༡. ཨ་ཊྛི་ཀ་མ་ཧ་པྥ་ལ་སུ་ཏྟཱ་དི་ཝ་ཎྞ་ནཱ

༢༣༨. ས་ཏྟ་མཱ་དཱི་སུ ཨ་ཊྛི་ཀ་ས་ཉྙཱཏི ཨ་ཊྛི་ཀཾ ཨ་ཊྛི་ཀ་ནྟི བྷཱ་ཝེ་ནྟ་སྶ ཨུ་པྤ་ནྣ་ས་ཉྙཱ. ཏཾ པ་ནེ་ཏཾ བྷཱ་ཝ་ཡ་ཏོ ཡཱ་ཝ ནི་མི་ཏྟཾ ན ཨུ་པྤ་ཛྫ་ཏི, ཏཱ་ཝ ཚ་ཝི་པི ཙ་མྨ་མྤི ཨུ་པ་ཊྛཱ་ཏི. ནི་མི་ཏྟེ པ་ན ཨུ་པྤ་ནྣེ ཚ་ཝི་ཙ་མྨཱ་ནི ནེ་ཝ ཨུ་པ་ཊྛ་ཧ་ནྟི, ས་ངྑ་ཝ་ཎྞོ སུ་དྡྷ་ཨ་ཊྛི་ཀ་ས་ངྒྷཱ་ཊོ་ཝ ཨུ་པ་ཊྛཱ་ཏི ཧ་ཏྠི་ཀྑ་ནྡྷ་ག་ཏཾ དྷ་མྨི་ཀ་ཏི་སྶ་རཱ་ཛཱ་ནཾ ཨོ་ལོ་ཀེ་ནྟ་སྶ སཱ་མ་ཎེ་ར་སྶ ཝི་ཡ, པ་ཊི་མ་གྒེ ཧ་ས་མཱ་ནཾ ཨི་ཏྠིཾ ཨོ་ལོ་ཀེ་ནྟ་སྶ ཙེ་ཏི་ཡ་པ་བྦ་ཏ་ཝཱ་སི་ནོ ཏི་སྶ་ཏྠེ་ར་སྶ ཝི་ཡ ཙཱ་ཏི. ཝ་ཏྠཱུ་ནི ཝི་སུ་དྡྷི་མ་གྒེ (ཝི་སུ་དྡྷི. ༡.༡༥) ཝི་ཏྠཱ་རི་ཏཱ་ནི. ས་ཏི ཝཱ ཨུ་པཱ་དི་སེ་སེཏི ག་ཧ་ཎ་སེ་སེ ཨུ་པཱ་དཱ་ན་སེ་སེ ཝི་ཛྫ་མཱ་ན་མྷི.