༧. མ་དྷུ་པི་ཎྜི་ཀ་ཏྠེ་ར་ཨ་པ་དཱ་ནཾ
༣༧. ‘‘ཝི་པི་ནེ [ཝི་ཝ་ནེ (སྱཱ. ཨ་ཊྛ.)] ཀཱ་ན་ནེ དི་སྭཱ, ཨ་པྤ་ས་དྡེ ནི་རཱ་ཀུ་ལེ;
སི་དྡྷ་ཏྠཾ ཨི་སི་ནཾ སེ་ཊྛཾ, ཨཱ་ཧུ་ཏཱི་ནཾ པ་ཊི་གྒ་ཧཾ.
༣༨. ‘‘ནི་བྦུ་ཏ་ཏྟཾ [ནི་བྦུ་ཏ་གྒཾ (ཀ.), ནི་བྦཱུ་ཏི་ཀཾ (སྱཱ.)] མ་ཧཱ་ནཱ་གཾ, ནི་ས་བྷཱ་ཛཱ་ནི་ཡཾ ཡ་ཐཱ;
ཨོ་ས་དྷིཾ་ཝ ཝི་རོ་ཙ་ནྟཾ, དེ་ཝ་ས་ངྒྷ་ན་མ་སྶི་ཏཾ.
༣༩. ‘‘ཝི་ཏྟི མ་མཱ་ཧུ ཏཱ་ཝ་དེ [ཝི་ཏྟི མེ པཱ་ཧུ་ནཱ ཏཱ་ཝ (སཱི. སྱཱ.)], ཉཱ་ཎཾ ཨུ་པྤ་ཛྫི ཏཱ་ཝ་དེ;
ཝུ་ཊྛི་ཏ་སྶ ས་མཱ་དྷི་མྷཱ, མ་དྷུཾ ད་ཏྭཱ་ན ས་ཏྠུ་ནོ.
༤༠. ‘‘ཝ་ནྡི་ཏྭཱ ས་ཏྠུ་ནོ པཱ་དེ, པ་ཀྐཱ་མིཾ པཱ་ཙི་ནཱ་མུ་ཁོ;
ཙ་ཏུ་ཏྟིཾ་ས་མྷི ཀ་པྤ་མྷི, རཱ་ཛཱ ཨཱ་སིཾ སུ་ད་སྶ་ནོ.
༤༡. ‘‘མ་དྷུ བྷི་སེ་ཧི ས་ཝ་ཏི, བྷོ་ཛ་ན་མྷི ཙ ཏཱ་ཝ་དེ;
མ་དྷུ་ཝ་སྶཾ པ་ཝ་སྶི་ཏྠ, པུ་བྦ་ཀ་མྨ་སྶི་དཾ ཕ་ལཾ.
༤༢. ‘‘ཙ་ཏུ་ནྣ་ཝུ་ཏི་ཏོ ཀ་པྤེ, ཡཾ མ་དྷུཾ ཨ་ད་དིཾ ཏ་དཱ;
དུ་གྒ་ཏིཾ ནཱ་བྷི་ཛཱ་ནཱ་མི, མ་དྷུ་དཱ་ན་སྶི་དཾ ཕ་ལཾ.
༤༣. ‘‘ཙ་ཏུ་ཏྟིཾ་སེ ཨི་ཏོ ཀ་པྤེ, ཙ་ཏྟཱ་རོ ཏེ སུ་ད་སྶ་ནཱ;
ས་ཏྟ་ར་ཏ་ན་ས་མྤ་ནྣཱ, ཙ་ཀྐ་ཝ་ཏྟཱི མ་ཧ་བྦ་ལཱ.
༤༤. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ མ་དྷུ་པི་ཎྜི་ཀོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
མ་དྷུ་པི་ཎྜི་ཀ་ཏྠེ་ར་སྶཱ་པ་དཱ་ནཾ ས་ཏྟ་མཾ.