༦. དུ་ཏི་ཡ་པ་ཝཱ་ར་ཎ་སི་ཀྑཱ་པ་ད་ཝ་ཎྞ་ནཱ

༢༤༢. ཚ་ཊྛ་སི་ཀྑཱ་པ་དེ – ཨ་ནཱ་ཙཱ་རཾ ཨཱ་ཙ་ར་ཏཱིཏི པ་ཎྞ་ཏྟི་ཝཱི་ཏི་ཀྐ་མཾ ཀ་རོ་ཏི. ཨུ་པ་ན་ནྡྷཱིཏི ཨུ་པ་ནཱ་ཧཾ ཛ་ནེ་ནྟོ ཏ་སྨིཾ པུ་གྒ་ལེ ཨ་ཏྟ་ནོ ཀོ་དྷཾ བ་ནྡྷི; པུ་ན་པྤུ་ནཾ ཨཱ་གྷཱ་ཏཾ ཛ་ནེ་སཱི་ཏི ཨ་ཏྠོ. ཨུ་པ་ན་དྡྷོ བྷི་ཀྑཱུཏི སོ ཛ་ནི་ཏ་ཨུ་པ་ནཱ་ཧོ བྷི་ཀྑུ.

༢༤༣. ཨ་བྷི་ཧ་ཊྛུཾ པ་ཝཱ་རེ་ཡྻཱཏི ཨ་བྷི་ཧ་རི་ཏྭཱ ‘‘ཧ་ནྡ བྷི་ཀྑུ ཁཱ་ད ཝཱ བྷུ་ཉྫ ཝཱ’’ཏི ཨེ་ཝཾ པ་ཝཱ་རེ་ཡྻ. པ་ད་བྷཱ་ཛ་ནེ པ་ན ‘‘ཧ་ནྡ བྷི་ཀྑཱུ’’ཏི་ཨཱ་དིཾ ཨ་ནུ་དྡྷ་རི་ཏྭཱ སཱ་དྷཱ་ར་ཎ་མེ་ཝ ཨ་བྷི་ཧ་ཊྛུཾ པ་ཝཱ་ར་ཎཱ་ཡ ཨ་ཏྠཾ ད་སྶེ་ཏུཾ ‘‘ཡཱ་ཝ་ཏ་ཀཾ ཨི་ཙྪ་སི ཏཱ་ཝ་ཏ་ཀཾ ག་ཎྷཱ་ཧཱི’’ཏི ཝུ་ཏྟཾ. ཛཱ་ནནྟི པ་ཝཱ་རི་ཏ་བྷཱ་ཝཾ ཛཱ་ན་ནྟོ. ཏཾ པ་ན་སྶ ཛཱ་ན་ནཾ ཡ་སྨཱ ཏཱི་ཧཱ་ཀཱ་རེ་ཧི ཧོ་ཏི, ཏ་སྨཱ ‘‘ཛཱ་ནཱ་ཏི ནཱ་མ སཱ་མཾ ཝཱ ཛཱ་ནཱ་ཏཱི’’ཏི་ཨཱ་དི་ནཱ ན་ཡེ་ན པ་ད་བྷཱ་ཛ་ནཾ ཝུ་ཏྟཾ. ཨཱ་སཱ་ད་ནཱ་པེ་ཀྑོཏི ཨཱ་སཱ་ད་ནཾ ཙོ་ད་ནཾ མ་ངྐུ་ཀ་ར་ཎ་བྷཱ་ཝཾ ཨ་པེ་ཀྑ་མཱ་ནོ.

པ་ཊི་གྒ་ཎྷཱ་ཏི ཨཱ་པ་ཏྟི དུ་ཀྐ་ཊ་སྶཱཏི ཡ་སྶ ཨ་བྷི་ཧ་ཊཾ ཏ་སྨིཾ པ་ཊི་གྒ་ཎྷ་ནྟེ ཨ་བྷི་ཧཱ་ར་ཀ་སྶ བྷི་ཀྑུ་ནོ དུ་ཀྐ་ཊཾ. ཨི་ཏ་ར་སྶ པ་ན ས་བྦོ ཨཱ་པ་ཏྟི་བྷེ་དོ པ་ཋ་མ་སི་ཀྑཱ་པ་དེ ཝུ་ཏྟོ, ཨི་མ་སྨིཾ པ་ན སི་ཀྑཱ་པ་དེ ས་བྦཱ ཨཱ་པ་ཏྟི་ཡོ ཨ་བྷི་ཧཱ་ར་ཀ་སྶེ་ཝ ཝེ་དི་ཏ་བྦཱ. སེ་སཾ པ་ཋ་མ་སི་ཀྑཱ་པ་དེ ཝུ་ཏྟ་ན་ཡ་ཏྟཱ པཱ་ཀ་ཊ་མེ་ཝ.

ཏི་ས་མུ་ཊྛཱ་ནཾ – ཀཱ་ཡ་ཙི་ཏྟ་ཏོ ཝཱ་ཙཱ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི, ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, ལོ་ཀ་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཨ་ཀུ་ས་ལ་ཙི་ཏྟཾ, དུ་ཀྑ་ཝེ་ད་ན་ནྟི.

དུ་ཏི་ཡ་པ་ཝཱ་ར་ཎ་སི་ཀྑཱ་པ་དཾ ཚ་ཊྛཾ.