༦. ཚ་ཊྛ་སི་ཀྑཱ་པ་ད་ཝ་ཎྞ་ནཱ

༨༡༥. ཚ་ཊྛེ – བྷ་ཏྟ་ཝི་སྶ་གྒནྟི བྷ་ཏྟ་ཀི་ཙྩཾ. པཱ་ནཱི་ཡེ་ན ཙ ཝི་དྷཱུ་པ་ནེ་ན ཙ ཨུ་པ་ཏི་ཊྛི་ཏྭཱཏི ཨེ་ཀེ་ན ཧ་ཏྠེ་ན པཱ་ནཱི་ཡ་ཐཱ་ལ་ཀཾ ཨེ་ཀེ་ན བཱི་ཛ་ནིཾ ག་ཧེ་ཏྭཱ བཱི་ཛ་མཱ་ནཱ ས་མཱི་པེ ཋ་ཏྭཱ་ཏི ཨ་ཏྠོ. ཨ་ཙྩཱ་ཝ་ད་ཏཱིཏི པུ་བྦེ་པི ཏུ་མྷེ ཨེ་ཝཾ བྷུ་ཉྫ་ཐ, ཨ་ཧཾ ཨེ་ཝཾ ཨུ་པ་ཊྛཱ་ནཾ ཀ་རོ་མཱི’’ཏི པ་བྦ་ཛི་ཏ་ཙཱ་རི་ཏྟཾ ཨ་ཏི་ཀྐ་མི་ཏྭཱ གེ་ཧ་སྶི་ཏ་ཀ་ཐཾ ཀ་ཐེ་ཏཱི་ཏི ཨ་ཏྠོ.

༨༡༧. ཡཾ་ཀི་ཉྩི པཱ་ནཱི་ཡནྟི སུ་དྡྷ་ཨུ་ད་ཀཾ ཝཱ ཧོ་ཏུ, ཏ་ཀྐ་ད་དྷི་མ་ཏྠུ་ར་ས་ཁཱི་རཱ་དཱི་ནཾ ཝཱ ཨ་ཉྙ་ཏ་རཾ. ཡཱ ཀཱ་ཙི བཱི་ཛ་ནཱིཏི ཨ་ནྟ་མ་སོ ཙཱི་ཝ་ར་ཀ་ཎྞོ་པི. ཧ་ཏྠ་པཱ་སེ ཏི་ཊྛ་ཏི ཨཱ་པ་ཏྟི པཱ་ཙི་ཏྟི་ཡ་སྶཱཏི ཨི་དྷ ཋཱ་ན་པ་ཙྩ་ཡཱ་ཝ པཱ་ཙི་ཏྟི་ཡཾ ཝུ་ཏྟཾ. པ་ཧཱ་ར་པ་ཙྩ་ཡཱ པ་ན ཁ་ནྡྷ་ཀེ དུ་ཀྐ་ཊཾ པ་ཉྙ་ཏྟཾ.

༨༡༩. དེ་ཏི དཱ་པེ་ཏཱིཏི པཱ་ནཱི་ཡཾ ཝཱ སཱུ་པཱ་དིཾ ཝཱ ཨི་མཾ པི་ཝ་ཐ, ཨི་མི་ནཱ བྷུ་ཉྫ་ཐཱ་ཏི དེ་ཏི; ཏཱ་ལ་ཝ་ཎྚཾ ཨི་མི་ནཱ བཱི་ཛ་ནྟཱ བྷུ་ཉྫ་ཐཱ་ཏི དེ་ཏི; ཨ་ཉྙེ་ན ཝཱ ཨུ་བྷ་ཡ་མྤི དཱ་པེ་ཏི, ཨ་ནཱ་པ་ཏྟི. ཨ་ནུ་པ་ས་མྤ་ནྣཾ ཨཱ་ཎཱ་པེ་ཏཱིཏི ཨུ་པ་ཏི་ཊྛ་ན་ཏྠཾ སཱ་མ་ཎེ་རིཾ ཨཱ་ཎཱ་པེ་ཏི, ཨ་ནཱ་པ་ཏྟི. སེ་སཾ ཨུ་ཏྟཱ་ན་མེ་ཝ.

ཨེ་ལ༹་ཀ་ལོ་མ་ས་མུ་ཊྛཱ་ནཾ – ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

ཚ་ཊྛ་སི་ཀྑཱ་པ་དཾ.