༨. ཝེ་ཧཱ་ས་ཀུ་ཊི་སི་ཀྑཱ་པ་ད་ཝ་ཎྞ་ནཱ

༡༢༩. ཨ་ཊྛ་མ་སི་ཀྑཱ་པ་དེ – ཨུ་པ་རི་ཝེ་ཧཱ་ས་ཀུ་ཊི་ཡཱཏི ཨུ་པ་རི ཨ་ཙྪ་ནྣ་ཏ་ལཱ་ཡ དྭི་བྷཱུ་མི་ཀ་ཀུ་ཊི་ཡཱ ཝཱ ཏི་བྷཱུ་མི་ཀཱ་དི་ཀུ་ཊི་ཡཱ ཝཱ. མ་ཉྩཾ ས་ཧ་སཱ ཨ་བྷི་ནི་སཱི་དཱིཏི མ་ཉྩཾ ས་ཧ་སཱ ཨ་བྷི་བྷ་ཝི་ཏྭཱ ཨ་ཛ྄ཛྷོ་ཏྠ་རི་ཏྭཱ ནི་སཱི་དི. བྷུ་མྨ་ཏྠེ ཝཱ ཨེ་ཏཾ ཨུ་པ་ཡོ་ག་ཝ་ཙ་ནཾ; མ་ཉྩེ ནི་སཱི་དཱི་ཏི ཨ་ཏྠོ. ཨ་བྷཱིཏི ཨི་དཾ པ་ན པ་ད་སོ་བྷ་ན་ཏྠཾ ཨུ་པ་ས་གྒ་མ་ཏྟ་མེ་ཝ. ནི་པྤ་ཏི་ཏྭཱཏི ནི་པ་ཏི་ཏྭཱ ནི་ཀྑ་མི་ཏྭཱ ཝཱ. ཏ་སྶ ཧི ཨུ་པ་རི ཨཱ་ཎཱི་པི ན དི་ནྣཱ, ཏ་སྨཱ ནི་ཀྑ་ནྟོ. ཝི་སྶ་ར་མ་ཀཱ་སཱིཏི ཝི་རཱུ་པཾ ཨཱ་ཏུ་ར་སྶ་ར་མ་ཀཱ་སི.

༡༣༡. ཝེ་ཧཱ་ས་ཀུ་ཊི ནཱ་མ མ་ཛ྄ཛྷི་མ་སྶ པུ་རི་ས་སྶ ཨ་སཱི་ས་གྷ་ཊྚཱཏི ཡཱ པ་མཱ་ཎ་མ་ཛ྄ཛྷི་མ་སྶ པུ་རི་ས་སྶ ས་བྦ་ཧེ་ཊྛི་མཱ་ཧི ཏུ་ལཱ་ཧི སཱི་སཾ ན གྷ་ཊྚེ་ཏི, ཨེ་ཏེ་ན ཨི་དྷ ཨ་དྷི་པྤེ་ཏཱ ཝེ་ཧཱ་ས་ཀུ་ཊི ད་སྶི་ཏཱ ཧོ་ཏི, ན ཝེ་ཧཱ་ས་ཀུ་ཊི་ལ་ཀྑ་ཎཾ. ཡཱ ཧི ཀཱ་ཙི ཨུ་པ་རི ཨ་ཙྪི་ནྣ་ཏ་ལཱ དྭི་བྷཱུ་མི་ཀཱ ཀུ་ཊི ཏི་བྷཱུ་མི་ཀཱ་དི་ཀུ་ཊི ཝཱ ‘‘ཝེ་ཧཱ་ས་ཀུ་ཊཱི’’ཏི ཝུ་ཙྩ་ཏི. ཨི་དྷ པ་ན ཨ་སཱི་ས་གྷ་ཊྚཱ ཨ་དྷི་པྤེ་ཏཱ. ཨ་བྷི་ནི་སཱི་ད་ནཱ་དཱི་སུ པུ་བྦེ ཝུ་ཏྟ་ན་ཡེ་ནེ་ཝ པ་ཡོ་ག་ཝ་སེ་ན ཨཱ་པ་ཏྟི་བྷེ་དོ ཝེ་དི་ཏ་བྦོ.

