༦-༧. ཏ་ཎྷ་ཀྑ་ཡ་སུ་ཏྟཱ་དི་ཝ་ཎྞ་ནཱ

༢༠༧-༢༠༨. ཚ་ཊྛེ ཨེ་ཏ་ད་ཝོ་ཙཱཏི ‘‘ཨི་མི་སྶཾ པ་རི་ས་ཏི ནི་སི་ནྣོ ཨུ་དཱ་ཡི་ཏྠེ་རོ ནཱ་མ ཨ་ནུ་ས་ནྡྷི་ཀུ་ས་ལོ བྷི་ཀྑུ ཨ་ཏྠི, སོ མཾ པུ་ཙྪི་སྶ་ཏཱི་ཏི བྷ་ག་ཝ་ཏཱ ཨོ་སཱ་པི་ཏ་དེ་ས་ནཾ ཉ་ཏྭཱ དེ་ས་ནཱ་ནུ་ས་ནྡྷིཾ གྷ་ཊེ་སྶཱ་མཱི’’ཏི པུ་ཙྪ་ནྟོ ཨེ་ཏཾ ཨ་ཝོ་ཙ. ཝི་པུ་ལནྟི་ཨཱ་དི ས་བྦཾ སུ་བྷཱ་ཝི་ཏ་ཏྟཾ ས་ནྡྷཱ་ཡ ཝུ་ཏྟཾ. སུ་བྷཱ་ཝི་ཏོ ཧི ས་ཏི་ས་མྦོ་ཛ྄ཛྷ་ངྒོ ཝི་པུ་ལོ ཙ མ་ཧ་གྒ་ཏོ ཙ ཨ་པྤ་མཱ་ཎོ ཙ ཨ་བྱཱ་པ་ཛྫོ ཙ ནཱ་མ ཧོ་ཏི. སོ ཧི པ་ཏྠ་ཊ་ཏྟཱ ཝི་པུ་ལོ, མ་ཧ་ནྟ་བྷཱ་ཝཾ ག་ཏ་ཏྟཱ མ་ཧ་གྒ་ཏོ, ཝ་ཌྜྷི་པ་མཱ་ཎ་ཏྟཱ ཨ་པྤ་མཱ་ཎོ, ནཱི་ཝ་ར་ཎཱ་ནཾ དཱུ་རཱི་བྷཱ་ཝེ་ན བྱཱ་པཱ་ད་ར་ཧི་ཏ་ཏྟཱ ཨ་བྱཱ་པ་ཛ྄ཛྷོ ནཱ་མ ཧོ་ཏི. ཏ་ཎྷཱ་ཡ པ་ཧཱ་ནཱ ཀ་མྨཾ པ་ཧཱི་ཡ་ཏཱིཏི ཡཾ ཏ་ཎྷཱ་མཱུ་ལ་ཀཾ ཀ་མྨཾ ཨུ་པྤ་ཛྫེ་ཡྻ, ཏཾ ཏ་ཎྷཱ་པ་ཧཱ་ནེ་ན པ་ཧཱི་ཡ་ཏི. ཀ་མྨ་སྶ པ་ཧཱ་ནཱ དུ་ཀྑནྟི ཡ་མྤི ཀ་མྨ་མཱུ་ལ་ཀཾ ཝ་ཊྚ་དུ་ཀྑཾ ཨུ་པྤ་ཛྫེ་ཡྻ, ཏཾ ཀ་མྨ་པ་ཧཱ་ནེ་ན པ་ཧཱི་ཡ་ཏི. ཏ་ཎྷ་ཀྑ་ཡཱ་ད་ཡོ ཏ་ཎྷཱ་དཱི་ནཾ་ཡེ་ཝ ཁ་ཡཱ, ཨ་ཏྠ་ཏོ པ་ནེ་ཏེ་ཧི ནི་བྦཱ་ནཾ ཀ་ཐི་ཏ་ནྟི ཝེ་དི་ཏ་བྦཾ. ས་ཏྟ་མཾ ཨུ་ཏྟཱ་ན་མེ་ཝ.