་ཀྐ་ཝ་ཏྟི་ནོ;

ཨི་ཏོ ཏེ པ་ཉྩ་མེ ཀ་པྤེ, ཨུ་པྤ་ཛྫིཾ་སུ ཛ་ནཱ་དྷི་པཱ.

༥༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ སེ་ནཱ་ས་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

སེ་ནཱ་ས་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.