༡༠. སུ་དྷཱ་ཝ་གྒོ
༡. སུ་དྷཱ་པི་ཎྜི་ཡ་ཏྠེ་ར་ཨ་པ་དཱ་ནཾ
༡. ‘‘པཱུ་ཛཱ་ར་ཧེ པཱུ་ཛ་ཡ་ཏོ, བུ་དྡྷེ ཡ་དི ཝ སཱ་ཝ་ཀེ;
པ་པ་ཉྩ་ས་མ་ཏི་ཀྐ་ནྟེ, ཏི་ཎྞ་སོ་ཀ་པ་རི་དྡ་ཝེ.
༢. ‘‘ཏེ ཏཱ་དི་སེ པཱུ་ཛ་ཡ་ཏོ, ནི་བྦུ་ཏེ ཨ་ཀུ་ཏོ་བྷ་ཡེ;
ན ས་ཀྐཱ པུ་ཉྙཾ ས་ངྑཱ་ཏུཾ, ཨི་མེ་ཏྟ་མ་པི [ཨི་ད་མྨ་ཏྟ་ནྟི (སཱི.), ཨི་མེ་ཏྠ་མ་པི (ཀ.)] ཀེ་ན་ཙི.
༣. ‘‘ཙ་ཏུ་ནྣ་མ་པི དཱི་པཱ་ནཾ, ཨི་སྶ་རཾ ཡོ་དྷ ཀཱ་ར་ཡེ;
ཨེ་ཀི་སྶཱ པཱུ་ཛ་ནཱ་ཡེ་ཏཾ, ཀ་ལཾ ནཱ་གྒྷ་ཏི སོ་ལ༹་སིཾ.
༤. ‘‘སི་དྡྷ་ཏྠ་སྶ ན་ར་གྒ་སྶ, ཙེ་ཏི་ཡེ ཕ་ལི་ཏ་ནྟ་རེ;
སུ་དྷཱ་པི་ཎྜོ མ་ཡཱ དི་ནྣོ, ཝི་པྤ་ས་ནྣེ་ན ཙེ་ཏ་སཱ.
༥. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ ཀ་མྨ་མ་ཀ་རིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པ་ཊི་ས་ངྑཱ་ར་སྶི་དཾ ཕ་ལཾ.
༦. ‘‘ཨི་ཏོ ཏིཾ་ས་ཏི་ཀ་པྤ་མྷི, པ་ཊི་ས་ངྑཱ་ར་ས་ཝ྄ཧ་ཡཱ;
ས་ཏྟ་ར་ཏ་ན་ས་མྤ་ནྣཱ, ཏེ་ར་ས ཙ་ཀྐ་ཝ་ཏྟི་ནོ.
༧. ‘‘པ་ཊི་ས་མྦྷི་དཱ ཙ་ཏ་སྶོ, ཝི་མོ་ཀྑཱ་པི ཙ ཨ་ཊྛི་མེ;
ཚ་ལ༹་བྷི་ཉྙཱ ས་ཙྪི་ཀ་ཏཱ, ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་དྷཱ་པི་ཎྜི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་དྷཱ་པི་ཎྜི་ཡ་ཏྠེ་ར་སྶཱ་པ་དཱ་ནཾ པ་ཋ་མཾ.
༢. སུ་ཙི་ནྟི་ཀ་ཏྠེ་ར་ཨ་པ་དཱ་ནཾ
༨. ‘‘ཏི་སྶ་སྶ ལོ་ཀ་ནཱ་ཐ་སྶ, སུ་དྡྷ་པཱི་ཋ་མ་དཱ་ས་ཧཾ;
ཧ་ཊྛོ ཧ་ཊྛེ་ན ཙི་ཏྟེ་ན, བུ་དྡྷ་སྶཱ་དི་ཙྩ་བ་ནྡྷུ་ནོ.
༩. ‘‘ཨ་ཊྛཱ་ར་སེ [ཨ་ཊྛ་ཏིཾ་སེ (སཱི. སྱཱ.)] ཨི་ཏོ ཀ་པྤེ, རཱ་ཛཱ ཨཱ་སིཾ མ་ཧཱ་རུ་ཙི;
བྷོ་གོ ཙ ཝི་པུ་ལོ ཨཱ་སི, ས་ཡ་ན་ཉྩ ཨ་ན་པྤ་ཀཾ.
