༩. ཝེ་ཡྻཱ་ཝ་ཙྩ་ཀ་ཏྠེ་ར་ཨ་པ་དཱ་ནཾ
༥༡. ‘‘ཝི་པ་སྶི་སྶ བྷ་ག་ཝ་ཏོ, མ་ཧཱ་པཱུ་ག་ག་ཎོ ཨ་ཧུ;
ཝེ་ཡྻཱ་ཝ་ཙྩ་ཀ་རོ ཨཱ་སིཾ, ས་བྦ་ཀི་ཙྩེ་སུ ཝཱ་ཝ་ཊོ [བྱཱ་ཝ་ཊོ (སཱི. སྱཱ.)].
༥༢. ‘‘དེ་ཡྻ་དྷ་མྨོ ཙ མེ ན་ཏྠི, སུ་ག་ཏ་སྶ མ་ཧེ་སི་ནོ;
ཨ་ཝ་ནྡིཾ ས་ཏྠུ་ནོ པཱ་དེ, ཝི་པྤ་ས་ནྣེ་ན ཙེ་ཏ་སཱ.
༥༣. ‘‘ཨེ་ཀ་ན་ཝུ་ཏི་ཏོ ཀ་པྤེ, ཝེ་ཡྻཱ་ཝ་ཙྩཾ ཨ་ཀཱ་ས་ཧཾ;
དུ་གྒ་ཏིཾ ནཱ་བྷི་ཛཱ་ནཱ་མི, ཝེ་ཡྻཱ་ཝ་ཙྩ་སྶི་དཾ ཕ་ལཾ.
༥༤. ‘‘ཨི་ཏོ ཙ ཨ་ཊྛ་མེ ཀ་པྤེ, རཱ་ཛཱ ཨཱ་སིཾ སུ་ཙི་ནྟི་ཏོ;
ས་ཏྟ་ར་ཏ་ན་ས་མྤ་ནྣོ, ཙ་ཀྐ་ཝ་ཏྟཱི མ་ཧ་བྦ་ལོ.
༥༥. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཝེ་ཡྻཱ་ཝ་ཙྩ་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཝེ་ཡྻཱ་ཝ་ཙྩ་ཀ་ཏྠེ་ར་སྶཱ་པ་དཱ་ནཾ ན་ཝ་མཾ.