༡༣༣. ཨ་ཝེ་ཧཱ་ས་ཀུ་ཊི་ཡཱཏི བྷཱུ་མི་ཡཾ ཀ་ཏ་པ་ཎྞ་སཱ་ལཱ་དཱི་སུ ཨ་ནཱ་པ་ཏྟི. ན ཧི ས་ཀྐཱ ཏ་ཏྠ པ་ར་སྶ པཱི་ལཱ༹ ཀཱ་ཏུཾ. སཱི་ས་གྷ་ཊྚཱ་ཡཱཏི ཡཱ་ཡཾ སཱི་ས་གྷ་ཊྚཱ ཧོ་ཏི, ཏ་ཏྠཱ་པི ཨ་ནཱ་པ་ཏྟི. ན ཧི ས་ཀྐཱ ཏ་ཏྠ ཧེ་ཊྛཱ་པཱ་སཱ་དེ ཨ་ནོ་ཎ་ཏེ་ན ཝི་ཙ་རི་ཏུཾ, ཏ་སྨཱ ཨ་ས་ཉྩ་ར་ཎ་ཊྛཱ་ན་ཏྟཱ པ་ར་པཱི་ལཱ༹ ན བྷ་ཝི་སྶ་ཏི. ཧེ་ཊྛཱ ཨ་པ་རི་བྷོ་གཾ ཧོ་ཏཱིཏི ཡ་སྶཱ ཧེ་ཊྛཱ ད་བྦ་ས་མྦྷཱ་རཱ་དཱི་ནཾ ནི་ཀྑི་ཏྟ་ཏྟཱ ཨ་པ་རི་བྷོ་གཾ ཧོ་ཏི, ཏ་ཏྠཱ་པི ཨ་ནཱ་པ་ཏྟི. པ་ད་ར་ས་ཉྩི་ཏཾ ཧོ་ཏཱིཏི ཡ་སྶཱ ཨུ་པ་རི་མ་ཏ་ལཾ དཱ་རུ་ཕ་ལ་ཀེ་ཧི ཝཱ གྷ་ན་ས་ནྠ་ཏཾ ཧོ་ཏི, སུ་དྷཱ་དི་པ་རི་ཀ་མྨ་ཀ་ཏཾ ཝཱ ཏ་ཏྠཱ་པི ཨ་ནཱ་པ་ཏྟི. པ་ཊཱ་ཎི དི་ནྣཱ ཧོ་ཏཱིཏི མ་ཉྩ་པཱི་ཋཱ་ནཾ པཱ་ད་སི་ཁཱ་སུ ཨཱ་ཎཱི དི་ནྣཱ ཧོ་ཏི, ཡ་ཏྠ ནི་སཱི་ད་ནྟེ་པི ན ནི་པྤ་ཏ་ནྟི, ཏཱ་དི་སེ མ་ཉྩ་པཱི་ཋེ ནི་སཱི་ད་ཏོ་པི ཨ་ནཱ་པ་ཏྟི. ཏ་སྨིཾ ཋི་ཏོཏི ཨཱ་ཧ་ཙྩ་པཱ་ད་ཀེ མ་ཉྩེ ཝཱ པཱི་ཋེ ཝཱ ཋི་ཏོ ཨུ་པ་རི ནཱ་ག་ད་ནྟ་ཀཱ་དཱི་སུ ལ་གྒི་ཏ་ཀཾ ཙཱི་ཝ་རཾ ཝཱ ཀི་ཉྩི ཝཱ ག་ཎྷཱ་ཏི ཝཱ, ཨ་ཉྙཾ ཝཱ ལ་གྒེ་ཏི, ཏ་སྶཱ་པི ཨ་ནཱ་པ་ཏྟི. སེ་སཾ ཨུ་ཏྟཱ་ན་མེ་ཝ. ཨེ་ལ༹་ཀ་ལོ་མ་ས་མུ་ཊྛཱ་ནཾ – ཀཱ་ཡ་ཏོ ཙ ཀཱ་ཡ་ཙི་ཏྟ་ཏོ ཙ ས་མུ་ཊྛཱ་ཏི, ཀི་རི་ཡཾ, ནོ་ས་ཉྙཱ་ཝི་མོ་ཀྑཾ, ཨ་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཏི་ཙི་ཏྟཾ, ཏི་ཝེ་ད་ན་ནྟི.

ཝེ་ཧཱ་ས་ཀུ་ཊི་སི་ཀྑཱ་པ་དཾ ཨ་ཊྛ་མཾ.