༡༠. ‘‘པཱི་ཋཾ བུ་དྡྷ་སྶ ད་ཏྭཱ་ན, ཝི་པྤ་ས་ནྣེ་ན ཙེ་ཏ་སཱ;
ཨ་ནུ་བྷོ་མི ས་ཀཾ ཀ་མྨཾ, པུ་བྦེ སུ་ཀ་ཏ་མ་ཏྟ་ནོ.
༡༡. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ པཱི་ཋ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, པཱི་ཋ་དཱ་ན་སྶི་དཾ ཕ་ལཾ.
༡༢. ‘‘ཨ་ཊྛ་ཏིཾ་སེ ཨི་ཏོ ཀ་པྤེ, ཏ་ཡོ ཏེ ཙ་ཀྐ་ཝ་ཏྟི་ནོ;
རུ་ཙི ཨུ་པ་རུ་ཙི ཙེ་ཝ, མ་ཧཱ་རུ་ཙི ཏ་ཏི་ཡ་ཀོ.
༡༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སུ་ཙི་ནྟི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སུ་ཙི་ནྟི་ཀ་ཏྠེ་ར་སྶཱ་པ་དཱ་ནཾ དུ་ཏི་ཡཾ.
༣. ཨ་ཌྜྷ་ཙེ་ལ༹་ཀ་ཏྠེ་ར་ཨ་པ་དཱ་ནཾ
༡༤. ‘‘ཏི་སྶ་སྶཱ་ཧཾ བྷ་ག་ཝ་ཏོ, ཨུ་པ་ཌྜྷ་དུ་སྶ་མ་དཱ་ས་ཧཾ;
པ་ར་མ་ཀཱ་པ་ཉྙ་པ་ཏྟོ་མྷི [པ་ར་མ་ཀཱ་རུ་ཉྙ་པ་ཏྟོ་མྷི (སྱཱ. ཀ.)], དུ་གྒ་ཏེ་ན [དུ་གྒ་ནྡྷེ་ན (སཱི.)] ས་མ་པྤི་ཏོ.
༡༥. ‘‘ཨུ་པ་ཌྜྷ་དུ་སྶཾ ད་ཏྭཱ་ན, ཀ་པྤཾ ས་གྒ་མྷི མོ་ད་ཧཾ;
ཨ་ཝ་སེ་སེ་སུ ཀ་པྤེ་སུ, ཀུ་ས་ལཾ ཀཱ་རི་ཏཾ མ་ཡཱ.
༡༦. ‘‘དྭེ་ན་ཝུ་ཏེ ཨི་ཏོ ཀ་པྤེ, ཡཾ དུ་སྶ་མ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, དུ་སྶ་དཱ་ན་སྶི་དཾ ཕ་ལཾ.
༡༧. ‘‘ཨེ་ཀཱུ་ན་པ་ཉྙཱ་ས་ཀ་པྤ་མྷི [ཨེ་ཀ་པ་ཉྙཱ་ས་ཀ་པྤ་མྷི (སྱཱ.)], རཱ་ཛཱ་ནོ ཙ་ཀྐ་ཝ་ཏྟི་ནོ;
ས་མ་ནྟ་ཙྪ་ད་ནཱ ནཱ་མ, བཱ་ཏྟིཾ་སཱ་སུཾ [ཁ་ཏྟི་ཡཱ་སུཾ (སྱཱ. ཀ.)] ཛ་ནཱ་དྷི་པཱ.
༡༨. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཨ་ཌྜྷ་ཙེ་ལ༹་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཨ་ཌྜྷ་ཙེ་ལ༹་ཀ་ཏྠེ་ར་སྶཱ་པ་དཱ་ནཾ ཏ་ཏི་ཡཾ.
༤. སཱུ་ཙི་དཱ་ཡ་ཀ་ཏྠེ་ར་ཨ་པ་དཱ་ནཾ
༡༩. ‘‘ཀ་མྨཱ་རོ་ཧཾ པུ་རེ ཨཱ་སིཾ, བ་ནྡྷུ་མཱ་ཡཾ པུ་རུ་ཏྟ་མེ;
སཱུ་ཙི་དཱ་ནཾ མ་ཡཱ དི་ནྣཾ, ཝི་པ་སྶི་སྶ མ་ཧེ་སི་ནོ.
