༡༠. ད་ས་མ་ས་ངྒྷཱ་དི་སེ་ས་སི་ཀྑཱ་པ་ད་ཝ་ཎྞ་ནཱ

༧༢༧. ད་ས་མེ – ཨེ་ཝཱ་ཙཱ་རཱཏི ཨེ་ཝཾ་ཨཱ་ཙཱ་རཱ. ཡཱ་དི་སོ ཏུ་མྷཱ་ཀཾ ཨཱ་ཙཱ་རོ, ཏཱ་དི་སཱ ཨཱ་ཙཱ་རཱ་ཏི ཨ་ཏྠོ. ཨེ་ས ན་ཡོ ས་བྦ་ཏྠ. ཨུ་ཉྙཱ་ཡཱཏི ཨ་ཝ་ཉྙཱ་ཡ ནཱི་ཙཾ ཀ་ཏྭཱ ཛཱ་ན་ནཱ་ཡ. པ་རི་བྷ་ཝེ་ནཱཏི ཀིཾ ཨི་མཱ ཀ་རི་སྶ་ནྟཱི་ཏི ཨེ་ཝཾ པ་རི་བྷ་ཝི་ཏྭཱ ཛཱ་ན་ནེ་ན. ཨ་ཀྑ་ནྟི་ཡཱཏི ཨ་ས་ཧ་ན་ཏཱ་ཡ; ཀོ་དྷེ་ནཱ་ཏི ཨ་ཏྠོ. ཝེ་བྷ་སྶི་ཡཱཏི བ་ལ་ཝ་བྷ་སྶ་བྷཱ་ཝེ་ན; ཨ་ཏྟ་ནོ བ་ལ་པྤ་ཀཱ་ས་ནེ་ན ས་མུ་ཏྲཱ་ས་ནེ་ནཱ་ཏི ཨ་ཏྠོ. དུ་བྦ་ལྱཱཏི ཏུ་མྷཱ་ཀཾ དུ་བྦ་ལ་བྷཱ་ཝེ་ན. ས་བྦ་ཏྠ ཨུ་ཉྙཱ་ཡ ཙ པ་རི་བྷ་ཝེ་ན ཙཱ་ཏི ཨེ་ཝཾ ས་མུ་ཙྩ་ཡ་ཏྠོ ད་ཊྛ་བྦོ. ཝི་ཝི་ཙྩ་ཐཱཏི ཝི་ནཱ ཧོ་ཐ. སེ་སཾ ཨུ་ཏྟཱ་ན་མེ་ཝ ས་དྡྷིཾ ས་མུ་ཊྛཱ་ནཱ་དཱི་ཧཱི་ཏི.

ད་ས་མ་སི་ཀྑཱ་པ་དཾ.

ཨུ་དྡི་ཊྛཱ ཁོ ཨ་ཡྻཱ་ཡོ ས་ཏྟ་ར་ས ས་ངྒྷཱ་དི་སེ་སཱཏི ཨེ་ཏྠ ཚ་ནྣཾ པ་ཋ་མཱ་པ་ཏྟི་ཀཱ་ནཾ ཨ་ན་ནྟ་རཱ ས་ཉྩ་རི་ཏྟཾ, དྭེ དུ་ཊྛ་དོ་སཱ་ཏི ཨི་མཱ་ནི ཏཱི་ཎི སི་ཀྑཱ་པ་དཱ་ནི མ་ཧཱ་ཝི་བྷ་ངྒ་ཏོ པ་ཀྑི་པི་ཏྭཱ ན་ཝ པ་ཋ་མཱ་པ་ཏྟི་ཀཱ, ཙ་ཏུ་ནྣཾ ཡཱ་ཝ་ཏ་ཏི་ཡ་ཀཱ་ནཾ ཨ་ན་ནྟ་རཱ མ་ཧཱ་ཝི་བྷ་ངྒ་ཏོ་པི ཙ་ཏྟཱ་རོ ཡཱ་ཝ་ཏ་ཏི་ཡ་ཀེ པ་ཀྑི་པི་ཏྭཱ ཨ་ཊྛ ཡཱ་ཝ་ཏ་ཏི་ཡ་ཀཱ ཝེ་དི་ཏ་བྦཱ. ཨེ་ཝཾ ས་བྦེ་པི པཱ་ཏི་མོ་ཀྑུ་དྡེ་ས་མ་གྒེ་ན ཨུ་དྡི་ཊྛཱ ཁོ ཨ་ཡྻཱ་ཡོ ས་ཏྟ་ར་ས ས་ངྒྷཱ་དི་སེ་སཱ དྷ་མྨཱ་ཏི ཨེ་ཝ་མེ་ཏྠ ཨ་ཏྠོ ད་ཊྛ་བྦོ. སེ་སཾ ཨུ་ཏྟཱ་ན་མེ་ཝ ཨ་ཉྙ་ཏྲ པ་ཀྑ་མཱ་ན་ཏྟཱ. ཏཾ པ་ན ཁ་ནྡྷ་ཀེ ཝི་ཏྠཱ་རེ་ན ཝ་ཎྞ་ཡི་སྶཱ་མཱ་ཏི.

ས་མ་ནྟ་པཱ་སཱ་དི་ཀཱ་ཡ ཝི་ན་ཡ་སཾ་ཝ་ཎྞ་ནཱ་ཡ བྷི་ཀྑུ་ནཱི་ཝི་བྷ་ངྒེ

ས་ཏྟ་ར་ས་ཀ་ཝ་ཎྞ་ནཱ ནི་ཊྛི་ཏཱ.

ས་ངྒྷཱ་དི་སེ་ས་ཀ་ཎྜཾ ནི་ཊྛི་ཏཾ.