༦. ཏི་པུ་པྥི་ཡ་ཏྠེ་ར་ཨ་པ་དཱ་ནཾ
༣༡. ‘‘མི་ག་ལུ་དྡོ པུ་རེ ཨཱ་སིཾ, ཨ་ར་ཉྙེ ཀཱ་ན་ནེ ཨ་ཧཾ [བྲ་ཧཱ (སྱཱ.)];
པཱ་ཊ་ལིཾ ཧ་རི་ཏཾ དི་སྭཱ, ཏཱི་ཎི པུ་པྥཱ་ནི ཨོ་ཀི་རིཾ.
༣༢. ‘‘པ་ཏི་ཏ་པ་ཏྟཱ་ནི [ས་ཏྟ་པ་ཏྟཱ་ནི (སཱི.), ས་ཏ་པ་ཏྟཱ་ནི (ཀ.), སུ་ཀྑ་པ་ཎྞཱ་ནི (སྱཱ.)] ག་ཎྷི་ཏྭཱ, བ་ཧི ཚ་ཌྜེ་ས་ཧཾ ཏ་དཱ;
ཨ་ནྟོ་སུ་དྡྷཾ བ་ཧི་སུ་དྡྷཾ, སུ་ཝི་མུ་ཏྟཾ ཨ་ནཱ་ས་ཝཾ.
༣༣. ‘‘ས་མྨུ་ཁཱ ཝི་ཡ ས་མྦུ་དྡྷཾ, ཝི་པ་སྶིཾ ལོ་ཀ་ནཱ་ཡ་ཀཾ;
པཱ་ཊ་ལིཾ ཨ་བྷི་ཝཱ་དེ་ཏྭཱ, ཏ་ཏྠ ཀཱ་ལ་ངྐ་ཏོ ཨ་ཧཾ.
༣༤. ‘‘ཨེ་ཀ་ན་ཝུ་ཏི་ཏོ ཀ་པྤེ, ཡཾ བོ་དྷི་མ་བྷི་པཱུ་ཛ་ཡིཾ;
དུ་གྒ་ཏིཾ ནཱ་བྷི་ཛཱ་ནཱ་མི, བོ་དྷི་པཱུ་ཛཱ་ཡི་དཾ ཕ་ལཾ.
༣༥. ‘‘ས་མ་ནྟ་པཱ་སཱ་དི་ཀཱ ནཱ་མ, ཏེ་ར་སཱ་སིཾ་སུ རཱ་ཛི་ནོ;
ཨི་ཏོ ཏེ་ཏྟིཾ་ས་ཀ་པྤ་མྷི [ཏིཾ་ས་ཏི་ཀ་པྤ་མྷི (སྱཱ.)], ཙ་ཀྐ་ཝ་ཏྟཱི མ་ཧ་བྦ་ལཱ.
༣༦. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.
ཨི་ཏྠཾ སུ་དཾ ཨཱ་ཡ་སྨཱ ཏི་པུ་པྥི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.
ཏི་པུ་པྥི་ཡ་ཏྠེ་ར་སྶཱ་པ་དཱ་ནཾ ཚ་ཊྛཾ.