༢༠. ‘‘ཝ་ཛི་ར་གྒ་ས་མཾ ཉཱ་ཎཾ, ཧོ་ཏི ཀ་མྨེ་ན ཏཱ་དི་སཾ;
ཝི་རཱ་གོ་མྷི ཝི་མུ་ཏྟོ་མྷི [ཝི་བྷ་ཝོ་མྷི ཝི་བྷ་ཏྟོ་མྷི (ཀ.)], པ་ཏྟོ་མྷི ཨཱ་ས་ཝ་ཀྑ་ཡཾ.
༢༡. ‘‘ཨ་ཏཱི་ཏེ ཙ བྷ་ཝེ ས་བྦེ, ཝ་ཏྟ་མཱ་ནེ ཙ་ནཱ་ག་ཏེ [ཨ་ཏཱི་ཏཱ ཙ བྷ་ཝཱ ས་བྦེ, ཝ་ཏྟ་མཱ་ནཱ ཙ’ནཱ་ག་ཏཱ (སྱཱ. ཀ.)];
ཉཱ་ཎེ་ན ཝི་ཙི་ནིཾ ས་བྦཾ, སཱུ་ཙི་དཱ་ན་སྶི་དཾ ཕ་ལཾ.
༢༢. ‘‘ཨེ་ཀ་ན་ཝུ་ཏི་ཏོ ཀ་པྤེ, ས་ཏྟཱ་སུཾ ཝ་ཛི་ར་ཝ྄ཧ་ཡཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༢༣. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སཱུ་ཙི་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སཱུ་ཙི་དཱ་ཡ་ཀ་ཏྠེ་ར་སྶཱ་པ་དཱ་ནཾ ཙ་ཏུ་ཏྠཾ.
༥. ག་ནྡྷ་མཱ་ལི་ཡ་ཏྠེ་ར་ཨ་པ་དཱ་ནཾ
༢༤. ‘‘སི་དྡྷ་ཏྠ་སྶ བྷ་ག་ཝ་ཏོ, ག་ནྡྷ་ཐཱུ་པཾ ཨ་ཀཱ་ས་ཧཾ;
སུ་མ་ནེ་ཧི པ་ཊི་ཙྪ་ནྣཾ, བུ་དྡྷཱ་ནུ་ཙྪ་ཝི་ཀཾ ཀ་ཏཾ.
༢༥. ‘‘ཀ་ཉྩ་ན་གྒྷི་ཡ་ས་ངྐཱ་སཾ, བུ་དྡྷཾ ལོ་ཀ་གྒ་ནཱ་ཡ་ཀཾ;
ཨི་ནྡཱི་ཝ་རཾ་ཝ ཛ་ལི་ཏཾ, ཨཱ་དི་ཏྟཾ་ཝ ཧུ་ཏཱ་ས་ནཾ.
༢༦. ‘‘བྱ་གྒྷཱུ་ས་བྷཾ་ཝ པ་ཝ་རཾ, ཨ་བྷི་ཛཱ་ཏཾ་ཝ ཀེ་ས་རིཾ;
ནི་སི་ནྣཾ ས་མ་ཎཱ་ན་གྒཾ, བྷི་ཀྑུ་ས་ངྒྷ་པུ་ར་ཀྑ་ཏཾ.
༢༧. ‘‘ཝ་ནྡི་ཏྭཱ ས་ཏྠུ་ནོ པཱ་དེ, པ་ཀྐཱ་མིཾ ཨུ་ཏྟ་རཱ་མུ་ཁོ;
ཙ་ཏུ་ནྣ་ཝུ་ཏི་ཏོ ཀ་པྤེ, ག་ནྡྷ་མཱ་ལཾ ཡ་ཏོ ཨ་དཾ.
༢༨. ‘‘བུ་དྡྷེ ཀ་ཏ་སྶ ཀཱ་ར་སྶ, ཕ་ལེ་ནཱ་ཧཾ ཝི་སེ་ས་ཏོ;
དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.
༢༩. ‘‘ཙ་ཏྟཱ་རཱི་ས་མྷི ཨེ་ཀཱུ་ནེ, ཀ་པྤེ ཨཱ་སིཾ་སུ སོ་ལ༹་ས;
དེ་ཝ་ག་ནྡྷ་ས་ནཱ་མཱ ཏེ, རཱ་ཛཱ་ནོ ཙ་ཀྐ་ཝ་ཏྟི་ནོ.
༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ག་ནྡྷ་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ག་ནྡྷ་མཱ་ལི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.
