༡༠. ས་པྤཱ་ཎ་ཀ་སི་ཀྑཱ་པ་ད་ཝ་ཎྞ་ནཱ

༡༤༠. ད་ས་མ་སི་ཀྑཱ་པ་དེ – ཛཱ་ནཾ ས་པྤཱ་ཎ་ཀནྟི ས་པྤཱ་ཎ་ཀཾ ཨེ་ཏ་ནྟི ཡ་ཐཱ ཏ་ཐཱ ཝཱ ཛཱ་ན་ནྟོ. སི་ཉྩེ་ཡྻ ཝཱ སི་ཉྩཱ་པེ་ཡྻ ཝཱཏི ཏེ་ན ཨུ་ད་ཀེ་ན ས་ཡཾ ཝཱ སི་ཉྩེ་ཡྻ, ཨ་ཉྙཾ ཝཱ ཨཱ་ཎཱ་པེ་ཏྭཱ སི་ཉྩཱ་པེ་ཡྻ. པཱ་ལི༹་ཡཾ པ་ན ‘‘སི་ཉྩེ་ཡྻཱ་ཏི ས་ཡཾ སི་ཉྩ་ཏཱི’’ཏི ཨཱི་དི་སཱ་ནཾ ཝ་ཙ་ནཱ་ནཾ ཨ་ཏྠོ པུ་བྦེ ཝུ་ཏྟ་ན་ཡེ་ནེ་ཝ ཝེ་དི་ཏ་བྦོ.

ཏ་ཏྠ དྷཱ་རཾ ཨ་ཝི་ཙྪི་ནྡི་ཏྭཱ སི་ཉྩ་ནྟ་སྶ ཨེ་ཀ་སྨིཾ ཨུ་ད་ཀ་གྷ་ཊེ ཨེ་ཀཱ་ཝ ཨཱ་པ་ཏྟི. ཨེ་ས ན་ཡོ ས་བྦ་བྷཱ་ཛ་ནེ་སུ. དྷཱ་རཾ ཝི་ཙྪི་ནྡ་ནྟ་སྶ པ་ན པ་ཡོ་གེ པ་ཡོ་གེ ཨཱ་པ་ཏྟི. མཱ་ཏི་ཀཾ ས་མྨུ་ཁཾ ཀ་རོ་ཏི, དི་ཝ་ས་མྤི ས་ནྡ་ཏུ, ཨེ་ཀཱ་ཝ ཨཱ་པ་ཏྟི. ས་ཙེ ཏ་ཏྠ ཏ་ཏྠ བ་ནྡྷི་ཏྭཱ ཨ་ཉྙ་ཏོ ཨ་ཉྙ་ཏོ ནེ་ཏི, པ་ཡོ་གེ པ་ཡོ་གེ ཨཱ་པ་ཏྟི. ས་ཀ་ཊ་བྷཱ་ར་མ་ཏྟ་ཉྩེ་པི ཏི་ཎཾ ཨེ་ཀ་པ་ཡོ་གེ་ན ཨུ་ད་ཀེ པ་ཀྑི་པ་ཏི, ཨེ་ཀཱ་ཝ ཨཱ་པ་ཏྟི. ཨེ་ཀེ་ཀཾ ཏི་ཎཾ ཝཱ པ་ཎྞཾ ཝཱ པ་ཀྑི་པ་ནྟ་སྶ པ་ཡོ་གེ པ་ཡོ་གེ ཨཱ་པ་ཏྟི. མ་ཏྟི་ཀཱ་ཡ་པི ཨ་ཉྙེ་སུ་པི ཀ་ཊྛ་གོ་མ་ཡཱ་དཱི་སུ ཨེ་སེ་ཝ ན་ཡོ. ཨི་དཾ པ་ན མ་ཧཱ་ཨུ་ད་ཀཾ ས་ནྡྷཱ་ཡ ན ཝུ་ཏྟཾ, ཡཾ ཏི་ཎེ ཝཱ མ་ཏྟི་ཀཱ་ཡ ཝཱ པ་ཀྑི་ཏྟཱ་ཡ པ་རི་ཡཱ་དཱ་ནཾ ག་ཙྪ་ཏི, ཨཱ་ཝི་ལཾ ཝཱ ཧོ་ཏི, ཡ་ཏྠ པཱ་ཎ་ཀཱ མ་ར་ནྟི, ཏཱ་དི་སཾ ཨུ་ད་ཀཾ ས་ནྡྷཱ་ཡ ཝུ་ཏྟ་ནྟི ཝེ་དི་ཏ་བྦཾ. སེ་ས་མེ་ཏྠ ཨུ་ཏྟཱ་ན་མེ་ཝཱ་ཏི.

ཏི་ས་མུ་ཊྛཱ་ནཾ – ཀཱ་ཡ་ཙི་ཏྟ་ཏོ ཝཱ་ཙཱ་ཙི་ཏྟ་ཏོ ཀཱ་ཡ་ཝཱ་ཙཱ་ཙི་ཏྟ་ཏོ ཙ ས་མུ་ཊྛཱ་ཏི, ཀི་རི་ཡཾ, ས་ཉྙཱ་ཝི་མོ་ཀྑཾ, ས་ཙི་ཏྟ་ཀཾ, པ་ཎྞ་ཏྟི་ཝ་ཛྫཾ, ཀཱ་ཡ་ཀ་མྨཾ, ཝ་ཙཱི་ཀ་མྨཾ, ཏི་ཙི་ཏྟཾ ཏི་ཝེ་ད་ན་ནྟི.

ས་པྤཱ་ཎ་ཀ་སི་ཀྑཱ་པ་དཾ ད་ས་མཾ.

ས་མ་ཏྟོ ཝ་ཎྞ་ནཱ་ཀྐ་མེ་ན སེ་ནཱ་ས་ན་ཝ་གྒོ དུ་ཏི་ཡོ.