༢. དུ་ཏི་ཡ་སི་ཀྑཱ་པ་ད་ཝ་ཎྞ་ནཱ

༧༩༩. དུ་ཏི་ཡེ – ས་མྦཱ་དྷེཏི པ་ཊི་ཙྪ་ནྣོ་ཀཱ་སེ. ཏ་སྶ ཝི་བྷཱ་ག་ད་སྶ་ན་ཏྠཾ པ་ན ‘‘ཨུ་བྷོ ཨུ་པ་ཀ་ཙྪ་ཀཱ མུ་ཏྟ་ཀ་ར་ཎ’’ནྟི ཝུ་ཏྟཾ. ཨེ་ཀ་མྤི ལོ་མནྟི ཀ་ཏྟ་རི་ཡཱ ཝཱ ས་ཎྜཱ་ས་ཀེ་ན ཝཱ ཁུ་རེ་ན ཝཱ ཡེ་ན ཀེ་ན་ཙི ཨེ་ཀ་པ་ཡོ་གེ་ན ཝཱ ནཱ་ནཱ་པ་ཡོ་གེ་ན ཝཱ ཨེ་ཀཾ ཝཱ བ་ཧཱུ་ནི ཝཱ སཾ་ཧ་རཱ་པེ་ནྟི་ཡཱ པ་ཡོ་ག་ག་ཎ་ནཱ་ཡ པཱ་ཙི་ཏྟི་ཡཱ་ནི, ན ལོ་མ་ག་ཎ་ནཱ་ཡ.

༨༠༡. ཨཱ་བཱ་དྷ་པ་ཙྩ་ཡཱཏི ཀ་ཎྜུ་ཀ་ཙྪུ་ཨཱ་དི་ཨཱ་བཱ་དྷ་པ་ཙྩ་ཡཱ སཾ་ཧ་རཱ་པེ་ནྟི་ཡཱ ཨ་ནཱ་པ་ཏྟི. སེ་སཾ ཨུ་ཏྟཱ་ན་མེ་ཝ. ཙ་ཏུ་ས་མུ་ཊྛཱ་ནཾ – ཀཱ་ཡ་ཏོ ཀཱ་ཡ་ཝཱ་ཙ་ཏོ ཀཱ་ཡ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི, ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

དུ་ཏི་ཡ་སི་ཀྑཱ་པ་དཾ.