༦. ཏི་པུ་པྥི་ཡ་ཏྠེ་ར་ཨ་པ་དཱ་ནཾ
༣༡. ‘‘མི་ག་ལུ་དྡོ པུ་རེ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ [བྲ་ཧཱ (སྱཱ.)];
པཱ་ཊ་ལིཾ ཧ་རི་ཏཾ དི་སྭཱ, ཏཱི་ཎི པུ་པྥཱ་ནི ཨོ་ཀི་རིཾ.
༣༢. ‘‘པ་ཏི་ཏ་པ་ཏྟཱ་ནི [ས་ཏྟ་པ་ཏྟཱ་ནི (སཱི.), ས་ཏ་པ་ཏྟཱ་ནི (ཀ.), སུ་ཀྑ་པ་ཎྞཱ་ནི (སྱཱ.)] ག་ཎྷི་ཏྭཱ, བ་ཧི ཚ་ཌྜེ་ས་ཧཾ ཏ་དཱ;
ཨ་ནྟོ་སུ་དྡྷཾ བ་ཧི་སུ་དྡྷཾ, སུ་ཝི་མུ་ཏྟཾ ཨ་ནཱ་ས་ཝཾ.
༣༣. ‘‘ས་མྨུ་ཁཱ ཝི་ཡ ས་མྦུ་དྡྷཾ, ཝི་པ་སྶིཾ ལོ་ཀ་ནཱ་ཡ་ཀཾ;
པཱ་ཊ་ལིཾ ཨ་བྷི་ཝཱ་དེ་ཏྭཱ, ཏ་ཏྠ ཀཱ་ལ་ངྐ་ཏོ ཨ་ཧཾ.
༣༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ བོ་དྷི་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བོ་དྷི་པཱུ་ཛཱ་ཡི་དཾ ཕ་ལཾ.
༣༥. ‘‘ས་མ་ནྟ་པཱ་སཱ་དི་ཀཱ ནཱ་མ, ཏེ་ར་སཱ་སིཾ་སུ རཱ་ཛི་ནོ;
ཨི་ཏོ ཏེ་ཏྟིཾ་ས་ཀ་པྤ་མྷི [ཏིཾ་ས་ཏི་ཀ་པྤ་མྷི (སྱཱ.)], ཙ་ཀྐ་ཝ་ཏྟཱི མ་ཧ་བྦ་ལཱ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་པུ་པྥི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.
༧. མ་དྷུ་པི་ཎྜི་ཀ་ཏྠེ་ར་ཨ་པ་དཱ་ནཾ
༣༧. ‘‘ཝི་པི་ནེ [ཝི་ཝ་ནེ (སྱཱ. ཨ་ཊྛ.)] ཀཱ་ན་ནེ དི་སྭཱ, ཨ་པྤ་ས་དྡེ ནི་རཱ་ཀུ་ལེ;
སི་དྡྷ་ཏྠཾ ཨི་སི་ནཾ སེ་ཊྛཾ, ཨཱ་ཧུ་ཏཱི་ནཾ པ་ཊི་གྒ་ཧཾ.
༣༨. ‘‘ནི་བྦུ་ཏ་ཏྟཾ [ནི་བྦུ་ཏ་གྒཾ (ཀ.), ནི་བྦཱུ་ཏི་ཀཾ (སྱཱ.)] མ་ཧཱ་ནཱ་གཾ, ནི་ས་བྷཱ་ཛཱ་ནི་ཡཾ ཡ་ཐཱ;
ཨོ་ས་དྷིཾ་ཝ ཝི་རོ་ཙ་ནྟཾ, དེ་ཝ་ས་ངྒྷ་ན་མ་སྶི་ཏཾ.
༣༩. ‘‘ཝི་ཏྟི མ་མཱ་ཧུ ཏཱ་ཝ་དེ [ཝི་ཏྟི མེ པཱ་ཧུ་ནཱ ཏཱ་ཝ (སཱི. སྱཱ.)], ཉཱ་ཎཾ ཨུ་པྤ་ཛྫི ཏཱ་ཝ་དེ;
ཝུ་ཊྛི་ཏ་སྶ ས་མཱ་དྷི་མྷཱ, མ་དྷུཾ ད་ཏྭཱ་ན ས་ཏྠུ་ནོ.
