༥. ག་ནྡྷ་མཱ་ལི་ཡ་ཏྠེ་ར་ཨ་པ་དཱ་ནཾ

༢༤. ‘‘སི་དྡྷ་ཏྠ་སྶ བྷ་ག་ཝ་ཏོ, ག་ནྡྷ་ཐཱུ་པཾ ཨ་ཀཱ་ས་ཧཾ;

སུ་མ་ནེ་ཧི པ་ཊི་ཙྪ་ནྣཾ, བུ་དྡྷཱ་ནུ་ཙྪ་ཝི་ཀཾ ཀ་ཏཾ.

༢༥. ‘‘ཀ་ཉྩ་ན་གྒྷི་ཡ་ས་ངྐཱ་སཾ, བུ་དྡྷཾ ལོ་ཀ་གྒ་ནཱ་ཡ་ཀཾ;

ཨི་ནྡཱི་ཝ་རཾ་ཝ ཛ་ལི་ཏཾ, ཨཱ་དི་ཏྟཾ་ཝ ཧུ་ཏཱ་ས་ནཾ.

༢༦. ‘‘བྱ་གྒྷཱུ་ས་བྷཾ་ཝ པ་ཝ་རཾ, ཨ་བྷི་ཛཱ་ཏཾ་ཝ ཀེ་ས་རིཾ;

ནི་སི་ནྣཾ ས་མ་ཎཱ་ན་གྒཾ, བྷི་ཀྑུ་ས་ངྒྷ་པུ་ར་ཀྑ་ཏཾ.

༢༧. ‘‘ཝ་ནྡི་ཏྭཱ ས་ཏྠུ་ནོ པཱ་དེ, པ་ཀྐཱ་མིཾ ཨུ་ཏྟ་རཱ་མུ་ཁོ;

ཙ་ཏུ་ནྣ་ཝུ་ཏི་ཏོ ཀ་པྤེ, ག་ནྡྷ་མཱ་ལཾ ཡ་ཏོ ཨ་དཾ.

༢༨. ‘‘བུ་དྡྷེ ཀ་ཏ་སྶ ཀཱ་ར་སྶ, ཕ་ལེ་ནཱ་ཧཾ ཝི་སེ་ས་ཏོ;

དུ་གྒ་ཏིཾ ནཱ་བྷི་ཛཱ་ནཱ་མི, བུ་དྡྷ་པཱུ་ཛཱ་ཡི་དཾ ཕ་ལཾ.

༢༩. ‘‘ཙ་ཏྟཱ་རཱི་ས་མྷི ཨེ་ཀཱུ་ནེ, ཀ་པྤེ ཨཱ་སིཾ་སུ སོ་ལ༹་ས;

དེ་ཝ་ག་ནྡྷ་ས་ནཱ་མཱ ཏེ, རཱ་ཛཱ་ནོ ཙ་ཀྐ་ཝ་ཏྟི་ནོ.

༣༠. ‘‘པ་ཊི་ས་མྦྷི་དཱ ཙ་ཏ་སྶོ…པེ… ཀ་ཏཾ བུ་དྡྷ་སྶ སཱ་ས་ནཾ’’.

ཨི་ཏྠཾ སུ་དཾ ཨཱ་ཡ་སྨཱ ག་ནྡྷ་མཱ་ལི་ཡོ ཐེ་རོ ཨི་མཱ གཱ་ཐཱ་ཡོ ཨ་བྷཱ་སི་ཏྠཱ་ཏི.

ག་ནྡྷ་མཱ་ལི་ཡ་ཏྠེ་ར་སྶཱ་པ་དཱ་ནཾ པ་ཉྩ་མཾ.