༡. ས་མཱ་དྷི་སུ་ཏྟ་ཝ་ཎྞ་ནཱ

༡༠༧༡. ས་ཙྩ་སཾ་ཡུ་ཏྟ་སྶ པ་ཋ་མེ ས་མཱ་དྷིཾ, བྷི་ཀྑ་ཝེཏི ཏེ ཀི་ར བྷི་ཀྑཱུ ཙི་ཏྟེ་ཀ་གྒ་ཏཱ་ཡ པ་རི་ཧཱ་ཡ་ནྟི, ཨ་ཐ ནེ་སཾ ས་ཏྠཱ – ‘‘ཨེ་ཝ་མེ་ཏེ ཙི་ཏྟེ་ཀ་གྒ་ཏཾ ལ་བྷི་ཏྭཱ, ཀ་མྨ་ཊྛཱ་ནཾ ཝ་ཌྜྷེ་ཏྭཱ, ཝི་སེ་སཾ པཱ་པུ་ཎི་སྶ་ནྟཱི’’ཏི ཨི་མཾ དེ་ས་ནཾ ཨཱ་ར་བྷི. ཏ་སྨཱ་ཏི་ཧ, བྷི་ཀྑ་ཝེ, ‘‘ཨི་དཾ དུ་ཀྑ’’ནྟི ཡོ་གོ ཀ་ར་ཎཱི་ཡོཏི ཨེ་ཏྠ ཡ་ཐཱ་བྷཱུ་ཏཱ་དི་ཝ་སེ་ན ཀཱ་ར་ཎ་ཙྪེ་དོ ཝེ་དི་ཏ་བྦོ. ཨི་ད་ཉྷི ཝུ་ཏྟཾ ཧོ་ཏི – བྷི་ཀྑ་ཝེ, ཡ་སྨཱ ས་མཱ་ཧི་ཏོ བྷི་ཀྑུ ཙ་ཏྟཱ་རི ས་ཙྩཱ་ནི ཡ་ཐཱ་བྷཱུ་ཏཾ པ་ཛཱ་ནཱ་ཏི, ཏ་སྨཱ ཏུ་མྷེ་ཧི ཙ ས་མཱ་ཧི་ཏེ་ཧི ཙ་ཏུ་ནྣཾ ས་ཙྩཱ་ནཾ ཡ་ཐཱ་བྷཱུ་ཏཾ པ་ཛཱ་ན་ན་ཏྠཱ་ཡ ‘‘ཨི་དཾ དུ་ཀྑ’’ནྟི ཡོ་གོ ཀ་ར་ཎཱི་ཡོ. ཏ་ཐཱ ཡ་སྨཱ ཙ་ཏྟཱ་རི ས་ཙྩཱ་ནི ཏ་ཐཱ་ག་ཏ་སྶེ་ཝ པཱ་ཏུ་བྷཱ་ཝཱ པཱ་ཀ་ཊཱ་ནི ཧོ་ནྟི, ཡ་སྨཱ ཙ ཏ་ཐཱ་ག་ཏེ་ན སུ་ཝི་བྷ་ཏྟཱ་ནི, ཡ་སྨཱ ཙ ཏེ་སུ ཨ་པ་རི་མཱ་ཎཱ ཝ་ཎྞཱ ཨ་པ་རི་མཱ་ཎཱ་ནི པ་ད་བྱ་ཉྫ་ནཱ་ནི, ཡ་སྨཱ ཙ ཏེ་སཾ ཨ་པྤ་ཊི་ཝི་དྡྷ་ཏྟཱ ཝ་ཊྚཾ ཝ་ཌྜྷ་ཏི, ཏེ་སཾ པ་ཊི་ཝི་དྡྷ་ཀཱ་ལ་ཏོ པ་ཊྛཱ་ཡ ན ཝ་ཌྜྷ་ཏི, ཏ་སྨཱ ‘‘ཨེ་ཝཾ ནོ ཝ་ཊྚཾ ན ཝ་ཌྜྷི་སྶ་ཏཱི’’ཏི ཏུ་མྷེ་ཧི ‘‘ཨི་དཾ དུ་ཀྑ’’ནྟི ཡོ་གོ ཀ་ར་ཎཱི་ཡོ.