༤༠. ‘‘ཝ་ནྡི་ཏྭཱ ས་ཏྠུ་ནོ པཱ་དེ, པ་ཀྐཱ་མིཾ པཱ་ཙི་ནཱ་མུ་ཁོ;
ཙ་ཏུ་ཏྟིཾ་ས་མྷི ཀ་པྤ་མྷི, རཱ་ཛཱ ཨཱ་སིཾ སུ་ད་སྶ་ནོ.
༤༡. ‘‘མ་དྷུ བྷི་སེ་ཧི ས་ཝ་ཏི, བྷོ་ཛ་ན་མྷི ཙ ཏཱ་ཝ་དེ;
མ་དྷུ་ཝ་སྶཾ པ་ཝ་སྶི་ཏྠ, པུ་བྦ་ཀ་མྨ་སྶི་དཾ ཕ་ལཾ.
༤༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ མ་དྷུཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་དྷུ་དཱ་ན་སྶི་དཾ ཕ་ལཾ.
༤༣. ‘‘ཙ་ཏུ་ཏྟིཾ་སེ ཨི་ཏོ ཀ་པྤེ, ཙ་ཏྟཱ་རོ ཏེ སུ་ད་སྶ་ནཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༤༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་དྷུ་པི་ཎྜི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་དྷུ་པི་ཎྜི་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.
༨. སེ་ནཱ་ས་ན་དཱ་ཡ་ཀ་ཏྠེ་ར་ཨ་པ་དཱ་ནཾ
༤༥. ‘‘སི་དྡྷ་ཏྠ་སྶ བྷ་ག་ཝ་ཏོ, ཨ་དཱ་སིཾ པ་ཎྞ་ས་ནྠ་རཾ;
ས་མ་ནྟཱ ཨུ་པ་ཧཱ་ར་ཉྩ, ཀུ་སུ་མཾ ཨོ་ཀི་རིཾ ཨ་ཧཾ.
༤༦. ‘‘པཱ་སཱ་དེ་ཝཾ གུ་ཎཾ ར་མྨཾ [པཱ་སཱ་དེ ཙ གུ་ཧཾ ར་མྨཾ (སྱཱ.)], ཨ་ནུ་བྷོ་མི མ་ཧཱ་ར་ཧཾ;
མ་ཧ་གྒྷཱ་ནི ཙ པུ་པྥཱ་ནི, ས་ཡ་ནེ་བྷི་ས་ཝ་ནྟི མེ.
༤༧. ‘‘ས་ཡ་ནེ་ཧཾ ཏུ་ཝ་ཊྚཱ་མི, ཝི་ཙི་ཏྟེ པུ་པྥ་ས་ནྠ་ཏེ;
པུ་པྥ་ཝུ་ཊྛི ཙ ས་ཡ་ནེ, ཨ་བྷི་ཝ་སྶ་ཏི ཏཱ་ཝ་དེ.
༤༨. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཨ་དཱ་སིཾ པ་ཎྞ་ས་ནྠ་རཾ;
དུ་གྒ་ཏིཾ ནཱ་བྷི་ཛཱ་ནཱ་མི, ས་ནྠ་ར་སྶ ཨི་དཾ ཕ་ལཾ.
༤༩. ‘‘ཏི་ཎ་ས་ནྠ་ར་ཀཱ ནཱ་མ, ས་ཏྟེ་ཏེ ཙ་ཀྐ་ཝ་ཏྟི་ནོ;
ཨི་ཏོ ཏེ པ་ཉྩ་མེ ཀ་པྤེ, ཨུ་པྤ་ཛྫིཾ་སུ ཛ་ནཱ་དྷི་པཱ.
༥༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ སེ་ནཱ་ས་ན་དཱ་ཡ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
སེ་ནཱ་ས་ན་དཱ་ཡ་ཀ་ཏྠེ་ར་སྶཱ་པ་དཱ་ནཾ ཨ་ཊྛ་མཾ.
༩. ཝེ་ཡྻཱ་ཝ་ཙྩ་ཀ་ཏྠེ་ར་ཨ་པ་དཱ་ནཾ
༥༡. ‘‘ཝི་པ་སྶི་སྶ བྷ་ག་ཝ་ཏོ, མ་ཧཱ་པཱུ་ག་ག་ཎོ ཨ་ཧུ;
ཝེ་ཡྻཱ་ཝ་ཙྩ་ཀ་རོ ཨཱ་སིཾ, ས་བྦ་ཀི་ཙྩེ་སུ ཝཱ་ཝ་ཊོ [བྱཱ་ཝ་ཊོ (སཱི. སྱཱ.)].
༥༢. ‘‘དེ་ཡྻ་དྷ་མྨོ ཙ མེ ན་ཏྠི, སུ་ག་ཏ་སྶ མ་ཧེ་སི་ནོ;
ཨ་ཝ་ནྡིཾ ས་ཏྠུ་ནོ པཱ་དེ, ཝི་པྤ་ས་ནྣེ་ན ཙེ་ཏ་སཱ.
༥༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཝེ་ཡྻཱ་ཝ་ཙྩཾ ཨ་ཀཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཝེ་ཡྻཱ་ཝ་ཙྩ་སྶི་དཾ ཕ་ལཾ.
༥༤. ‘‘ཨི་ཏོ ཙ ཨ་ཊྛ་མེ ཀ་པྤེ, རཱ་ཛཱ ཨཱ་སིཾ སུ་ཙི་ནྟི་ཏོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝེ་ཡྻཱ་ཝ་ཙྩ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝེ་ཡྻཱ་ཝ་ཙྩ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.
༡༠. བུ་དྡྷུ་པ་ཊྛཱ་ཀ་ཏྠེ་ར་ཨ་པ་དཱ་ནཾ
༥༦. ‘‘ཝི་པ་སྶི་སྶ བྷ་ག་ཝ་ཏོ, ཨ་ཧོ་སིཾ ས་ངྑ་དྷ་མྨ་ཀོ;
ནི་ཙྩུ་པ་ཊྛཱ་ན་ཡུ་ཏྟོ་མྷི, སུ་ག་ཏ་སྶ མ་ཧེ་སི་ནོ.
༥༧. ‘‘ཨུ་པ་ཊྛཱ་ན་ཕ་ལཾ པ་སྶ, ལོ་ཀ་ནཱ་ཐ་སྶ ཏཱ་དི་ནོ;
ས་ཊྛི་ཏཱུ་རི་ཡ་ས་ཧ་སྶཱ་ནི, པ་རི་ཝཱ་རེ་ནྟི མཾ ས་དཱ.
༥༨. ‘‘ཨེ་ཀ་ན་ཝུ་ཏི་ཏོ ཀ་པྤེ, ཨུ་པ་ཊྛ་ཧིཾ མ་ཧཱ་ཨི་སིཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཨུ་པ་ཊྛཱ་ན་སྶི་དཾ ཕ་ལཾ.
༥༩. ‘‘ཙ་ཏུ་ཝཱི་སེ [ཙ་ཏུ་ན་ཝུ་ཏེ (སྱཱ.)] ཨི་ཏོ ཀ་པྤེ, མ་ཧཱ་ནི་གྒྷོ་ས་ནཱ་མ་ཀཱ;
སོ་ལ༹་སཱ་སིཾ་སུ རཱ་ཛཱ་ནོ, ཙ་ཀྐ་ཝ་ཏྟཱི མ་ཧ་བྦ་ལཱ.
༦༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ བུ་དྡྷུ་པ་ཊྛཱ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
བུ་དྡྷུ་པ་ཊྛཱ་ཀ་ཏྠེ་ར་སྶཱ་པ་དཱ་ནཾ ད་ས་མཾ.
སུ་དྷཱ་ཝ་གྒོ ད་ས་མོ.
ཏ་སྶུ་དྡཱ་ནཾ –
སུ་དྷཱ སུ་ཙི་ནྟི ཙེ་ལ༹་ཉྩ, སཱུ་ཙཱི ཙ ག་ནྡྷ་མཱ་ལི་ཡོ;
ཏི་པུ་པྥི་ཡོ མ་དྷུ་སེ་ནཱ, ཝེ་ཡྻཱ་ཝ་ཙྩོ ཙུ་པ་ཊྛ་ཀོ;
ས་མ་ས་ཊྛི ཙ གཱ་ཐཱ་ཡོ, ཨ་སྨིཾ ཝ་གྒེ པ་ཀི་ཏྟི་ཏཱ.
ཨ་ཐ ཝ་གྒུ་དྡཱ་ནཾ –
བུ་དྡྷ་ཝ་གྒོ ཧི པ་ཋ་མོ, སཱི་ཧཱ་ས་ནི སུ་བྷཱུ་ཏི ཙ;
ཀུ་ཎྜ་དྷཱ་ནོ ཨུ་པཱ་ལི ཙ, བཱི་ཛ་ནི་ས་ཀ་ཙི་ནྟི ཙ.